Dhimbja pas trajtimit endodontik: si ta reduktojmë? Të dhënat e një rishikimi sistematik

Nga Figini Lara

Një simptomatologji e tillë e dhimbshme haset pas një trajtimi kanalar me një frekuencë që varion nga 3% deri në 58% të rasteve (Sathorn et al., 2008); prandaj është një komplikim i padëshiruar si për stomatologun si për, mbi të gjitha pacientët, të cilët shpesh pësojnë ndryshime të përkohshme në cilësinë e jetës.

Gjeneza e dhimbjes post operatore është multifaktoriale dhe procesi i instrumentimit kanalar është shkaku që është konsideruar më së shumti përgjegjës për një çrregullim të tillë (Nagendrababu&Gutmann, 2017). Gjatë përgatitjes kanalare është e mundur që të provokohet ekstruzion i mbetjeve dentare në indet periapikale (Siqueira et al., 2002), i mbushur ose jo me baktere, agjentë periapikalë me reaksione inflamatore të shoqëruara me dhimbje.

Tipologjia e kërkimit dhe mënyra e analizimit

Në një rishikim të kohëve të fundit të publikuar në Oral Disease, mars 2018 janë seleksionuar, rishikuar dhe analizuar të gjithë artikujt e gjurmuar nëpërmjet data bazave më të mëdha si: PubMed, Embase, Cochrane Library dhe Web of Science - që trajtonin tematikën e dhimbjes pas trajtimit endodontik. Të dhënat janë trajtuar me sisteme meta analitike. Dy revizorë kanë ekzaminuar në mënyrë të ndarë të gjithë titujt dhe abstraktet e përshtatshëm të seleksionuar në bazë të një search strategy. Në rastin e mosmarrëveshjeve është përfshirë një revizor i tretë. Dy revizorë kanë ekstraktuar të dhënat në mënyrë të pavarur duke përdorur një modul të standardizuar. Risku i bias në studimet e përfshira është vlerësuar në mënyrë të pavarur nga dy revizorët duke iu referuar udhëzimeve të përshkruara në Manualin Cochrane për rishikimin sistematik (Higgins&Green, 2011 dhe 2013).

Rezultate

17 artikuj janë përfshirë në rishikimin final. Të shumta kanë qenë variablat e marra në konsideratë dhe rezultatet përfundimtare kanë treguar se në pacientë që kishin kryer trajtime endodontike me instrumente rrotulluese, hasej një incidencë domethënëse me më pak dhimbje post operatore (RR, 3,32; P = 0,0005) dhe një intensitet të reduktuar të dhimbjes në krahasim me ata në të cilët trajtimi ishte kryer me instrumente manuale. Gjithashtu ndryshimi analog është vënë re në pacientë në të cilët trajtimi ishte kryer me instrumente rrotulluese me aliazh NiTi në krahasim me atë ku pacientët ishin trajtuar me sisteme në NiTi me lëvizje reciproke (reciprocating) (RR, 0,73; P<0,0001). Në bazë të këtij rishikimi autorët propozojnë kryerjen e studimeve klinike të kontrolluara, të cilat duhet të ndjekin udhëzimet CONSORT që plotësojnë një protokoll të qartë për projektimin dhe komunikimin e provave të kontrolluara. Për të konfirmuar të dhënat e kësaj metanalize janë të nevojshme më shumë studime të një cilësie të lartë dhe me procedura të standardizuara për të reduktuar bias.

Konkluzione

Përdorimi i instrumenteve rrotulluese në aliazh NiTi ka kontribuar në reduktimin e incidencës dhe intensitetit të dhimbjes post operatore në krahasim me përdorimin e file-ve manuale në pacientë që i janë nënshtruar një trajtimi kanalar në një seancë. Gjithashtu përdorimi i këtyre sistemeve ka reduktuar incidencën e dhimbjes post operatore edhe në krahasim me atë të verifikueshme me sisteme reciproke të prezantuara së fundmi.

Implikimet klinike

Efikasiteti real i instrumenteve rrotulluese në aliazh NiTi duket se është provuar edhe nga kjo analizë, duke qenë këto instrumente që aktivizohen nga lëvizja rrotulluese, janë më efikase në krahasim me ato manuale në çelik, për reduktimin e problematikave algjike post operatore.

Për më tepër:
• Chengjun Sun, Jicheng Sun, Minmin Tan, Bo Hu, Xiang Gao, Jinlin Son. Pain after root canal treatment with different instruments: a systematic review and meta-analysis. Oral Dis. 2018Mar 7.
• Sathorn C, Parashos P, Messer H. The prevalence of postoperative pain and flare-up in single-and multiple-visit endodontic treatment: a systematic review. International Endodontic Journal 2008;41:91-9.
• Nagendrababu V, Gutmann JL. Factors associated with postobturation pain following single-visit nonsurgical root canal treatment: a systematic review. Quintessence International 2017;48(3):193-208.
• Siqueira JF, Rôças IN, Favieri A, Machado AG, Gahyva SM, Oliveira JC, Abad EC (2002). Incidence of postoperative pain after intracanal procedures based on an antimicrobial strategy. Journal of Endodontics 2002;28:457-60.
• Higgins J, Green S (2013). Cochrane handbook for systematic reviews of interventions, Version 5.1.0. The Cochrane Collaboration.
• Higgins J, Green SE (2011). Cochrane handbook for systematic reviews of interventions Version 5.1.0. The Cochrane Collaboration (Eds). Naunyn-Schmiedebergs Archiv für experimentelle Pathologie und Pharmakologie 2011: S38.

Përktheu: Erjola Taga