|

Qeramikë me zirkon. Karakteristikat mekanike, kimike dhe optike. Të dhënat e një rishikimi të fundit sistematik

Stomatologjia moderne u kërkon gjithmonë e më shumë dentistëve, që të kryejnë restaurime dentare me estetikë maksimale, pothuajse deri sa të pretendojnë ndonjëherë dhe mimetizmin.
Restaurimet dentare për të garantuar një aspekt sa më natyral të mundshëm kanë nevojë për një seleksionim adekuat të materialit që duhet përdorur, por dhe në formë, cilësi sipërfaqësore, translucencë dhe ngjyrë të përshtatshme. Në sektorët anterior në fushën protetike qeramikat integrale dentare në zirkon paraqesin një estetikë të mirë, me kufizimin se janë pak translucente, kanë rezistencë të mjaftueshme mekanike dhe fortësi për të lejuar përdorimin në zona me ngarkesë të ulët mastikatore për kohë më të gjata në krahasim me llojet e tjera të qeramikave integrale si porcelani feldspathic dhe qelq-qeramika. Materiale të ndryshme në zirkon polikristalin janë zhvilluar për aplikimet dentare, ndër të cilët oksidi i zirkonit (ZTA), zirkoni pjesërisht i stabilizuar (PSZ), zirkoni tetragonal polikristalin (TZP) dhe zirkoni i stabilizuar plotësisht kubik (CSZ). Ky i fundit CSZ dallohet nga të tjerët nga karakteri i tij izotropik që mund të përmirësojë transmetimin e dritës.
Në një rishikim të fundit sistematik të publikuar në The Journal of Prosthetic Dentistry, janar 2018 janë vlerësuar karakteristikat mekanike, kimike dhe optike të restaurimeve dentare në zirkon monolitik.
Autorët kanë kryer një kërkim të artikujve të publikuar në literaturën botërore mbi argumentin, nëpërmjet data bazave të mëposhtme (nga 2010 në 2015):
• ProQuest,
• EMBASE,
• SciFinder,
• MRS Online Proceedings Library,
• Medline,
• Compendex,
• Journal of American Ceramic Society.
Kërkimi elektronik ka identifikuar 96 tituj dhe abstraktet e mundshme përkatëse, nga të cilat 63 janë zgjedhur për vlerësimin. 6 artikuj të tjerë janë përjashtuar për shkak të argumentit jo përkatës me rishikimin në fjalë, pra në shembullin e fundit janë përfshirë 57 studime. Nga këto 8 studime kanë diskutuar ndërveprimin e dritës me zirkonin, 13 kanë raportuar efektet e faktorëve ekstrinsekë mbi cilësitë optike të zirkonit, 18 kanë konsideruar cilësitë optike si dhe metodën e dendësimit, 2 studime kanë hetuar efektet e granulometrisë rreth cilësive optike , 7 studime kishin të bënin me sintezën e zirkonit; 10 kanë raportuar efektet e papastërtive rreth karakteristikave optike të këtij materiali.
Mbi bazën e rezultateve të rishikimit aktual sistematik, është bërë e mundur nxjerrja e këtyre konkluzioneve:
Zirkoni ofron avantazhe mekanike në krahasim me restaurimet e tjera në qeramikë integrale në pjesën më të madhe për shkak të ngurtësimit potencial gjatë fazës së transformimit.
Materialet me bazë zirkoni që janë konsideruar për aplikimet dentare janë monolitike (ZTA, PSZ, TZP, CSZ), por janë edhe ato specifike për aplikimet estetike (tetragonal zirconia polycrysta TZP, Zirconia-toughened lithium silicate ZTLS, Interpenetrating-phase composite zirconia IPCZ) (shiko Tab. 1 për përbërjen e materialeve të ndryshme).

Tab 1: mikrostruktura e materialeve të ndryshme në zirkon
Nga këto ZTLS ofron rezultatet më të mira estetike por rezistenca e tij ndaj shtypjes është relativisht e ulët dhe është e përshtatshme vetëm për restaurime teke. TZP dhe PSZ ofron rezultatet më të mira mekanike por janë objekt i degradimit në temperatura të ulëta (LTD) nga efektet e pështymës dhe lagështisë gjithashtu dhe nga stresi klinik. Megjithatë degradimi në temperaturë të ulët i TZP mund të shmanget me përdorimin e grimcave të dimensioneve shumë të vogla.
Edhe pse CSZ nuk e tregon përforcimin për transformimin, translucenca e tij e bën atë një material të përzgjedhur kur estetika është më e rëndësishme se kërkesat mekanike, si në rastin e kushteve të stresit me intensitet të ulët.
Ndërsa parametrat intrinseke përgjithësisht nuk mund të manipulohen, është e mundur që të modifikojmë ndërveprimin e dritës në restaurimet dentare në zirkon monolitik nëpërmjet ndryshimit të përqendrimit të oksigjenit vakant nëpërmjet ripjekjes. Është e mundur që të përmirësojmë transmetimin e dritës së CSZ nëpërmjet ripjekjes në ajër.
Megjithëse parametrat ekstrinseke mund të manipulohen nga dentisti, për sa i përket principit, qasja më efikase për të përmirësuar rezultatet estetike është nëpërmjet korrespondencës adekuate kromatike. Në fushën klinike kjo përfshin komunikimin kromatik duke përdorur një dritë me dioda emetuese të dritës prej 5500 K (D50). Në laboratorin dentar kjo sjell përdorimin e dritës si me intensitet të lartë si me intensitet të ulët gjatë prodhimit.

Nën kujdesin e: Lara Figini, Koordinatore Shkencore Odontoiatria33

Për më tepër:
Optical properties of zirconia ceramics for esthetic dental restorations: A systematic review. RezaShahmiri, Owen Christopher Standard, Judy N.Hart, Charles Christopher Sorrell The Journal of Prosthetic Dentistry Volume 119, Issue 1, January 2018, Pages 36-46

Përktheu: Erjola Taga

Për të votuar duhet të vendosni kredencialet tuaja në Medikey

Interesant ( 88 votim / mesatar 3 )