Shëndeti oral gjatë shtatzënisë. ADA publikon rekomandimet e reja

Edhe dentistët dhe higjienistët dentarë luajnë një rol të rëndësishëm në edukimin dhe ndërgjegjësimin e pacienteve shtatzëna për rëndësinë e ushqyerjes së duhur për të ruajtur shëndetin oral gjatë kësaj periudhe delikate si dhe për të nxitur zhvillimin e shëndetshëm të fëmijës së tyre.

Shoqata Amerikane e Stomatologjisë (ADA) ka publikuar së fundi një sërë këshillash të dobishme, në lidhje me ushqyerjen gjatë shtatzënisë duke theksuar se një dietë e ekuilibruar jo vetëm që redukton rreziqet për dhëmbët dhe gengivat e nënës, por gjithashtu kontribuon në formimin dhe shëndetin e dhëmbëve të fëmijës së palindur.

Një pikë për t'u theksuar me pacientet është se dhëmbët e foshnjës fillojnë të formohen që në tremujorin e parë të shtatzënisë. Shpesh nënat nuk janë në dijeni se të porsalindurit lindin me të 20 dhëmbët kryesorë të zhvilluar nën mishrat e dhëmbëve. Prandaj është e rëndësishme të shpjegohet se ndjekja e një dietë e pasur me lëndë ushqyese gjatë shtatzënisë është thelbësore për formimin e dhëmbëve të shëndetshëm të foshnjave.

Vitamina C: Forcon enët e gjakut, mbështet prodhimin e kolagjenit dhe ndihmon në ruajtjen e mishrave të dhëmbëve të shëndetshëm. Burimet ideale përfshijnë luleshtrydhet, portokallet, kivi dhe specat.
Beta-karoteni dhe vitamina A: Esenciale për zhvillimin e indeve të buta dhe të forta të gojës. Ato gjenden te karotat, patatet e ëmbla, spinaqi dhe brokolin.
Omega-3: Ndihmon në reduktimin e inflamacionit të mishrave të dhëmbëve dhe promovon shëndetin e përgjithshëm oral. Gjenden te produktet te peshku, farat e lirit dhe arrat.
Kalciumi dhe vitamina D: Këto lëndë ushqyese janë thelbësore për zhvillimin e dhëmbëve dhe kockave të forta te fëmijët. Gjenden kryesisht te qumështi, kosi, brokoli dhe drithërat e fortifikuara. Vitamina D gjendet gjithashtu te peshqit yndyrorë si salmoni dhe lëngjet e fortifikuara.

ADA gjithashtu thekson rëndësinë e hidratimit: uji i pijshëm, mundësisht i pasur me fluor ndihmon në parandalimin e problemeve dentare si te nëna ashtu edhe te fëmija.

Me rritjen e niveleve të hormoneve gjatë shtatzënisë, pacientet mund të jenë më të prirura ndaj inflamacionit të mishrave të dhëmbëve ose gengivitit të shtatzënisë. Është e rëndësishme qe ato te ndjekin këshillat e mëposhtme:
Ndjekja e nje higjene të duhur orale me furçë dhëmbësh dhe fill dentar.
Konsumimi i ushqime që mbështesin shëndetin e mishrave të dhëmbëve, të tilla si ato të pasura me vitaminë C dhe omega-3.
Në rast gjakderdhje ose gengiva të irrituara duhet t'i drejtoheni menjëherë dentistit.

Një tjetër aspekt i rëndësishëm për të diskutuar është ndikimi i të përzierave dhe të vjellave të shpeshta, probleme të zakonshme në shtatzëni. Lëngjet e stomakut mund të dëmtojnë smaltin e dhëmbëve, duke rritur rrezikun e prishjes së dhëmbëve.

Ndër rekomandimet më të rëndësishme janë:
Shmangni larjen e dhëmbëve menjëherë pas të vjellave, në mënyrë që të mos dëmtoni më tej smaltin e dobësuar.
Sugjeroni shpëlarjen e gojës me një tretësirë uji dhe sodë buke (një lugë çaji në një gotë ujë) për të neutralizuar acidet.
Prisni të paktën 30 minuta para se të lani dhëmbët.