Realizimi i maskave për zbardhjen e dhëmbëve në shtëpi: teknika MO.BI.

Për zbardhjen e dhëmbëve në kushtet e shtëpisë pacienti e kryen trajtimin në shtëpinë e tij, nën kontrollin e stomatologut, duke vendosur maska me përmbajtje xheli zbardhues.

Artikulli është një punim i E.Cogo, P.Sibilla, R. Turrini, F. Marcuzzi, G. Calura dhe është publikuar në revistën "Dental Cadmos", numri i nëntë i vitit 2013. Punimi origjinal tek ky link. Në foton në krah dott. Enrico Cogo.
Për zbardhjen e dhëmbëve në kushtet e shtëpisë pacienti e kryen trajtimin në shtëpinë e tij, nën kontrollin e stomatologut, duke vendosur maska me përmbajtje xheli zbardhues. Objektivi i kësaj pune, në të cilën do të paraqesim një sintezë të shkurtër, është që të përshkruajmë një teknikë të re të realizimit të maskave.
Maskat kanë funksionin që të përmbajnë sasinë e duhur të xhelit dhe të shmangin kontaktin e të njëjtit xhel zbardhues me indet e gingivave. Autorët kanë realizuar një teknikë për realizimin e maskave, e cila është quajtur MO.BI [shkurtimi i MOdello BIsellato(Model i prerë)], që parashikon një prerje të veçantë të modelit në shkumës dhe të lejojë pra një ngjitje perfekte tek indet dentale të pacientit, pa rrezikuar daljen e xhelit zbardhues tek gingivat. Teknika e shoqëruar nga përdorimi i disqeve të materialit dhe trashësit të përshtatshëm, lejon përftimin e maskave shumë preçize. Eksperienca e përditshme ka treguar që cilësia dhe saktësia e maskave janë themelore për të arrirë një rezultat të mirë estetik dhe mbi të gjitha konfortin maksimal për pacientin.

Përshkrimi i teknikës:
Teknika MO.BI. ndryshon nga mënyra me të cilën janë pregatitur deri më tani maskat kryesisht për nga mënyra e përgatitjes së modelit në shkumës.
Përpara se të zhvillohej kjo teknikë, maskat stampoheshin në modele në shkumës të cilët nuk i nënshtroheshin ndonjë përgatitjes. Modelet ndaheshin në katrorë thjesht sipas mënyrës që ndahen në studio dhe pastaj viheshin tek termostampuesja. Duke vepruar kështu, disku i nxehur në acetat do të riprodhonte me siguri morfologjinë e modelit por nuk garantonte një ngjitje të mirë në nivelin e gingivave, pavarësisht forcës së vakumit që ushtronte termostampuesja dhe pavarësisht lartësisë së bazës së shkumësit. Ajo që e bënte të pamundur një ngjitje të mirë ishte mungesa e një ndryshimi në këndin mes zonës që duhej ngjitur dhe pjesës tjetër të gingivave. Vetëm duke krijuar një plan tjetër animi ( me prerje) bëhet e mundur një përshtatje më e mirë e diskut të nxehtë tek modeli.

Prerja e modeleve në shkumës:
Me një laps të mprehur mirë, vizatohet një vijë e hollë rreth 1 mm nga qafa e dhëmbit. Kështu shenja e krijuar do të shërbejë si një udhëzues për prerjen. Duke përdorur një frezë me top laboratori, realizohet një sipërfaqe konkave përgjatë vijës së vizatuar. Më pas shkumësi do të hiqet nga sipërfaqja konkave e prodhuar duke i dhënë një formë konike modelit dhe duke krijuar një kënd rreth 30°. Do të përftohet më pas një kënd negativ në lidhje me diferencën vestibulare të dhëmbëve dhe mbylljes mes kurorës së dhëmbit dhe gingivës.

Realizimi i rezervuarëve:
Pas përgatitjes së modelit kalohet në krijimin e rezervuarëve që do të vendosen tek faqet vestibulave të të gjithë elementëve që janë për tu zbardhur, tek të cilët do të vendoset xheli zbardhues. Materiali i përdorur si ndarës nuk duhet të deformohet në temperaturën që punon termostampuesja. Prandaj përdoret një rrëshirë fotopolimerizuese e lëngshme. Rezervuarët duhen të hapen në mënyrë horizontale mbi të gjithë pjesën e dhëmbit dhe vertikalisht nga diferenca incizale deri në 1mm nga diferenca e qafës së dhëmbit dhe duhet të ketë një trashësi jo më shumë se 1,5mm. do të krijohet kështu një zonë mbylljeje e përcaktuar mirë ndërmjet dhëmbit dhe maskës, duke përftuar një ngjitje më të mirë. Kjo do të garantojë një qëndrueshmëri më të gjatë të xhelit tek sipërfaqet që do të zbardhen. Faza tjetër është ajo e polimerizimit të rezervuarëve, nëpërmjet furrave të posaçme fotopolimerizuese.

Stampimi i maskave tek modelet e shkumësit:
Pasi izolohet modeli me një material me bazë algash, kalon në termostampimin e diskut që duhet të jetë me material që duron shumë (PVC ose lloj tjetër) dhe të ketë një trashësi prej 1mm. Stampimi duhet të ndjek në mënyrë të prerë instruksionet e ndërmarrjes që prodhon diskun, në mënyrë të veçantë përsa i përket temperaturës që ushtruar, kohës së ngrohjes, presionit pozitiv/negativ dhe kohës së ftohjes. Për ta bërë këtë përdoren makineri të posaçme termostampuese.

Përfundimi i maskave:
Disku i stampuar që përmban modelin formohet rreth tij, në mënyrë që të eliminohet teprica me ndihmën e një freze prerëse ose një bisturie elektrike. Pastaj, me një frezë me çarje të hollë prehet pjesa përkatëse e shkumësit duke ndjekur linjën që formon këndi i prerjes. E liruar plotësisht nga modeli, maska përfundohet tek detajet proksimale, gjithmonë me freza me çarje. Anët më të mprehta eliminohen me një gomë të butë të montuar tek një dorezë laboratori me shpejtësi të ulët, duke i kushtuar shumë vëmendje për të mos ndryshuar formën dhe saktësinë e maskës. Në fund, e njëjta sterilizohet në të ftohtë dhe i dorëzohet stomatologut.
Në galerinë fotografike më poshtë janë të gjitha hapat e ndjekura.

Përktheu: Valbona Spahia