Mjetet për mbrojtjen personale të stomatologut

Është e rëndësishme për atë punon me agjentë biologjikë të njohë risqet që vijnë nga aktiviteti që zhvillon dhe si pasojë të kuptojë nevojën për të përshtatur mjete për mbrojtjen personale për të shpëtuar integritetin personal fizik.

Me mjete për mbrojtjen personale nënkuptohet çdo pajisje që është përcaktuar për t'u veshur dhe për t'u mbajtur gjatë orarit të punës me qëllim që të mbrohen kundër risqeve që kërcënojnë sigurinë dhe shëndetin gjatë punës.
NUK janë mjete për mbrojtjen personale rrobat e zakonshme të punës dhe uniformat që nuk janë specifike nuk mund të mbrojnë shëndetin dhe sigurinë e punonjësit. Për klinikat stomatologjike konsiderohen si mjete për mbrojtjen personale:
- Dorezat
- Maskat e fytyrës
- Përparëset
- Syzet
- Mburoja fytyre

1) Dorezat
Përsa i përket dorezave përdorimi i tyre redukton rrezikun e transmetimit të infeksionit nga një individ te tjetri dhe nga një objekt ose mjet i kontaminuar te personat. Dorezat nuk zëvendësojnë larjen e duarve, duke qenë se mund të kenë mikro-vrima, ose sepse duart mund të infektohen gjatë heqjes së vetë dorezave.

Parimi që duhet të drejtojë zgjedhjen dhe përdorimin e dorezave duhet të jetë përshtatshmëria e tyre sipas funksionit për të cilin janë krijuar, sipas indikacioneve të përgjithshme:
a) Të përdoren doreza kur kryhen ekzaminime për procedurat që përcaktojnë kontaktin me mukozat, sekrecionet, gjakun dhe lëngje të tjera trupore;
b) Të ndërrohen dorezat pasi është përfunduar vizita;
c) Të përdoren doreza të trasha për kryerjen e procedurave si pastrimi i mjeteve apo i ambientit. Dorezat që përdoren për këto qëllime mund të përdoren më shumë se një herë, por duhet të hidhen nëse çahen apo shpohen.

Është e rëndësishme që:
- Të lahen duart para se të vihen dorezat në mënyrë që të parandalohet transmetimi i infeksioneve
- Të mbahen thonjtë e shkurtër, për të shmangur grumbullimet e tepërta në majën e dorezës dhe lezione të mëvonshme
- Të mos mbahen unaza ose byzylykë sepse nuk lejojnë një higjienë të mirë të duarve dhe mund të dëmtojnë dorezat.
- Të shmanget përdorimi i kremrave përpara veshjes së dorezave sepse disa kremra mund të interferojnë me përshkueshmërinë e dorezës dhe veshja e saj mund të pengohet.

2) Maskat e fytyrës
Janë për të parandaluar transmetimin e piklave, që përgjithësisht përhapen në distanca të vogla (më pak se 1 metër) dhe bërthamat e pikëzave dhe bërthamat avulluese, që në fakt qëndrojnë në ajër dhe mund të përshkojnë distanca më të mëdha. Maskat kontribuojnë edhe për të mos lejuar atë që i mban të prekë hundën dhe gojën.
Nëse infeksioni transmetohet nga piklat, maska duhet të vihet nga të gjithë ata që i afrohen shumë pacientit. Maskat duhet të jenë njëpërdorimshme.
Mjetet e tjera janë parashikuar për një mbrojtje sa më të mirë të profesionistëve nga infeksionet!

Përktheu: Valbona Spahia