Dixhitali në ortodonci

Këto janë zbulimet kryesore dixhitale të aplikueshme tashmë në klinikë

Nga Elsido Davide

Ortodoncia po përqafon me shpejtësi materiale të reja dhe teknologji të avancuara, duke bërë një realitet klinikat ortodontike të pajisura plotësisht në 3D. Zhvillimet e kohëve të fundit dhe futja e skanerit intraoral dhe facial, radiografia dixhitale, tomografia e kompjuterizuar me kon (CBCT) dhe prodhimi shtesë (additive manufacturing) kanë përmirësuar qoftë pjesën diagnostikuese qoftë atë praktike të trajtimit ortodontik.

Progresi kalon edhe nga rritja e shpejtë e instrumenteve didaktike dhe edukative dixhitale si performanca video 3D dhe animacionet për komunikimin me pacientin. Në këtë artikull do të ngremë dritë mbi zbulimet kryesore dixhitale që aplikohen tashmë në klinikë.

Modelet e klinikës dixhitale ofrojnë një alternativë të besueshme në krahasim me ato tradicionale në shkumës; avantazhet e tyre në diagnostikimin ortodontik dhe në planifikimin e trajtimit përfshijnë:

• transferimin e të dhënave elektronike thjeshtë dhe shpejt
• konsultimin e menjëhershëm
• hapësirat e reduktuara për magazinim

Modelet dixhitale mund të manipulohen në kompjuter për të analizuar një seksion ose dhëmbë specifikë, formën e harkut, sasinë e grumbullimit ose hapësirën dhe llojin e malokluzionit.

Janë të mundshme masa si overjet, overbite, dimensioni i dhëmbit, gjatësia e harkadës, distancat transversale dhe diskrepanca e Bolton. Gjithashtu, nëse është i nevojshëm një model fizik i dhëmbëve për prodhimin e një aparati ortodontik, ata dixhitalë mund të stampohen në 3D me teknologjinë e prototipave.

Modelet dixhitale mund të përftohen nëpërmjet një metode direkte, pra me një skaner intraoral në gojën e pacientit ose indirekt, që do të thotë me skanimin e një modeli në shkumës ose të një gjurme. Skaneri facial, mbase më i përdorur për kërkime se sa në klinikë në përditshmëri, mundëson topografinë tredimensionale të anatomisë së sipërfaqes së fytyrës me njohje automatike të pikave të referimit për analizat e simetrisë dhe të proporcioneve.

Aplikacionet praktike përfshijnë vlerësimin sasior dhe cilësor të rritjes, të asimetrive, ndryshimeve etnike dhe të gjinisë. Imazhi 3D është i dobishëm dhe për një simulim tredimensional të rezultatit të trajtimit ortodontik apo maksilofacial.

"Simulimi i rezultatit" është oferta dhe nga disa prodhues të aparateve nëpërmjet softuerëve që mundësojnë planifikimin e lëvizjeve ortodontike. Shembujt më të njohur janë Invisalign nëpërmjet ClinCheck të tij (për maskerinat transparente), Incognito (për ortodoncinë linguale), Insignia (për ortodoncinë vestibulare).

Aplikacioni më i zakonshëm i printerave 3D në ortodonci është pikërisht ai i modeleve në rezinë për prodhimin e maskerinave. Edhe laboratorët mund të stampojnë një sekuencë të modeleve fizike dhe të përdorin një material termoplastik për të prodhuar serinë e maskerinave korresponduese me lëvizjet e planifikuara.

Aplikacione të tjera të zakonshme janë realizimi i udhëzimeve për lidhjen indirekte të braketave, prodhimin e retainer dhe aparateve për apneat gjatë natës.

Sot është e mundur që të gjejmë laboratorë specifikë për prodhimin e aparateve ortodontike në metal duke filluar nga dizenjimi dixhital i manifakturës nëpërmjet teknikave të shtrirjes (sintering). Fluksi i punës bëhet dixhital edhe për prodhimin e aparateve si: zgjerues të shpejtë të qiellzës, ruajtës të hapësirës, unaza metalike (ferrules), distancator.

Prodhuesit e vetëm të skanerit intraoral shpesh furnizojnë një listë laboratorësh të pajisur për të marrë file drejtpërdrejt pas skanimit duke thjeshtuar më tej procedurën. Alternativa është ajo që të eksportojë file pas skanimit në format "të hapur" STL dhe ta dërgojë në laboratorin e tij.

Pa u futur në detajet e prodhimit është e mundur që të përftojmë aparate me sipërfaqe lisho, plotësisht aderuese me anatomitë e dhëmbëve. Kjo bën të mundur që të heqim dorë nga pozicionimi i fashave (në të kaluarën të domosdoshme për mbajtje) por më tepër për të ngjitur aparatin duke shfrytëzuar sipërfaqen e madhe të adezionit mbi kurorën e dhëmbëve.

Klinikisht avantazhi është i ndjeshëm: më i madh në krahasim me indet interdentare, më pak bezdisje për pacientin, më pak kohë në poltron që të mund të shmangim, për shembull, takimin për të aplikuar llastiqet ndarës dhe fashat.

Në të ardhmen një integrim më i madh midis softuerit, modeleve dixhitale, skanimeve faciale 3D dhe CBCT do të lehtësojë më tej planifikimin e trajtimit dhe komunikimin me pacientët. Eliminimi i gjurmëve tradicionale dhe reduktimi i fazave të punës gjenerojnë efikasitetin me kënaqësinë e pacientit dhe të personelit për një fluks pune dixhital të integruar dhe të hollë.

Lindin çdo ditë kompani të reja, modele skanimi dhe printera që sjellin një rënie të ndjeshme të kostove të sistemeve dhe përmirësohet cilësia e materialit: në vitet e ardhshme teknologjitë do të ofrojnë aplikacione diagnostikuese dhe trajtimi më të volitshme dhe që shkojnë përtej metodave aktuale.

Falënderohet laboratori "Il proggetto srl" për mundësimin e imazheve.