Rezistenca ndaj konsumimit: për Cad/Cam qeramika konfirmohet më shumë se rezina kompozitë

"Duke patur parasysh kufizimet e sjella nga një studim in vitro, rezistenca ndaj konsumimit të një mbushjeje me rezinë kompozitë në kontakt me smaltin është në mënyrë të konsiderueshme më i vogël se ai i një mbushjeje në qeramikë."

Ky është përfundimi i një grupi ndërkombëtar studiuesish (Universiteti i Pechino dhe Universiteti i Gjenevës) në përfundim të një studimi rezultatet e të cilit janë publikuar në Journal of Prosthetic Dentistry të këtij muaji.

Të futur në stomatologji prej më shumë se 25 vitesh, sistemet Cerec kanë përfaqësuar një inovacion të madh, falë teknologjisë që lejon rikonstruktimet e një dhëmbi në një seancë të vetme. Zbulimi i gjurmëve është bërë direkt në gojë me një telekamerë ose me një sistem laser dhe të dhënat, e përpunuara nga një kompjuter janë transferuar në një aparat që realizon menjëherë kurorën ose detajet e vogla, që tashmë janë gati për tu provuar dhe cementuar. Përqindja e vogël e frakturave dhe suksesi klinik për një kohë të gjatë kanë konfirmuar efikasitetin e këtij sistemi që fillimisht përdorte kryesisht qeramikën. E njohur për bio-përputhshmërinë, forcën dhe pamjen e shkëlqyer estetike, qeramika imiton shumë mirë karakteristikat e dhëmbit natyral, por gërryerja e saj mbetet një shqetësim klinik. Si pasojë, kompozitat në rezinë kompozitë janë më të preferuara për pacientët me aktivitet të lartë okluzal kur restaurimi është në kontakt me smaltin natyral dhe është treguar tashmë se erozioni i smaltit i prodhuar nga rezina kompozitë është më i vogël në krahasim me atë që ka ajo në zirkon apo ajo me qeramikë me bazë xhami.

Studimi i tanishëm ka lindur pra nga nevoja për të patur të dhëna të reja përsa i përket karakteristikave të kësaj klase materialesh; kërkuesit kanë vlerësuar in vitro rezistencën ndaj konsumimit të pesë materialeve Cad/Cam të përbërë nga katër rezina kompozitë (3M Lava Ultimate, kompozitë eksperimentale Kerr, Vita Enamic, 3M Paradigm MZ100) dhe një qeramikë (Vita Mark II) në kontakt me majat e smaltit natyral.

Rezultatet kanë qenë të dukshme: Qeramika e testuar ka treguar rezistencë më të madhe ndaj konsumimit; midis rezinave ka patur diferenca të vogla por asnjë prej tyre nuk ka arritur funksione analoge me qeramikën.

Adamo Calatroni

Përktheu: Valbona Spahia