|

Ortodonci dhe gnatologji | 6 Dhjetor 2017 |

Një teknikë Straightwire hibride. Rast klinik

Edhe pse ekzistojnë në treg pajisje të ndryshme të llojit edgewise, teknika straightwire (me tel të drejtë), është sigurisht më e përhapura falë thjeshtësisë së saj.
Në brendësi të teknikave të ndryshme S.W, që dallojnë midis tyre nga projektimi, përshkrimi dhe dimensioni i slot-it, sistemet self-ligating kanë fituar popullaritet pasi duhet të sjellin përfitime për sa i përket forcës dhe shtrëngimit.
Këto të fundit duhet të jenë më efikase në disa faza specifike të trajtimit ortodontik: ajo e nivelimit dhe e drejtimit dhe mbi të gjitha në atë të mbylljes së hapësirave; limiti i këtyre sistemeve self-ligating përfaqësohet nga fakti se nuk arrijnë një kontroll optimal tredimensional të dhëmbit, mbi të gjitha në regjionin incizal.
Për të kapërcyer këtë pengesë, disa autorë kanë propozuar një sistem hibrid ose një sistem dy-dimensional që inkorporon vetitë mekanike optimale për rrëshqitjen në regjionin posterior por duke mbajtur një kontroll optimal tri-dimensional në rajonin anterior.
Duke u bazuar në këto koncepte kemi projektuar dhe zhvilluar një sistem hibrid, dy-dimensional për të përmirësuar eficencën e teknikës straightwire; kryesisht sistemi është i përbërë nga:
• Braketa konvencionale me një slot 0.020x0.030" tek incizivët, braketa pasive të llojit self-ligating te premolarët (f1000) dhe tuba me një slot 0.022x0.030" në regjionin e molarit. Te kaninët përdoren braketa self-ligating (f1000) ose konvencionale sipas nevojës së trajtimit (pak a shumë shtrëngim).
• Harqe që adaptohen me fazat e ndryshme të trajtimit duke rritur diametrin e tyre dhe fortësinë në mënyrë progresive duke filluar nga 0.014" NiTi super elastik, duke kaluar nga 0.016x0.025" dhe 0.019x0.025" NiTi termik, deri sa të arrijë 0.019x0.025" në çelik për fazën e punës me tiebacks.
• Përdorimi i llojeve të ndryshme të lidhjeve që në mënyrë progresive rrisin forcën e tyre (lidhje jo konvencionale me shtrëngim të ulët, lidhje elastike-metrike në formën e '0' ose '8' dhe ato metalike).

Falë përdorimit të slot-eve më të vegjël në rajonin incizal (0.02x0.030"), realizohet një dispersion i informacionit të rendit të tretë dhe një reduktim i vlerave të torque të incizivëve superiorë nëse krahasohet me përshkrimin MBT (torque inciziv qendror superior: 14o; torque i incizivit lateral superior: 7o).

Për sa i përket dimensionit in-out është i këshillueshëm përdorimi i braketave konvencionale dhe self-ligating me vlera korrekte in-out.
Zgjedhja për të përdorur në rajonin anterior një slot nga 0.020" në vend të një 0.018" derivon nga vendimi për të përdorur një 0.019x0.025" në çelik për mbylljen e hapësirave (faza e punës).
Edhe nëse diferenca është minimale, një fije çeliku 0.019x0.025" ka më pak tendencë për deformim dhe notch në krahasim me një 0.018x0.022"; gjithashtu ngurtësia e 0.019x0.025" në çelik ndihmon në vetitë mekanike të rrëshqitjes.

Gjithashtu duhet rikujtuar se pjesa më e madhe e ortodontëve përdorin 0.019x0.025" në çelik si hark për mbylljen e hapësirave dhe përfundojnë rastet e tyre me harkun e radhës me slot prej 0.022".
Disponueshmëria pra e një slot-i prej 0.020" i lejon mjekut, që zakonisht përdor harqe prej 0.019x0.025", që të arrijë një kontroll më të mirë të torque në rajonin incizal.

Raportohen dy raste shpjeguese të metodikës, i pari është një rast ekstraksioni i katër premolarëve të parë, ndërsa i dyti nuk kërkon ekstraksione.

RASTI 1
Paciente femër 18.9 vjeç biprotruded dhe me dhëmbë të përhershëm. Testi intaoral shfaq një marrëdhënie të klasës I molare dhe kanine, grumbullim mandibular, overjet normal dhe overbite jo i përshtatshëm.

Biotipi periodontal shfaqet i hollë dhe testet funksionale tregojnë një mungesë të guidës anteriore.
Radiografia laterale e kafkës tregon një vlerë të ulët të këndit të planit mandibular dhe një relacion skeletor të klasës I me protruzion të dy bazave skeletore.

Incizivët e sipërm dhe të poshtëm shfaqen shumë të anuar përpara me planet referuese (+1/ANS-PNS=1220, -1/GoGn=1110); gjithashtu në pamje vihet re dhe mungesa e hapësirës për tetat inferiore.
Për shkak të të gjithë faktorëve të listuar: biprotruzioni maksilar, animi përpara i incizivëve, mungesa e guidës anteriore, overbite i papërshtatshëm dhe grumbullimi mandibular, i drejtohemi një trajtimi të llojit ekstraktiv për të përftuar rezultate okluzale dhe funksionale.

