Kush jemi
LIFE është e para shtëpi botuese në Shqipëri e specializuar në fushën e profesionistëve të shëndetit që ka lindur nga një bashkëpunim me EDRA LSWR.
LIFE ka si pikësynim të jetë një pikë referimi për të gjithë profesionistët e shëndetit, duke prurë në Shqipëri produkte që kanë rezultuar të suksesshme në Itali të tilla si Doctor33.it, Farmacista33.it, Odontoiatria33.it, dhe kanë ndryshuar panoramën kulturore të shëndetësisë italiane. LIFE iu garanton lexuesve shërbimin më të mirë të mundshëm me vërtetësi, korrektësi dhe në mënyrë të pavarur. Dentist33 i pari portal dedikuar stomatologëve shqiptarë vjen me një format krejt të veçantë për nga natyra dhe përmbajtja për të nxitur interes të gjerë mes profesionistëve të këtij profili.
Misioni ynë është që të kthehemi në një alternativë zgjedhjeje për të gjithë stomatologët që duan të njihen me të rejat më të fundit nga fusha e stomatologjisë, por edhe me aktualitetin dhe normativat që rregullojnë profesionin e tyre. Gjatë këtyre viteve kemi arritur të krijojmë reputacion mes profesionistëve të shëndetësisë, duke servirur dy portale të suksesshme sot, Farmacist33 dhe Doktor33. Të njëjtën cilësi dhe integritet synojmë të ruajmë e zhvillojmë në vazhdimësi me Dentist33. Në këtë sit do të gjeni rubrika si Klinikë e Kërkime, e cila degëzohet në disa kanale tematike: Kirurgji orale, Implantologji, Konservativë, Ortodonci, Periodontologji, Pedodonci, Farmakologji, Training etj., duke ju ofruar një pasqyrë të zhvillimeve më të rëndësishme për secilën disiplinë. Si një gazetë e mirëfilltë elektronike, Dentist33 ofron për lexuesit edhe rubrikat: Kronikë, Intervista, Evente, të cilat ditë pas dite do të pasurohen me lajme nga aktualiteti dhe intervista me personalitete të stomatologjisë shqiptare. Një rëndësi të veçantë i jepet seksionit "Download Center", i cili mundëson shkarkimin falas të materialeve shkencore dhe legjislative që prekin këtë profesion.
Lajmërime është një tjetër rubrikë me interes, që i rezervohet shkëmbimit të njoftimeve mes përdoruesve të sitit, të cilët janë në kërkim të bashkëpunimeve të reja, shitje-blerjeve të pajisjeve apo klinikave dentare, e gjitha në funksion të zhvillimit të mëtejshëm të aktivitetit të tyre.
Dentist33 ofron falas edhe regjistrimin në Medikey, komuniteti më i gjerë online i profesionistëve të shëndetit. Aksesi në këtë bankë të dhënash realizohet nëpërmjet një regjistrimi të thjeshtë që ruan privatësinë. Ky regjistrim i ofron lexuesit çelësin (emrin e përdoruesit dhe fjalëkalimin) për të hyrë automatikisht në seksionet e ofruara.
Adresa:
Rruga e Barrikadave, Pallati "Galeria e Tiranës", Tiranë
NIPT: L41629010D
