KUSH JEMI | KONTAKTE | LEGJISLACIONI

A A A

E hënë, 16 Dhjetor 2024, 0:40

KËRKO Kërkim sipas Specialitetit »

Home
> Klinikë dhe Kërkime
> Protezim
> Rehabilitimi protetik, konservativ, me teknikën “3 step”

|

Protezim | 8 Maj 2018 |

Rehabilitimi protetik, konservativ, me teknikën "3 step"

Rast klinik hap pas hapi

Franco De Chiesa

Pacienti M. D (52 vjeç) paraqitet pranë nesh duke shfaqur nevojën për të përmirësuar në mënyrën më invazive të mundshme situatën e tij dentare që gjatë viteve ka parë që t'i përkeqësohet, i alarmuar nga pigmentimi dhe nga përdorimi i grupit frontal.

Anamneza e përgjithshme rezulton negative ndërsa në anamnezën stomatologjike haset: kërcitje dhe shtrëngim i dhëmbëve gjatë natës, probleme mastikatore, pirja e duhanit (30 në ditë), konsumi i shpeshtë i yerba mate (përzierje çajrash).

Zakone të tilla gjenerojnë gjatë viteve një problematikë të abrazionit dhe reduktim të gjatësisë incizale superiore dhe inferiore dhe një kolaps të lehtë të indeve të buta perilabiale me probleme të vazhdueshme funksionale (kapacitet të reduktuar mastikator) dhe estetike (diskromi, gjatësi incizive të reduktuar). Vizita intraorale paraqet restaurime të shumta të papërshtatshme (kompozite të vjetra dhe amalgamë, implante dhe Richmond në dhëmbë natyralë) me ngarkesë të sektorëve lateral-posterior dhe sondimi periodontal tregon një ripërthithje të lehtë të llojit horizontal.

Figura 1

Figura 2

Figura 3

Figura 4

Figura 5

Figura 6

Figura 7

Figura 8

Duke konsideruar pritshmëritë e pacientit dhe kërkesën për të adoptuar trajtimin më pak invaziv të mundshëm dhe pas një vlerësimi të kujdesshëm të fotove klinike, të modeleve të studimit dhe të një modeli dixhital në dyll (digital smile system), laboranti dentar kryen modelin në dyll të sekstantit 2° dhe realizon një maskerinë në silikon për stampimin direkt të mock-up.

Në një provë të tillë kryhen modifikimet e nevojshme dhe më pas transferohen nëpërmjet një gjurme në laborator me qëllimin për të respektuar gjatësinë e duhur incizale të grupit frontal nga pikëpamja fonetike dhe planin korrekt estetik.

Gjatë takimit të dytë, modeli në dyll i sektorëve lateral transferohet në kavitetin oral (me përdorimin e çelësave në silikon transparent të ngurtë) dhe më pas rindërtohet provizorisht grupi incizal inferior (me ndihmën e një mostre me mbështetje linguale). Pasi janë rregulluar kontaktet okluzale pacienti largohet me qëllimin për të testuar dimensionin e ri vertikal.

Figura 9

Figura 10

Figura 11

Figura 12

Në vizitën e radhës të kontrollit, pacienti nuk referon asnjë problematikë të llojit muskulor apo artikolar, prandaj vendosim që të procedojmë me restaurimin përfundimtar me faseta palatale në kompozitë (teknika CAD/CAM me model në shkumës) të sekstantit 2° duke u përpjekur që të jetë sa më konservativ i mundshëm.

Figura 13

Figura 14

Figura 15

Figura 16

Figura 17

Figura 18

Figura 19

Figura 20

Figura 21

Figura 22

Figura 23

Figura 24

Figura 25

Figura 26

Faza vijuese e trajtimit konsiston në rehabilitimin e sektorëve posteriorë nëpërmjet restaurimeve indirekte CAD/CAM në disilikat litiumi (onlay, kurorë, inlays) si në elemente dentare të mbetura, si në implante.

Figura 27

Figura 28

Figura 29

Figura 30

Figura 31

Figura 32

Figura 33

Figura 34

Figura 35

Figura 36

Figura 37

Figura 38

Së fundmi janë vendosur fasetat vestibulare në kompozitë CAD/CAM në incizivët inferiorë me qëllimin për të ristabilizuar estetikën dhe funksionin korrekt.

Është e rëndësishme që të saktësojmë se në sekstantin 2° nuk janë aplikuar fasetat vestibulare (si me teknikën e sandwich) pasi pacienti ishte dukshëm i kënaqur me rezultatin e arrirë. Me plotësimin e rehabilitimit të kryer i është dorëzuar pacientit një bite mbrojtës për natën për të kufizuar dëmtimet e shkaktuara nga parafunksionet e tij.