Materiale porcelani, disilikat dhe materiale Cad Cam. Një kërkim tregon ato me veti më të mira mekanike dhe optike

Një studim i fundit i publikuar në Journal of the Mechanical Behavior of Biomedical Materials vë në dukje që midis materialeve restauruese CAD CAM (blloqe ose grimca), porcelani me bazë xhami në disilikat litiumi ka rezistencën më të madhe ndaj përthyerjeve, por materialet e tjera kanë evidentuar veti të shkëlqyera mekanike dhe optike.

"Përbërjet CAD CAM të testuara," - pohon Bogna Stawarczyk e Universitetit Ludwig-Maximilians në Munich (Gjermani), autore e kërkimit - "rezistojnë ndaj një përthyerje dhe përshtaten mirë në ngarkesën okluzale gjithashtu kanë tejdukshmëri të lartë."

Studimi është realizuar in vitro në Dental School të LMUM. Materialet e testuara janë shtatë:
Përbërjet CAD CAM:
1. Lava Ultimate (3M ESPE),
2. Cerasmart (GC),
3. Shofu Block HC (Shofu),
4. Coltene / Whaledent
5. Vita Enamic, (Vita Zahnfabrik, një porcelan hibrid)
6. IPS Empress CAD, (Ivoclar Vivadent), një porcelan me bazë xhami leucitite
7. IPS e.max CAD, (Ivoclar Vivadent), një porcelan me bazë xhami në disilikat litiumi

Kërkuesit kanë realizuar 48 punime për secilin nga materialet e marra në ekzaminim duke i vënë më pas në tre teste të ndryshme:
1) Konsumimi antagonist dhe rezistenca ndaj përthyerjeve duke përdorur një stimulues përtypjeje dhe duke zbuluar gërryerje me një skaner intraoral që merr gjurmët;
2) Norma e çngjyrosjes pas zhytjes së punimeve në pigmente ushqimore;
3) Tejdukshmëria e matur me një spektro-fotometër;
IPS e.max ka treguar rezistencën më të lartë ndaj përthyerjes i ndjekur nga Lava Ultimate. Konsumimi antagonist më i lartë është vëzhguar me porcelanin me bazë xhami që tregon përqindje çngjyrosjeje më të vogla te përbërjet CAD CAM.

Autorët kanë zbuluar se rezistenca ndaj konsumimit të përbërjeve dhe pocelaneve me bazë xhami mbivendosen në afate të shkurtra; megjithatë porcelanet kanë rezistencë më të madhe në afatet mesatare.
"Mbi jetëgjatësinë klinike" - përfundon Starwarczyk - "edhe me kufizimet e studimit, kemi zbuluar që përbërjet CAD CAM kanë rezistencë më të madhe ndaj përthyerjeve në krahasim me porcelanin dhe materialin hibrid Vita Enamic, por më të vogël se disilikati i litiumit dhe porcelani leucitite."
Vetëm një përbërje CAD/CAM (Coltene/Whaledent) ka treguar karakteristika konsumimi të krahasueshme me porcelanin me bazë xhami në testimet in vitro.
Rezultatet do të konfirmohen me studime klinike in vivo.

Nën kujdesin e: Davis Cussotto, stomatolog

Përktheu: Valbona Spahia