Higjiena dhe kujdesi pas vendosjes së implantit

Shëndeti i gojës sonë është i rëndësishëm, higjiena e duhur orale dhe një mënyrë jetese adekuate na mund të na ndihmojnë të parandalojmë sëmundjet inflamatore që mund të kenë pasoja të rënda si në rastin e paradontitit. Një arsye më shumë për të pasur një gojë të shëndetshme është prania e implanteve që lejojnë pacientët të zëvendësojnë dhëmbët natyralë të humbur për arsye të ndryshme. Ato janë rrënjë artificiale zakonisht të përbëra nga titani i futur brenda kockës mbi të cilën më pas janë ankoruar kurorat e dhëmbëve. Sidoqoftë, implantet duhet të trajtohen me kujdes nëse duam që ata të kenë një jetë të gjatë, për këtë flet Dr. Luca Landi, president i Shoqatës Italiane të Periodontologjisë dhe Implantologjisë.

Implantet dhe rëndësia e diagnozës

Jo të gjithë pacientët mund të marrin implantime, shpjegon Landi, dhe diagnoza është shumë e rëndësishme. Është e nevojshme të kuptohet nëse pacienti ka sëmundje inflamatore të zgavrës së gojë të tilla si periodontiti. Nëse ka sëmundje të mëdha të pakompensuara siç është diabeti që përfaqëson një faktor rreziku për dështimin e mundshëm të operacionit ose implantit në planin afatgjatë. Një kundër indikacion tjetër është edhe duhan pirja, e cila shkakton ndryshime metabolike dhe biokimike dhe zvogëlon lehtësinë e shërimit të plagës dhe gjithashtu me kalimin e kohës mund të shkaktojë dëme.

Pse mund të dëmtohen implantet

Ekzistojnë dy shkaqe kryesore që mund të shkaktojnë dëme në implant: i pari biologjik dhe i dyti mekanik. Dëmtimi biologjik lidhet me një inflamacion që ndodh rreth implantit dhe që quhet peri-implantit një sëmundje që i ngjan shumë paradontitit. Shkaktohet nga bakteret të cilat, duke u grumbulluar rreth implantit, inflamojnë mishin e dhëmbëve. Nëse inflamacioni nuk kundërvihet, ai përcakton një humbje kockore progresive rreth implantit me dhimbje pasuese, abscese të mundshme deri në humbjen e implantit. Nga ana tjetër, dëmtimi mekanik mund të jetë për shkak të një funksioni të ndryshuar të përtypjes. Pacientët me bruksizëm që mbingarkojnë dhëmbin ose mbingarkesa okluzale për shkak të përtypjes së gabuar janë faktorë që mund të çojnë në humbjen e implantit.

Implantet dhe kujdesi ditor

Stili i jetës dhe higjiena e gojës janë shumë të rëndësishme në përcaktimin e suksesit dhe kohëzgjatjes së implantit. Është e nevojshme të shmanget formimi i pllakave që mund të shkaktojnë infeksion dhe përkeqësim të implantit për këtë përveç pastrimit të rregullt të dhëmbëve pas çdo vakti, është e nevojshme të përdoret një furçë interdentale dhe një fill dhëmbësh tip sfungjeri që ndihmon për të hequr pllakat më mirë.