Trajtimi multidisiplinor i një diasteme meziale të rëndë: një raport klinik

Nga Lara Figini

Diastema është përkufizuar si një hapësirë ose boshllëk, pak a shumë e gjerë ndërmjet dy dhëmbëve dhe është një shqetësim i zakonshëm. Është e vështirë që një diastemë meziale maksilare (MMD) më e madhe se 2 mm në denticionin e përzier të mbyllet spontanisht.

Një MMD interincizale ndonjëherë krijon problematika estetike, me efekte psikologjikisht negative të tilla që kërkojnë mbylljen e saj.

Trajtimet stomatologjike mund të jenë të ndryshme për mbylljen e diastemave anteriore, duke filluar nga ato ortodontike deri tek ato protetike/konservative të shoqëruara ose jo me trajtime periodontale të frenulum.

Tipologjia e kërkimit dhe modaliteti i analizës
Në një raport rasti në Journal of Prosthodontics në mars 2019 shpjegohet një trajtim multidisplinor për të korrigjuar një diastemë anteriore të rëndë prej 4 mm te një paciente 46 vjeçare, pa karies, në shëndet të mirë, të kryer në Departamentin e protetikës në shkollën e stomatologjisë në Universitetin e Stambollit.

Ekzaminimi klinik ka zbuluar një diastemë 4 mm ndërmjet incizivëve qendrorë maksilarë me një lidhje dentare të Klasës I, një biotip gingival të butë, një frenulum labial të trashur, një arkitekturë gingivale mjaftueshëm simetrike dhe një prani të kaninëve të qumështit në mënyrë bilaterale diskromike dhe të gërryer.

Vlerësimi radiografik ka zbuluar praninë e kaninëve superiorë të përhershëm të retinuar dhe të pjerrët në mënyrë meziale në planin okluzal.

Autorët kanë theksuar një plan trajtimi ortodontik të plotë për të zgjidhur problematikën nëpërmjet një programi smile-design virtual (Romexis Software, Planmeca USA, Inc., Roselle, IL), por që është refuzuar nga pacientja për arsye ekonomike dhe të kohëzgjatjes së trajtimit.

Prandaj, është projektuar një plan trajtimi multidisiplinor alternativ që ka parashikuar një trajtim ortodontik të limituar të afrimit të incizivëve pas frenektomisë labiale dhe pozicionimit të fasetave në disilikat litiumi për mbylljen e diastemës së pazgjidhur plotësisht nëpërmjet ortodoncisë (trajtimi ortodontik është zgjatur për 2,5 muaj duke reduktuar diastemën MMD nga 4,0 mm në 1,8 mm).

Autorët pra kanë ekstraktuar kaninët e qumështit dhe kanë pozicionuar proteza dentare fikse me tre njësi (FDP) në zirkon për të zëvendësuar vetë ata. Në pritje të manufakteve protetike definitive janë kryer provizorë në rezinë. Sipërfaqet adezive interne të fasetave janë trajtuar me acid fluorhidrik 9% për 20 sekonda dhe me silante (Silane, Ultradent).

Sipërfaqja e smaltit dentar, në fakt është trajtuar me acid fosforik 37% dhe restaurimet janë cementuar me cement rezinoz të tejdukshëm (RelyX Unicem 2, 3M ESPE). Cementi i tepërt është hequr nga margot dhe është polimerizuar me dritë për 40 sekonda. FDP janë cementuar me një cement glassionomer të modifikuar me rezinë (Relyx Luting PlusAutomix, 3M ESPE).

Vlerësimi klinik përfundimtar i pacientes është kryer 3 muaj pas përfundimit të trajtimeve dhe ka evidentuar një rezultat të kënaqshëm qoftë për profesionistin qoftë për pacienten.

Konkluzione
Në bazë të këtij raporti të rastit klinik mund të dalim në konkluzionin se një rezultat i kënaqshëm estetik dhe funksional mund të arrihet me një trajtim multidisiplinor që integron trajtime ortodontike, periodontale dhe protetike për mbylljen e një diasteme të rëndë.

Për më tepër:
ªen N, Iºler S. Multidisciplinary management of a severe maxillary midline diastema: a clinical report. J Prosthodont 2019 Mar;28(3):239-43.

Përktheu: Valbona Spahia