Dorezat: si t'i përdorim dhe si t'i zgjedhim sipas aktivitetit që praktikojmë. Nga SHBA - ja vijnë pesë këshilla

Personeli sanitar i një klinike dentare e kalon rreth 80% të ditës së punës duke veshur doreza për të reduktuar rrezikun e infeksioneve ngjitëse dhe për të mbrojtur lëkurën nga bakteret dhe agjentët kimikë. Dorezat janë të rëndësishme për kapjen e instrumenteve dhe për ndjeshmërinë e prekjes; nëse nuk "vishen" mirë mund të jenë burim stresi që ndikon negativisht në performancën e punës.
Marie Fluent, dentiste amerikane, ka parashtruar 5 pika interesante për të na ndihmuar t'i përdorim sa më mirë dorezat tona.

1) Je i sigurt se po përdor dorezat e duhura në momentin e duhur?
Në një klinikë dentare duhet të përdoren tre lloje dorezash:
a) Doreza për kontroll: janë një përdorimshe, me masë të njëjtë për të dyja duart dhe përdoren për të gjitha aktivitetet klinike jo kirurgjike.
b) Dorezat kirurgjike: janë një përdorimshe, sterile. Përdoren për manovrat kirurgjike.
c) Doreza për punë: janë më të plota se dorezat e tjera, rezistente ndaj shpimeve dhe ndaj substancave kimike, mund të përdoren më shumë se një herë; përdoren për pastrimin e sipërfaqeve dhe instrumenteve të kontaminuara.
Duhet t'i kushtohet vëmendje, trashësisë në prani ose jo të pluhurave dhe certifikimeve të mundshme të cilësisë.

2) Dorezat e tua puthiten mirë?
Doreza duhet të ketë përmasat e duhura: nëse është shumë e madhe ndërhyn te kapja e instrumenteve, nëse është shumë e vogël mund të çahet lehtësisht dhe provokon lodhjen e dorës. Ekzistojnë shumë masa, por që ndryshojnë në përmasa nga një prodhues në tjetrin, prandaj duhet të vishen për të zgjedhur masën më të përshtatshme.

3) Duhet të braktiset lateksi dhe të kalohet te sintetikja?
Edhe pse lateksi konsiderohet ende si "gold standart", shumë studime po priren gjithnjë e më shumë drejt sintetikes për të parandaluar alergjitë te pacientët dhe te personeli dhe për të rritur kostot e lateksit të pastër. Nitrili përdoret shumë në ditët e sotme: për rezistencën ndaj çarjeve dhe ndaj agjentëve kimik tashmë krahasohet me lateksin. Neopreni, është shumë i hollë dhe mban sensin e prekjes të shkëlqyer të ngjashëm me atë të lateksit.

4) Si mund ta parandaloj çarjen e dorezave?
a) Vishi dorezat gjithmonë me duart plotësisht të thata ose pasi i ke masazhuar me një detergjent me bazë alkooli.
b) Thonj të shkurtër dhe të lëmuar dhe në mënyrë absolute të mos vihen thonj artificial.
c) Përdor shpesh krem hidratues për duart me bazë uji për të shmangur plasaritjet e lëkurës
d) Të mos lahen, dezinfektohen e as të sterilizohen dorezat; janë veprime që favorizojnë çarjen. Dhe nëse doreza është e dëmtuar hiqe dhe vish një tjetër.

5) Kur e ke bërë mbledhjen e fundit me personelin për përdorimin e dorezave dhe pajisjeve të tjera të mbrojtjes individuale?
Personeli me kalimin e kohës i harron procedurat. Të lexohet në mënyrë periodike në mbledhje një udhëzues për përdorimin e dorezave është e dobishme por edhe e nevojshme!

Nën kujdesin e : Davis Cussotto, stomatolog profesionist i lirë Twitter @DavisCussotto

Përktheu: Valbona Spahia