Cementimi i bandave ortodontike: një agjent bioaktiv redukton kariesin dhe njollat e bardha

Trajtimi ortodontik është një prej faktorëve që mund të ndryshojë ekuilibrin e mikroflorës orale duke rritur riskun e kariesit dentar, gingivitit dhe periodontitit pas përdorimit të aparateve ortodontike. Kemi vënë re se te pacientët ortodontikë, lezionet dhe njollat e bardha (white spot, WSL) janë të pranishme rreth 50%. Një nga strategjitë për të reduktuar shfaqjen e njollave të bardha dhe lezioneve karioze te pacientët ortodontikë, mbi të gjitha në sipërfaqet dentare në kontakt me bandat dhe braketat ortodontike është përdorimi i cementeve me karakteristika antibakteriale dhe me lëshim të fluorit me afat të gjatë. Avantazhi kryesor për shembull i cementeve glasionomer GIC është lëshimi i fluorit për një periudhë të gjatë kohe duke garantuar një biokompatibilitet optimal. Kohët e fundit në treg është futur një agjent i ri antibakterial xham bioaktiv (BAG) në gjendje që të fuqizojë efektin antikariogjen të cementeve glasionomer. Në një studim të publikuar në Oral Health Dent Manag në dhjetor 2017, vlerësohet efekti i shtimit të BAG me cemente glasionomer (GIC) tradicionale mbi akumulimin e Streptococcus mutans (S. Mutans) dhe Laktobacilit përreth bandave ortodontike.

Ky studim klinik split mouth është kryer në 10 pacientë të përzgjedhur në mënyrë rastësore.

Kriteret e përfshirjes kanë qenë të mëposhtmit:
• marrja e miratimit nga ana e pacientëve
• higjiena e mirë orale
• mungesa e kariesit aktiv apo e sëmundjes periodontale
• pacientë pa respiracion oral
• pacientë të paprekur nga labiopalatoschisis
• asnjë përdorim i kolutorëve me bazë të klorheksidinës
• asnjë konsumim i antibiotikëve nga ana e pacientëve të përfshirë, në tre javët përpara fillimit të studimit apo gjatë rrjedhës së studimit

10 pacientëve të përfshirë i është aplikuar një trajtim fiks me hark lingual dhe banda në nivel molar. Në 5 pacientë është përdorur Fuji II SC GIC për cementimin e bandave të djathta dhe Fuji II SC që përmban 30% në peshë BAG për cementimin e bandës molare të majtë. Në 5 pacientët e mbetur, Fuji II LC është përdorur për cementimin në të majtë dhe Fuji II SC që përmban 30% BAG është përdorur për cementimin e bandës së molarit të djathtë. Autorët kanë vlerësuar kështu formimin e kolonive të S. mutans dhe Laktobacilit të formuar përreth bandave ortodontike. Të dhënat janë analizuar duke përdorur t-test. Nga rezultatet e përftuara në këtë studim është zbuluar se numri mesatar i baktereve totale, Laktobacile aerobe, Laktobacile anaerobe dhe S. mutans ishte në mënyrë domethënëse i ndryshëm midis dy cementeve, me dhe pa BAG, të tilla që numri mesatar i baktereve totale, Laktobacileve aerobe dhe anaerobe dhe S. mutans në rastet në të cilat është përdorur Fuji II LC plus BAG, ishin më të ulëta se ato me cementim të thjeshtë Fuji II SC.

Nga të dhënat e këtij studimi që duhet të konfirmohet në fakt nga studime të tjera të ngjashme in vivo dhe in vitro, mund të përfundojmë se shtimi i BAG në cementet glasionomer GIC redukton në mënyrë domethënëse grumbullimin e baktereve S. mutans dhe Laktobacileve anaerobe dhe aerobe përreth bandave ortodontike, duke mundësuar një mjet të vlefshëm për të reduktuar formimin e njollave të bardha dhe kariesit përreth bandave dhe ngjitjeve ortodontike.

Nën kujdesin e: Lara Fingini, Koordinatore Shkencore e Odontoaitria33

Mbi argumentin mund të lexoni dhe:
Effect of Addition of Bioactive Glass to Glass Ionomer Cement on Accumulation of Streptococcus mutans and Lactobacilli around Orthodontic Bands. Maryam Shirazi , Fatemeh Fotoohi-Ghazvini , Keivan Khazaei , Mozhgan Izadi. OHDM- Vol. 16- No.6-December, 2017

Përktheu: Erjola Taga