Ritrajtimet kanalare: cilat file duhet të zgjedhim?

Ato janë krahasuar nga Journal of Endodntics

Nga Figini Lara

Përballë një dështimi endodontik opsioni i parë i zgjedhur - përveç kushteve të veçanta për të cilat preferohet zgjidhja kirurgjikale apikale apo ekstraksioni - mbetet gjithmonë ritrajtimi kanalar që parashikon heqjen e plotë të materialit nga mbushja e përdorur në terapinë e mëparshme, për të lejuar një instrumentim të ri dhe të duhur, dezinfektim dhe mbushje të sistemit kanalar.

Janë zhvilluar teknika të ndryshme për të hequr materialet e mbushjes kanalare që variojnë nga file-t manuale tradicionale në ato më të fundit në nikel-titan, kombinuar me tretës ose burime nxehtësie, ultratinguj ose laser.

Por ndër sistemet rrotulluese më të zakonshëm të pranishëm në treg, cilët rezultojnë të jenë më efikas në heqjen e cementit dhe gutaperkës në ritrajtime?

Një studim in vitro i publikuar në Journal of Endodontics, mars 2018 është marrë me këtë argument dhe është arritur në konkluzionin se sistemi ProFile duket se është më efikasi në ritrajtime në krahasim me sistemet Mtwo dhe ProTaper në heqjen e materialeve të mëparshme të mbushjes kanalare, pavarësisht se ishte fillimisht i zhvilluar për përgatitjen e kanalit radikolar dhe jo për ritrajtimet.

Autorët e këtij studimi kanë marrë në konsideratë 30 dhëmbë molarë maksilarë humanë të ekstraktuar. Të gjithë kanalet radikolarë janë mbushur me kone me gutaperka F2 ProTaper dhe cement kanalar AH Plus.

Dhëmbët janë ndarë në tre grupe:

• Grupi 1, në të cilin ritrajtimi është kryer me ProTaper File;
• Grupi 2, në të cilin ritrajtimi është kryer me Mtwo;
• Grupi 3, në të cilin ritrajtimi është kryer me ProFile.

Për vlerësimin e materialit të mbetur të mbushjes, pre-operatore dhe post-operatore janë krahasuar midis tyre skanimet e kryera me mikrotomografi të kompjuterizuar. Është regjistruar dhe koha e punës e nevojshme për të plotësuar ritrajtimin kanalar për çdo kampion.

Nga rezultatet e përftuara nga studimi del në pah se asnjë nga teknikat e ritrajtimit nuk është shfaqur në gjendje që të heqë të gjithë materialin e mbushjes para ekzistuese. Përqindjet e mbetjeve të materialeve të mbushjes të mbetura, kanë rezultuar të jenë për grupet 1, 2 dhe 3 respektivisht 34,45, 45,43 dhe 23,63. Është dëshmuar një diferencë statistikisht domethënëse midis grupeve 2 dhe 3 (P<.05).

Instrumentimi me ProTaper dhe ProFile ka kërkuar më pak kohë për plotësimin e ritrajtimeve në krahasim me instumentimin Mtwo.
Nga të dhënat e shfaqura nga ky studim in vitro, ProFile janë shfaqur më efikas në ritrajtimet endodontike, si për sa i përket kapacitetit të heqjes së materialeve para ekzistuese të mbushjes kanalare, si për sa i përket kohës.

Për më tepër:
• Funda Yýlmaz, Cemre Koc, Kývanc Kamburoglu, Mert Ocak, Ferhat Geneci, Bora Uzuner, Hakan Hamdi Celik. Evaluation of 3 different retreatment techniques in maxillary molar teeth by using micro-computed tomography. JOE 2018;44(3).

Përktheu: Erjola Taga