Ndikimi i një aksesi të ngushtë endodontik në gjeometrinë e kanalit të rrënjës: Një Studim in Vitro

Mario Alovisi

Kaviteti i aksesit është me rëndësi primare për suksesin e trajtimit endodontik. Heqja e plotë e çatisë së dhomës pulpare është thelbësore për të shmangur kontaminimet bakteriale të shkaktuara nga mbetjet pulpare për zbulimin e hyrjes kanalare dhe mund të lehtësojë përdorimin e instrumenteve duke shmangur ndërhyrjet në kurorë. Kohët e fundit literatura ka propozuar kavitet aksesi endodontik të quajtur "të kontraktuar", inspiruar nga koncepte të mini invazivitetit për të ruajtur qëndrueshmërinë mekanike të dhëmbit në vijim të trajtimin endodontik. Ky lloj kaviteti me akses, ruan një sasi të madhe të dentinës por mund të ndikojë në parametrat gjeometrikë të formës.

Objektivi i studimit të publikuar në Journal of Endodontics nga dok. Mario Alovisi dhe kërkues të tjerë të Dental School, Torino, është ai që të vlerësojë nëpërmjet përdorimit të mikrotomografisë së kompjuterizuar (mikro CT) ndikimin e kaviteteve të kontraktuara në anatominë e kanalit origjinal pas formësimit me instrumente mekanike në nikel-titan.

Për ta realizuar këtë janë përzgjedhur 30 molarë të poshtëm me apeks të formuar dhe rrënjë meziale të pavarur dhe të shënuara në mënyrë të randomizuar me Grupin 1 (TEC Tradicional Endodontic Cavity ) dhe në Gurpin 2 (CEC Contracted Endodontic Cavity). Të dy grupet i janë nënshtruar një skanimi preliminar me mikro-CT (450 imazhe nëpërmjet një rrotullimi prej 225°) dhe më pas të caktuara për mjekun ekspert për përgatitjen e kavitetit të aksesit.

Në Grupin 1 (CEC) përgatitja është kryer duke filluar nga gropa qendrore dhe e gjerë, ngushtica e nevojshme për të arritur te vrimat kanalare duke ruajtur një sasi të konsiderueshme të dentinës pericervikale dhe një pjesë të çatisë së dhomës pulpare. Në grupin 2 kaviteti i aksesit është kryer duke ndjekur udhëzimet tradicionale të shtrira deri sa të shikohen njëkohësisht të gjitha vrimat kanalare dhe duke eliminuar interferencat e kurorës. Në vijim të gjithë kanalet mezio-vestibulare janë formësuar duke përdorur më pas preliminar canal scouting (zbulimin preliminar të kanalit) dhe glide path (shtegun rrëshqitës) me k-file #10, instrumente mekanike Proglider (Densply Maillefer, Ballaigues, Zvicër) dhe Wave one Gold (Dentsply Maillefer, Ballaigues, Zvicër) dhe Wave One Gold (Dentsply Maillefer, Ballaigues, Zvicër). Irrigimi është kryer me EDTA 10% dhe NaCl 5%. Kampionet janë skanuar duke kryer një marching (shkallëzim) të vëllimeve për të vlerësuar vëllimin e kanaleve, zonën e sipërfaqes dhe spostimin e kufirit në seksionet e vendosura -1 dhe -3 mm nga apeksi radikolar.

Grupi me kavitet endodontik tradicional (TEC) ka dëshmuar një ruajtje më të mirë të anatomisë origjinale të kanalit me një transport më të vogël apikal në krahasim me grupin me kavitet të kontraktuar (CEC). Ky rezultat mund të jetë shkaktuar nga mungesa e interferencave të kurorës dhe nga numri më i vogël i pecking motions (lëvizjeve goditëse) të nevojshme për të plotësuar formësimin e grupit TEC.

"Me kufizimet e këtij studimi in vitro" - komentojnë autorët - "kavitetet me akses endodontik tradicional mund të garantojnë një ruajtje më të mirë të anatomisë origjinale të kanalit gjatë formësimit në krahasim me kavitetet e "kontraktuara".

Për më tepër:
Influence of Contracted Endodontic Access on Root Canal Geometry: An In Vitro Study.Journal of Endodontics, January 12, 2018.Mario Alovisi, Damiano Pasqualini, Edoardo Musso, Elena Bobbio, Carlotta Giuliano, Davide Mancino, Nicola Scotti, Elio Berutti.

Përktheu: Erjola Taga