Përdorimi i sustave Kilroy për tërheqjen e kaninëve të sipërm të retinuar

Ekspozimi i një kanini të sipërm të retinuar në kockë përfaqëson gjithmonë një moment me përkushtim të madh, si nga pikëpamja diagnostikuese si nga ajo terapeutike. Sot falë Tomografisë cone beam (CBCT), të lokalizosh në mënyrë tredimensionale një element dentar të retinuar është relativisht e thjeshtë. Kjo thjeshton shumë përgatitjen e një plani të përshtatshëm trajtimi. Me kompletimin e fazës diagnostikuese, fazat operative që vijojnë hasin pengesa të ndryshme, e para mbi të gjitha humbja e mundshme e ankorimit gjatë tërheqjes së kaninit.
Në këtë artikull, nëpërmjet diskutimit të një rasti klinik, analizojmë fazat e ndryshme të procesit terapeutik që fillon me ekspozimin e dhëmbit të retinuar deri sa arrin pozicionin e tij korrekt në harkatë. Lembo kirurgjikal duhet të ketë një shtrirje adekuate, të tillë që të lehtësojë fazat e heqjes së shtratit kockor sfungjeror, hemostazës dhe ngjitjes së lidhjes ose të butonit në sipërfaqen e ekspozuar dentare, duke shmangur dëmtimet e strukturave anatomike fqinje. Pajisja ideale e tërheqjes duhet të ketë një forcë sa më konstante të mundshme dhe të drejtuar në mënyrë adekuate, në mënyrë që të lejojë daljen e dhëmbit në pak kohë. Ankorimi i përshtatshëm në elementet e tjerë dentar, në këto faza është një aspekt kritik për të shmangur kolapsin e elementeve dentar fqinj, drejt dhëmbit që duhet ekspozuar.

Rasti klinik në fjalë është trajtuar nëpërmjet teknikës MBT dhe sustës Kilroy. Teknika MBT na ka lejuar që të kryejmë paraprakisht fazat e drejtimit dhe nivelimit të elementeve dentare dhe përftimit të një hapësire të përshtatshme për elementin që duhet ekspozuar. Harku përfundimtar drejtkëndor i përdorur në këtë teknikë ka trashësinë dhe një fortësinë e duhur për të shmangur humbjet e padëshirueshme të ankorimit. Ka si karakteristikë një elasticitet të madh dhe është në gjendje të ushtrojë një forcë konstante e cila lejon spostimin e kaninit të retinuar poshtë dhe drejt pjesës së jashtme, duke lejuar ekspozimin e dhëmbit dhe në të njëjtën kohë spostimin e tij drejt njësisë natyrale. Kombinimi i teknikës MBT me këtë mjet ndihmës, lejon plotësimin e pjesës më të madhe të terapisë stomatologjike para ekspozimit të kaninëve të retinuar dhe e bën të tepërt përdorimin e dispozitivëve të ankorimit. Susta e Kilroy, shpikur nga S. Jay Bowman dhe Aldo Carano është prodhuar nga American Orthodontics.

Për më tepër:
The use of Kilroy Springs in the disimpaction of upper canines

Fig. 1: Susta e futur në harkun prej çeliku gati për aktivizim

Fig. 2: Dy susta Kilroy të aktivizuara nëpërmjet rrotullimit në elementin dentar që duhet ekspozuar dhe fiksimi me fill për lidhje. Vektori rezultant do të drejtohet poshtë dhe drejt pjesës së jashtme

Fig. 3: Është i dukshëm kontraktimi i konsiderueshëm transversal i qiellzës, që ka nevojë për korrigjim

Fig. 4: Qiellza në përfundim të zgjerimit transversal

Fig. 5: Ekspozimi i kaninit. Qepja e lembos duke respektuar strukturat periodontale të dhëmbëve fqinj dhe hemostazës. Tuneli i përftuar nga heqja e dhëmbit të qumështit do të shfrytëzohet për tërheqjen e elementit të retinuar në pozicionin e tij natyral

Fig. 6: Sustat Kilroy të futura dhe të aktivizuara në të dy kaninët e retinuar. Për t’u vënë re në 13 është prania e një tërheqje dyfishe, për shkak të pozicionit fillestar shumë qendror