Cilat janë metodat më të mira për të pastruar maskerinat e termoformuara?

Davide Elsido

Në maj 2019 në Journal The Angle Orthodontist u publikua një artikull në lidhje me efektet afatgjata të metodave të ndryshme të pastrimit te maskerinat në polipropilen/ kopolimere etileni. Pas përfundimit të trajtimit ortodontik një nga qëllimet më të rëndësishme është ruajtja e rezultatit përfundimtar. Është raportuar se përafërsisht 70% e rasteve ortodontike rezultojnë në disa shkallë recidivash. Shkaqet e recidivës vijnë si pasojë e një numri të ndryshëm faktorësh, duke përfshirë periodontiumin, okluzionin, indet e buta dhe rritjen. Maskerinat transparente termoplastike kanë filluar të përdoren më shumë për shkak të estetikës dhe lehtësisë së prodhimit. Dy materialet më të zakonshme të përdorura për maskerinat e formuara me vakum (VFRs) janë polimeret e polietilenit dhe polipropileni/ kopolimere etileni. Polimeret e polietilenit konsiderohen më estetikë për shkak se materiali është transparent; sidoqoftë, polipropileni/kopolimere etileni janë konsideruar më të fortë dhe fleksibël.

MATERIALE DHE METODA
Në këtë studim, janë vlerësuar gjashtë metoda të ndryshme pastrimi:
• Invisalign Cleaning Crystals (Align Technology, Inc.; San Jose, Calif);
• Retainer Brite Cleaning Tablets (Dentsply International; York, Pa);
• Polident Antibacterial Denture Cleaner (GlaxoSmithKline; Philadelphia, Pa);
• Listerine Cool Mint (Johnson & Johnson Consumer, Inc.; New Brunswick, NJ);
• 2.5% uthull; 0.5% hipoklorur natriumi; 3% peroksid hidrogjeni;
• Larja e dhëmbëve me ujë të distiluar.

Për të gjashta metodat e pastrimit, pesë nga dhjetë kampionet i janë nënshtruar testeve për modulin e fleksibilitetit dhe pesë kampionet e tjera i janë nënshtruar testeve për përçueshmërinë e dritës dhe ashpërsinë e sipërfaqes.

REZULTATE
Rezultatet indikojnë se metodat e ndryshme të pastrimit prekin përçueshmërinë e dritës për një kohë të gjatë të materialit polipropilen/kopolimer etileni të maskerinës. H2O2 është rekomanduar si një solucion pastrimi për materialin polipropilen/kopolimer etileni të maskerinës për shkak të aftësive të fuqishme oksiduese.
Në ditën e sotme nuk ka ende një metodë ideale për pastrimin e maskerinave në polipropilen/kopolimer etileni.

KONKLUZIONE
Materiale të ndryshme të maskerinave kërkojnë solucione të ndryshme pastrimi për të ruajtur transluçencën dhe fleksibilitetin origjinal. Edhe pse konkluzionet e këtij artikulli nuk kanë një rëndësi të madhe klinike, japin një informacion bazë për reflektimin mbi këto pajisje të cilat shpesh i dorëzohen pacientëve me një informacion të kufizuar mbi mirëmbajtjen e tyre.

Për më tepër:
Long-term effects of various cleaning methods on polypropylene/ethylene copolymer retainer material

Përktheu: Valbona Spahia