Profili i ekuilibruar i pz dhe këndi i ulët i planit mandibular ndoshta janë faktorët e vetëm në favor të një trajtimi pa ekstraksion.

Pas ekstraksionit të katër premolarëve të parë, pozicionohet pajisja hibride duke lidhur gjithashtu në harkadën superiore një bar transpalatal për të mbajtur ankorimin.

Faza e nivelimit dhe drejtimit me kohëzgjatje prej 8 muajsh është kryer me bend-backs dhe lace-backs duke përdorur sekuencën vijuese të harqeve:
• 0.014" NiTi (3 muaj)
• 0.016x0.025" NiTi termik (2 muaj)
• 0.019x0.025" NiTi termik (2 muaj)
• 0.020" Australiane (1 muaj)
Pas një muaji me tiebacks metalike procedohet me mbylljen e hapësirave me një 0.019x0.025" çeliku dhe me tiebacks elastike.
Për pak muaj janë përdorur llastikë të klasës II nga molari inferior në premolarin e dytë superior për të suportuar ankorimin; pasi janë mbyllur të gjitha hapësirat një fazë përfundimtare me kohëzgjatje prej 6 javësh përmirëson rezultatet okluzale dhe funksionale.

Pas 21 muajsh trajtimi arrihet një klasë I molare dhe kanine me overbite dhe overjet ideale dhe forma të mira të harkadës duke mbajtur shëndetin periodontal.

Radiografitë finale nuk janë të pranishme për shkak të refuzimit të pacientes.

RASTI 2
Paciente femër 14 vjeç paraqet një malokluzion të klasës I në dhëmbë të përhershëm.
Profili i mirë dhe estetik. Në testin klinik intraoral shfaqen molarët dhe kaninët në klasë të parë, grumbullim i mesëm në të dy harkadat, overbite dhe overjet normal.

Indi periodontal shfaqet i shëndetshëm. Guida kanine e djathtë mungon.

Radiografia laterale e kafkës tregon një kënd të planit mandibular normal dhe një tendencë për klasën III.
Incizivët superiorë dhe inferiorë shfaqen të mirë pozicionuar në krahasim me planet relative (+1/ANS-PNS-116o, -1/GoGn=88o).

Pamja tregon gjithashtu një hapësirë të pamjaftueshme për daljen e tetave inferiore.

Trajtimi përmblidhet kështu:

• 0.012" NiTi (1 muaj) në harkadën superiore
• 0.014" NiTi (3 muaj) në harkadën inferiore
• 0.016" NiTi (2 muaj) në harkadën superiore
• 0.016x0.025" NiTi termik (2 muaj)
• 0.019x0.025" NiTi termik (2 muaj)
• 0.020" Australiane (1 muaj)
• 0.019x0.025" çelik me tiebacks (6 muaj)
• Faza përfundimtare (6 javë) sipas teknikës MBT (seksionale nga 0.018" Aus nga 1.2 në 2.2 në harkadën superiore dhe fill i vazhdueshëm 0.014" NiTi në harkadën inferiore).

Pas 14 muajsh trajtimi pacienti mban profilin e tij harmonik: arrihet një klasë I molare dhe kanine me overbite dhe overjet ideal.

Harkadat shfaqen me një formë të mirë pa hapësira të hapura dhe rrotullime.

Shëndeti periodontal është ruajtur.

Pjesa laterale e kafkës tregon ruajtjen e vlerave dentare dhe skeletore, paralelizmin e mirë radikolar dhe këmbënguljen e tetave që duhet të ekstraktohen.

Konkluzione

Pajisja jonë është fortësisht e frymëzuar nga gjithanshmëria e teknikës dy-dimensionale të A. Gianelly, me eficencën e sliding pikërisht të vetive mekanike MBT që njohim si teknika S.W mëmë, me filozofitë e shtrëngimit të ndryshueshëm, që nga D. Damon e më pas kanë kushtëzuar turmat e ortodontëve dhe pacientëve dhe principeve Tweediani të kontrollit 3D të dhëmbëve kur kjo është kërkuar dhe ka qenë e domosdoshme. Në analizën e fundit kemi kërkuar një "përzgjedhje të më të mirës" të disponueshme në shkencën dhe në klinikën ortodontike. Rezultatet e shumë viteve eksperiencë klinike me sistemin tonë Hibrid me slot dual konfirmojnë:

• Arritjen e kontrollit të shkëlqyer 3D, lehtësisht të përftueshëm me përdorimin e lidhjeve tradicionale
• Kapacitet kontrolli të shtrëngimit nëpërmjet përdorimit të diferencuar të sistemeve të ndryshme të lidhjes në formë rrethi që rritet në mënyrë progresive
• Mundësia për të kryer palosje në fill nëse është e nevojshme falë përdorimit të ngjitjeve konvencionale anteriore, gjithashtu përdorimi i një slot-i të reduktuar të lartësisë në 0.020 dhe fille të punës 0.019x0.025 S.S reduktojnë kërkesën
• Veti të shkëlqyera mekanike të rrëshqitjes falë fortësisë së filleve të punës 0.019x0.025 S.S
• Kontrolli i shkëlqyer i torque incizal falë kombinimit të slot-it të lartësisë së reduktuar dhe fillit 0.019x0.025 S.S.

Nën kujdesin e: Prof. Daniel Celli, President i zgjedhur në 2019 në Akademinë Italiane të Ortodoncisë

Përktheu: Erjola Taga