Mbindjeshmëria ndaj klorheksidinës. Analizohen shkaqet dhe pasojat

Duke qenë se mukoza orale është në kontakt me substanca të ndryshme, duke filluar që nga materialet dentare deri te produktet për higjienën orale, nga ushqimet deri tek aditivët ushqimorë, çamçakëzët dhe karamelet, të gjitha këto substanca që mund të nxisin mbindjeshmëri të tipit akut ose reagime të tipit të vonuar të cilat përgjithësisht përshkruhen si stomatit alergjik nga kontakti.

Shfaqja klinike e stomatitit alergjik nga kontakti mund të ndryshojë: forma akute është e lidhur zakonisht me djegien, eritemën, edemën dhe lezionet vezikulo-erozive, ndërsa tipi i vonuar ose forma kronike manifestohet me lezione të kuqe dhe të bardha. Reagimet mund të jenë të lokalizuara ose të përhapura, sipas tipit të alergenit. Pra edhe produktet për higjienën orale mund të nxisin reagime të këtij lloji. Për shembull, klorheksidina, që përdoret gjerësisht si dezinfektant e lëkurës dhe mukozës, jo vetëm tek instrumentet mjekësore, mund të shkaktojë reagime alergjike dhe/ose mbindjeshmërie.

Tipologjia e kërkimit dhe modaliteti i analizës

Në një studim të publikuar së fundi, autorët kanë analizuar një rast të reagimeve të mbindjeshmërisë gengivale të tipit të vonuar për shkak të klorheksidinës dhe kanë kryer një rishikim të literaturës mbi reagimet e mbindjeshmërisë së mukozës orale që lidhet me produktet e higjienës orale që përmbajnë klorheksidinë.

Rasti në fjalë kishte të bënte me një burrë 58 vjeç që paraqiste një zonë eritematoze të kufizuar në gengivën anteriore superiore djathtas. Autorët kryen një biopsi incizionale. Pas ndërhyrjes, ata përshkruan një xhel me përmbajtje klorheksidine diglukonat dy herë në ditë, por pacienti e ndërpreu përdorimin sepse kishte ndjerë një djegie të fortë menjëherë pas aplikimit të parë.

Diagnoza mikroskopike ishte mukoziti aspecifik me reagim të dyshuar për mbindjeshmëri. Pacienti ka referuar se përdor një furçë me bazë klorheksidine diglukonat 0,004% dy herë në ditë gjatë viteve të fundit.

Është supozuar një reagim mbindjeshmërie i tipit të vonuar nga furça e dhëmbëve dhe përdorimi i saj është ndërprerë. Klorheksidina, përbërësi i zakonshëm qoftë te furçat qoftë te xhelërat është shënuar si alergen.

Autorët kanë kryer pra një rishikim të literaturës mbi reagimet e hiperndjeshmërisë orale të induktuar nga klorheksidina.

Rezultatet

Dy javë pas ndërprerjes së përdorimit të furçës u vu re zhdukja e plotë e lezionit pa ndërhyrje të mëtejshme. Edhe pas katër vitesh nuk është sinjalizuar asnjë recidivë. Rishikimi i literaturës ka prodhuar 7 studime të sjella nga 20 pacientë me manifestime intraorale të reagimeve të hiperndjeshmërisë që lidheshin me produktet e higjienës orale që përmbanin klorheksidinë.

Konkluzionet

Nga të dhënat e nxjerra nga ky studim, që duhet të konfirmohen me punime të tjera analoge, mund të dalim në përfundimin se produktet për higjienën orale që përmbajnë edhe përqendrime të ulëta të klorheksidinës mund të shkaktojnë reagime të mbindjeshmërisë.

Implikimet klinike

Stomatologët duhet të jenë të ndërgjegjshëm për manifestimin klinik të reagimeve të mbindjeshmërisë nga klorheksidina për t'i diagnostikuar dhe për t'i menaxhuar ato me saktësi.

Për më shumë informacion:

Kotsailidi EA, Kalogirou E-M, Michelogiannakis D, Vlachodimitropoulos D, Tosios KI. Hypersensitivity reaction of the gingiva to chlorhexidine: case report and literature review. Oral Surg Oral Med Oral Pathol Oral Radiol 2020;130(2):156-60.e1.