Maskerina transparente apo aparat fiks? Një kërkim italian ka hetuar diferencat mbi shëndetin periodontal

Prof. Luca Levrini

Në numrin e gushtit 2018 të revistës JADA (Journal of the American Dental Association) është publikuar një meta-analizë relative përballë shëndetit periodontal te pacientët që i nënshtrohen një trajtimi ortodontik me maskerina transparente (aligner) dhe atyre që i nënshtrohen një trajtimi me aparate fikse.

Studimi i publikuar lind nga bashkëpunimi ndërmjet një grupi italian (prof. Luca Levrini dhe doktor Gian Marco Abbate) dhe një profesor kinez nga Universiteti i Nanjing. Një publikim i tillë paraqet konkluzionin e një serie hetimesh të filluara falë një granti të dhënë nga Align Technology në 2011 që ka lejuar zhvillimin e kërkimeve të para me interes dhe vlerë në raportin ndërmjet shëndetit të gingivave dhe aplikimit të maskerima transparente ortodontike.

Maskerinat transparente ortodontike janë gjithnjë e më të përdorura nga stomatologët, veçanërisht për efikasitetin e tyre, komfortin dhe estetikën. Gjithnjë e më të përdorura për teknologjinë që i karakterizon, ato janë një instrument që ndihmojnë ortodontin në një suport teknologjik aktual, por sidomos efikas.

Objektivi i autorëve, në këtë revizion sistematik dhe në këtë meta-analizë ka qenë krahasimi i shëndetit periodontal te pacientët që i janë nënshtruar trajtimit ortodontik me maskerina ortodontike dhe atyre që i janë nënshtruar një trajtimi ortodontik me aparat fiks. Aparatet fikse ortodontike mund të lehtësojnë grumbullimin e pllakës dhe të dëmtojnë shëndetin e gingivave sepse ngjitjet, llastiqet dhe lidhjet pengojnë larjen me furçë dhe reduktojnë pastrimin natyral nga pështyma.

Nëse pacientët nuk arrijnë të mbajnë një higjienë të mirë orale, pllaka e grumbulluar mund të shkaktojë deminiralizimin e smaltit dhe gingivitin. Në të kundërt, maskerinat transparente mund të hiqen nga goja për të larë dhëmbët më mirë dhe për të kryer teknikat e profilaksisë, si edhe lidhen me një risk të reduktuar për zhvillimin e kariesit dhe gingivitit.

Pra nuk është vetëm mundësia për të pastruar dhëmbët pa pengesa arsyeja e përdorimit të maskerinave transparente por edhe nevoja "automatike" për larjen e tyre sa herë që vihen gjatë ditës, nga tre deri në pesë herë.

Tipologjia e kërkimit dhe modaliteti i analizës
Autorët kanë konsultuar në mënyrë sistematike burimet konvencionale (PubMed, Web of Science, Cochrane Library ed Embase) për të grumbulluar studimet që lidhen me këtë tematikë.

Pasi kanë ekstraktuar të dhënat dhe kanë vlerësuar cilësinë e kërkimeve, kanë kryer një meta-analizë dhe një trial sequential analysis. Veçanërisht autorët kanë përdorur Grading of Recommendations Assesment, Development and Evaluation System për të vlerësuar cilësinë e provave.

Rezultate
Rezultati i një kërkimi të tillë kanë qenë nëntë studime të futura në analizë. Nga rezultatet ka dalë që maskerinat transparente janë më të përshtatshme për shëndetin periodontal, duke përfshirë indeksin e pllakës (diferenca mesatare [MD] 0,53, intervali i besueshmërisë 95% [CI] nga 0,85 në 0,20, P ¼ 0,001), indeksi gingival (MD 0,27; 95 % CI, nga 0,37 në 0,17; P <0,001) dhe thellësinë e sondimit (MD 0,35; IC 95%, da 0,67 a 0,03; P 1/4 .03), në krahasim me aparatet ortodontike fikse.

Megjithatë, rezultati i trial sequential analysis ka treguar një rezultat të meta-analizës shumë pozitiv për thellësinë e sondimit. Për këto arsye autorët kanë ulur nivelin e provave për shkak të riskut të paragjykimeve dhe mospërputhjeve.

Konkluzione
Brenda limiteve të këtij revizioni sistematik, maskerinat transparente janë më të mira për shëndetin periodontal në krahasim me aparatet fikse, megjithatë sipas provave me cilësi mesatare. Për këtë arsye janë të nevojshme RCT me cilësi të lartë për të prodhuar një rekomandim klinik konkluziv.

Një konsideratë e tillë është e rëndësishme sepse lejon propozimin e maskerinave transparente te pacientët me një vlerë të konsiderueshme të shtuar, jo thjesht të efikasitetit të rezultatit okluzal por edhe të shëndetit dhe kujdesit të indeve të forta dhe të mbështetjes së dhëmbëve.

Nën kujdesin e: Prof. Luca Levrini

Për më tepër:
Qian Jiang, Jialing Li, Li Mei, Jing Du, Luca Levrini, Gian Marco Abbate, Huang Li. Periodontal health during orthodontic treatment with clear aligners and fixed appliances. JADA 2018;149(8):712-20.e12

Përktheu: Valbona Spahia