Translucenca e zirkonëve të llojeve të ndryshme pas cikleve të mastikacionit: të dhënat in vitro

Nga Lara Figini

Restaurimet dentare në qeramikë integrale, si zirkoni, kanë rezistencë më të madhe ndaj frakturës në krahasim me disilikatin e litiumit, megjithatë mungesa e fazës së xhamit amorf te zirkoni çon në nivele më të ulëta të translucencës dhe mund të dëmtojë estetikën e restaurimit. Një përmirësim i translucencës së materialeve në zirkon arrihet duke rritur përqindjen e yttria nga 3 në 5 mol%.

Por si sillen këto lloje zirkoni pas cikleve të shumta të mastikacionit dhe termociklimit? Translucenca ruhet apo dëmtohet?

Tipologjia e kërkimit dhe modaliteti i analizës
Në një studim in vitro, të publikuar në Journal of Prosthetic Dentistry në tetor 2019, autorët kanë vlerësuar efektin e lodhjes dhe termociklimit për translucencën e blloqeve të zirkonit yttria 5% mol pjesërisht të stabilizuar (5Y-PSZ) në krahasim me zirkonin yttria konvencional 3% mol pjesërisht të stabilizuar (3Y-PSZ) në trashësi të ndryshme klinikisht të rëndësishme. Prova në formë disku janë përgatitur me trashësi 0,7 mm dhe 1,2 mm për çdo lloj zirkoni.

Katër grupe (n=10) janë vlerësuar. Parametrat e translucencës (TP), raporti i kontrastit (CR) dhe përqindja e bllokut të dritës (Lb%) janë regjistruar duke përdorur një spektrofotometër me sferë integruese përpara dhe pas cikleve mastikatore të lodhjes (1,2 milionë cikle për 110 N të ngarkesës me termociklimin simultan nga 5°C në 55°C).

Të dhënat janë analizuar në bazë të variacionit të rëndësisë statike (a= .05). Vlerat e CR janë llogaritur në lidhje me pragun e perceptimit të translucidimit 0,06 që shihet nga syri i njeriut.

Rezultate
Një diferencë statistikisht e rëndësishme është zbuluar për translucencën TP, raportin e kontrastit CR dhe përqindjen e bllokut të dritës Lb% ndërmjet zirkonit 5Y-PSZ dhe zirkonit 3Y-PSZ (P<.001).

Trashësia ka pasur një efekt statistikisht të rëndësishëm te TP, CR dhe Lb% (P<.05). Kampionët e trashësisë prej 0.7 mm kanë rezultuar më të tejdukshëm dhe kanë treguar një Lb% më të ulët sesa ajo që observohet për kampionët me trashësi 1,2 mm (P<.001).

Klasifikimi i zirkonit nga më i tejdukshmi sipas TP dhe CR është si vijon: 5Y-PSZ (0,7 mm), 3Y-PSZ (0,7 mm), 5Y-PSZ (1,2 mm) dhe 3Y-PSZ (1,2 mm). Lb% ka rezultuar të jetë në 64% të kampionëve me trashësi 1.2 mm dhe në 56% e kampionëve me trashësi 0,7 mm në grupet 3Y-PSZ. Lb% ka rezultuar në 61% me trashësi 1,2 mm dhe në 53% me trashësi 0.7 mm te grupet 5Y-PSZ.

Asnjë nga grupet, para dhe pas lodhjes, nuk kishin një vlerë të CR klinikisht të perceptueshme, më të lartë se 0,06 që është vlera e pragut të perceptimit të translucencës.

Konkluzione
Nga të dhënat e nxjerra nga ky studim, që duhet të konfirmohen me punime të tjera analoge in vitro dhe in vivo, mund të dalim në përfundimin që zirkoni i tejdukshëm (5Y-PSZ) dhe ai konvencional (3Y-PSZ) që janë vlerësuar në këtë studim tregojnë shkallë të tejdukshmërisë që lidhen në mënyrë të anasjelltë me trashësinë e zirkonit.

Implikime klinike
Stomatologët duhet të jenë të vetëdijshëm për llojet e ndryshme të zirkonit, të shkallës së tejdukshmërisë së secilit prej tyre dhe të aftësisë së njeriut për të zbuluar diferencat e translucencës.

Translucencat e zirkonit të tejdukshëm ose konvencional janë vendosur sidoqoftë nëse janë ekspozuar ndaj stimulimit mastikator.

Për më tepër:
Alraheam IA, Donovan TE, Rodgers B, Boushell L, Sulaiman TA. Effect of masticatory simulation on the translucency of different types of dental zirconia. J Prosthet Dent 2019 Oct;122(4):404-9.

Përktheu: Valbona Spahia