Kohëzgjatja e eruptimit të detyruar të kaninëve të impaktuar

Davide Elsido

Në dhjetor 2019 American Journal of Orthodontics and Dentofacial Orthopedics publikoi një artikull për të identifikuar faktorët që prekin kohëzgjatjen e eruptimit të detyruar për kaninët maksilarë të impaktuar.
Kanini maksilar është dhëmbi i dytë që mbetet i impaktuar më shpesh, pas molarit të tretë, me një incidencë që shkon nga 0.8% deri në 2.8%, në varësi të popullsisë së ekzaminuar. Një kanin i impaktuar kërkon një menaxhim kompleks terapeutik, që mund të konsiderohet i suksesshëm vetëm nëse eruptimi i detyruar dhe rreshtimi pasues e sjell dhëmbin në pozicionin e duhur në harkadën dentare.
Eruptimi i detyruar për kaninët e impaktuar maksilarë në mënyrë tipike ka nevojë për ndërhyrje kirurgjikale dhe ortodontike për të nxjerrë kaninët në harkadën dentare me sukses. Variacionet në pozicionet bukopalatale, vertikale dhe anteroposteriore të impaktimit përkufizojnë kompleksitetin dhe kohëzgjatjen e trajtimit. Vlerësimi i pre-trajtimit të besueshëm të kohëzgjatjes së trajtimit ortodontik do të ishte i dobishëm në procesin e vendim marrjes për pacientët me kaninë të impaktuar dhe në ofrimin e informacionit të saktë te pacienti.
Disa variabla janë propozuar për të parashikuar kohëzgjatjen e eruptimit të detyruar si mosha, numri i kaninëve të impaktuar, pre-trajtimi radiografik i variablave në radiografitë panoramike, indekset e llogaritur nga CBCT.

Materiale dhe metoda
Regjistrimet e 27 pacientëve të trajtuar në mënyrë kirurgjikale dhe ortodontike për të vendosur në vend 29 kaninë maksilarë të impaktuar (25 unilateralë, 2 bilateralë) nga 2009 deri në 2016 ishin rishikuar. Pacientët me moshë nga 9-22 vjeç. Kriteret e përfshirjes ishin:
(1) kaninët maksilarë të zhvendosur në mënyrë unilaterale ose bilaterale në mënyrë labiale ose të impaktuar që janë trajtuar duke përdorur impaktimin e eruptimit të detyrimit me pajisje ortodontike fikse;
(2) prania e radiografive panoramike të pre-trajtimit si edhe CBCT pre- dhe post-trajtim;
(3) të gjitha trajtimet e plotësuara;
(4) regjistrimet e plotësuara të trajtimit.
Të gjithë pacientët i nënshtrohen një procedure me lembo të mbyllur të ndjekur nga tërheqja ortodontike. Pas anestezisë lokale, një prerje vestibulare dhe vertikale kryhet në nivelin e kaninit maksilar të impaktuar. Mucoperiosteum më pas u shkëput nga kocka. Kocka sipër hiqet me një frezë sferike dhe indi folikular dentar hiqet nga sipërfaqja e smaltit. Heqja e mëtejshme e indit të butë dhe/ose kockës u krye për të shtuar eruptimin e detyruar të kaninit. Një braketë ortodontike u vendos më pas dhe tërheqja ortodontike e detyruar u zbatua pas 7 ditësh.

Rezultate
Një total prej 29 kaninësh të trajtuar janë lëvizur në harkadë për një periudhë prej 13.0 +- 8.3 muaj (hapësira kohore, 5-33 muaj). Analiza e regresionit të thjeshtë ka treguar që faktori i vetëm i rëndësishëm ishte pre-trajtimi i pjerrësisë së kaninëve drejt planit mid-sagital; analiza e regresionit hap pas hapi indikoi një lidhje direkte të fortë ndërmjet kohëzgjatjes së tërheqjes dhe këtij faktori.
Variablat e tjera nuk lidheshin në mënyrë të rëndësishme me kohëzgjatjen e tërheqjes. Trajtimi më i dëshiruar për menaxhimin e kaninëve maksilarë të impaktuar që do të detektohen më herët dhe kontrollimi në kohë i impaktimit të mundshëm.
Një grup moshë nga 9-22 vjeç mund të mos jetë mjaftueshëm e gjerë për të treguar lidhjen e moshës me kohën e trajtimit: ky është limitimi i këtij studimi.

Konkluzione
Kaninët e impaktuar me një kënd më të lartë drejt planit mid-sagital kanë një kurorë më të shkurtër dhe një apeks më të gjatë që lidhet me planin mid-sagital.
Tërheqja aktive nuk mund të drejtohet në një vend në harkadën dentare sepse mund të rezultojë në rezorbimin e rrënjëve të incizivëve të lokalizuar në drejtim të tërheqjes.
Prandaj, ata kërkojnë pozicionin vertikal terapeutik me tërheqjen ortodontike në pjesën e kundërt të rrënjës laterale të incizivit. Kur ndodhet më pranë planit okluzal, torsioni i rrënjës duhet të shtohet për të arritur pozicionin e saktë, duke rezultuar në zgjatjen e kohës së trajtimit.

Për më tepër: Factors affecting forced eruption duration of impacted and labially displaced canines.

Përktheu: Valbona Spahia