Vlerësimi i efikasitetit mastikator në moshë parashkollore. Një çamçakëz që ndryshon ngjyrën mund të ndihmojë

Funksioni mastikator kryen një nga rolet më të rëndësishme në shëndetin oral. Studime të ndryshme në literaturë kanë dëshmuar se performancat mastikatore janë të lidhura me gjendjen e ushqyerjes dhe me cilësinë e jetës (QOL). Sipas një studimi të Morais Tureli në vitin 2010, me një performancë më të mirë mastikatore, lidhet një peshë trupore më korrekte veçanërisht nga mosha 8 në 12 vjeç. Një studim tjetër i kohëve të fundit i vitit 2017, ka hasur madje një raport direkt midis efikasitetit mastikator dhe funksionit konjitiv në periudhën e rritjes në një model in vivo kafshe [Fukushima-Nakayama 2017]. Ndonëse shumë studime kanë trajtuar temën e funksionalitetit mastikator në vitet e shkollës fillore dhe të mesme, shumë pak studime kanë ekzaminuar këtë tematikë te fëmijët në moshë parashkollore për motive të qarta që shkojnë nga vështirësia e bashkëpunimit e përftuar nga fëmijët në këtë fashë moshe, në vështirësitë për të adoptuar metodat konvencionale për të vlerësuar performancën mastikatore dhe atë për të përftuar përgjigje korrekte dhe të sinqerta në fëmijë kaq të vegjël.

Në një studim të publikuar në Journal of Oral Rehabilitation të dhjetorit 2017, janë studiuar funksionaliteti dhe efikasiteti mastikator te fëmijët në moshë parashkollore, duke përdorur çamçakëzë që ndryshonin ngjyrë sipas efikasitetit mastikator përveç se hetonin faktorët që lidheshin me të. Ky hetim transversal është kryer në dy struktura për fëmijë dhe në laboratorin e autorëve të studimit. Si sasi e çamçakëzit është marrë në konsideratë një e treta e dozës së përdorur te të rriturit si pasojë e kapacitetit oral të fëmijëve në këtë moshë. Kjo dozë e "ndryshueshme e çamçakëzit" (1 g) është përtypur nga gjashtë të rritur për të vlerësuar natyrën dhe progresionin e ndryshimeve të ngjyrës në këtë sasi.

Performanca mastikatore në 370 fëmijë në moshë nga 4 në 6 vjeç është ekzaminuar duke përdorur të njëjtën sasi të "ndryshueshme të çamçakëzit" duke konsideruar 60 cikle përtypje. Çamçakëzi është përcaktuar direkt pas përtypjes, për të reduktuar në minimum ndryshimet e ngjyrës në kohë dhe kështu rezultatet false. Ekzistojnë dy metoda për vlerësimin e ngjyrës" matja nëpërmjet kolorimetrit dhe përcaktimi në bazë të shkallës kromatike.
Janë regjistruar gjithashtu forca maksimale e kafshimit, gjatësia trupore, pesha, mosha e fëmijëve në fjalë, numri i dhëmbëve të shëndetshëm dhe me karies ose që mungojnë në gojë. Janë përftuar matje finale të përshtatshme nga 259 fëmijë. Fëmijët me eksperiencë të përtypjes gingivale kanë treguar vlera të vlerësimit në mënyrë domethënëse më të larta. Një korrelacion pozitiv domethënës është vërejtur midis performancës mastikatore dhe numrit të dhëmbëve të shëndetshëm. Asnjë korrelacion domethënës në fakt nuk është zbuluar midis efikasitetit mastikator dhe forcës maksimale të kafshimit, lartësisë trupore dhe peshës ose moshës.

Kjo metodë zbulimi e performancës mastikatore nëpërmjet çamçakëzit të ndryshueshëm, rezulton të jetë e besueshme dhe shumë e thjeshtë për t'u vënë në praktikë, mbi të gjitha te fëmijët në moshë parashkollore duke lejuar vlerësimin me lehtësi të aspektit mastikator dhe sa më herët efikasitetin.

Nën kujdesin e: Lara Figini, Koordinatore shkencore e Odontoiatria33

Për më tepër:
• De Morais Tureli MC, de Souza Barbosa T, Gavião MB. Associations of masticatory performance with body and dental variables in children. Pediatr Dent. 2010;32:283-288.
• Fukushima-Nakayama Y, Ono T, Hayashi M, Inoue M, Wake H, Ono T et al. Reduced mastication impairs memory function. J Dent Res. 2017;96:1058-1066.
• Masticatory performance-related factors in preschool children: establishing a method to assess masticatory performance in preschool children using colour-changeable chewing gum. Y. Hama, A. Hosoda , Y. Komagamine, S. Gotoh, C. Kubota ,M. Kanazawa & S. Minakuchi, Journal of Oral Rehabilitation 2017 44; 948-956.

Përktheu: Erjola Taga