Çrregullimet temporomandibulare

Një rishikim i diagnozave dhe i trajtimeve aktuale

Greg Goddard, Giovanni Mauro

Termi çrregullime temporomandibulare (DTM) përfshin gjendje të ndryshme të karakterizuara nga shenja dhe simptoma që përfshijnë artikulacionet temporomandibulare (ATM), muskujt mastikatorë apo të dy. Qëllimi i rishikimit aktual të literaturës është që të diskutojë provat aktuale që kanë të bëjnë me diagnozën dhe trajtimin e këtyre grupeve të çrregullimeve.

MATERIALE DHE METODA
Është kryer një kërkim mbi data bazat elektronike Medline, PubMed, Embase, Scopus. Termat e përdorur për kërkimin kanë qenë: "Temporomandibular Joind Disorders" [Mesh] dhe "Facial Pain" [Mesh]. Kërkimi është kufizuar me: gjuhë angleze, rishikime dhe studime klinike.

REZULTATE DHE DISKUTIME
Nga 328 artikuj të rikuperuar, 47 janë seleksionuar dhe ndarë në kategori sipas klasave të mëposhtme: etiologjia, shkaqet kontroverse, të dhënat klinike, diagnozat e diferencuara, trajtimi. Tre gjendje klinike janë zbuluar nga një kërkim i tillë dhe janë diskutuar: çrregullime artikulare, çrregullime muskulore dhe dhimbje kronike.

KONKLUZIONE
Të dhënat e disponueshme sugjerojnë se një diagnozë e kujdesshme e bazuar në anamnezë dhe vlerësimin klinik është standardi i artë në menaxhimin e TMD. Trajtimi duhet të jetë konservativ, reversibël dhe jo invaziv çdo herë që të jetë e mundur.

Artikullin e plotë origjinal e gjeni duke klikuar këtu.

Përktheu: Erjola Taga