|

Konsumimi dhe përdorimi ndaj frakturës së zirkonit: studim laboratorik

Gjatë çdo cikli të përtypjes restaurimet dentare i nënshtrohen llojeve të ndryshëm të stresit, që ndryshojnë në madhësi dhe drejtim.
Në gjendjen aktuale për arsye estetike dhe biokompatibiliteti një interes i madh i drejtohet restaurimeve pa metal (metal-free), në qeramikë integrale, si zirkoni. Megjithatë brishtësia e këtyre materialeve përfaqëson një barrierë të vërtetë për përdorimin e tyre sidomos në zonat posteriore të gojës.
Për sa i përket konsumimit sipërfaqësor të zirkonit, shkaktuar nga përtypja dhe nga parafunksionet, a ndikon kjo në rezistencën ndaj lodhjes dhe frakturës së këtij materiali?
Në një studim laboratorik me mostra, publikuar në Dental Materials të korrikut 2016, hetohet pikërisht për këtë problematikë.

Autorët kanë marrë në konsideratë 120 shufra zirkoni dhe i janë nënshtruar proceseve të abrazionit me grimca në alumin 50 mikron dhe 120 mikron. Mostrat pas shkëlqimit dhe që nuk i janë nënshtruar asnjë lloj abrazioni kanë krijuar grupin e kontrollit. Kampionet i janë nënshtruar lodhjes dinamike (1.000,000 cikle me 1 hz dhe 0,5 sek. si kohë kontakti) ose lodhje statike (me ngarkesë konstante të aplikuar për 5000 sek) në ujë.
Vlerat e përftuara për rezistencën ndaj përkuljes pas cikleve të lodhjes (rezistenca ndaj lodhjes dinamike) janë krahasuar me rezistencën ndaj përkuljes fillestare. Autorët kanë vëzhguar dhe analizuar në mikroskop elektronik me skanim frakturat në format dhe dimensionet e tyre.
Rezultatet e përftuara nga autorët janë të mëposhtmet:
- Krahasuar me rezistencën e përkuljes fillestare, rezistenca ndaj lodhjes dinamike të kampionëve të testuar ka rezultuar të jetë 86,3% për kampionët e kontrollit, 73,4% për kampionët e nënshtruar ndaj proceseve të abrazionit me grimca 50 mikron dhe 42,3 % për kampionë që i janë nënshtruar proceseve të abrazionit me grimca 120 mikron.

- Rezistenca ndaj lodhjes statike ka rezultuar te jetë 85,9% për kampionët e kontrollit, 78,5% për kampionët që i nënshtrohen proceseve të abrazionit me qeliza 50 mikron dhe 51,5% për kampionë që i janë nënshtruar proceseve të abrazionit me grimca 120 mikron.

- Diferenca statistikisht domethënëse (F = 223,679, p<0.001) janë hasur midis trajtimeve të ndryshme sipërfaqësore por jo midis rezistencës ndaj lodhjes dinamike dhe statike për të njëjtin lloj trajtimi sipërfaqësor.

Tabela 1 ilustron vlerat e përftuara:

Në bazë të rezultateve të këtij studimi mund të dalim në përfundimin se konsumimi dhe dëmtimi i sipërfaqeve të oksidit të zirkonit kanë një influencë të madhe në rezistencën ndaj lodhjes së këtij materiali dhe në mundësinë e tij për frakturë.
Në rehabilitimin protetik me zirkonin duhet të ekzaminohen me kujdes ngarkesat në përtypje dhe parafunksionet e sektorit që duhet të rehabilitohet për të evituar frakturat e materialit.

Nën kujdesin e: Lara Figini, Koordinatore Shkencore e Odontoiatria33

Bibliografia:
Fatiguebehaviorofzirconiaunderdifferentloadingconditions. Aboushelib MN, Wang H, Kleverlaan CJ, Feilzer AJ. Dent Mater. 2016 Jul;32(7):915-20

Përktheu: Erjola Taga

Për të votuar duhet të vendosni kredencialet tuaja në Medikey

Interesant ( 101 votim / mesatar 3 )