Lezione jatrogjene të nervit alveolar inferior dhe lingual

Pasojat në jetën e pacientit

nga Figini Lara

Lezioni i nervit alveolar inferior dhe lingual është një nga pasojat më problematike të procedurave kirurgjikale dentare me pasoja domethënëse për pacientët dhe implikime mjekësore të rëndësishme mjeko-ligjore. Shkaku më i zakonshëm i lezioneve të nervit alveolar inferior (IAN) dhe të nervit lingual (LN) është kirurgjia e molarit të tretë, ndjekur nga ekzekutimi i anestezisë tronkulare dhe nga pozicionimi i implanteve.

Incidenca e lezionit të përkohshëm të nervit lingual LN me kohëzgjatje maksimale 1 ditë pas ndërhyrjes kirurgjikale të molarit të tretë varion nga 0,4% në 1,5%, ndërsa incidenca e lezionit të këtij nervi persistent, për më shumë se 6 muaj, varion nga 0,5% deri në 20% në rastet e lembove linguale. Incidenca e lezioneve të përkohshme të nervit alveolar inferior IAN deri në kohëzgjatje prej 7 ditësh shkaktuar nga kirurgjia e molarit të tretë varion nga 1 në 5%, ndërsa lezioni i vazhdueshëm i IAN (mbi 6 muaj) varion nga 0,0% në 0,9%.

Lezioni i IAN permanent i shkaktuar nga manovrat e anestezisë tronkulare është shumë më pak i shpeshtë (≤0,01%), ndërsa incidenca e lezioneve IAN permanent që lidhet me pozicionimin e implanteve varion nga 0% në 40%. Lezionet nervore të këtyre dy nervave provokojnë çrregullime të ndjesisë dhe/ose dhimbje që mund të ndërhyjnë me funksionet e përditshme si të folurit, të ngrënit, në larjen e dhëmbëve dhe të pirit; si pasojë, shumë pacientë që kanë pësuar lezione të tilla raportojnë një cilësi jetese të reduktuar në mënyrë domethënëse (QoL) dhe kjo mund të çojë në zhvillimin dhe të problematikave psikologjike.

Tipologjia e kërkimit dhe metodat e analizimit

Një studim i kohëve të fundit i publikuar në Oral Surgery ka hetuar sa dhe si, lezioni i nervit LN dhe IAN, me rend jatrogjen ndikonte në cilësinë e jetës së pacientëve të prekur. Autorët kanë kryer një hetim nëpërmjet një pyetësori në 30 pacientë që frekuentonin një klinikë të specializuar për lezionet nervore në Manchester Dental Hospital duke hetuar se sa ndikonte dëmi oral në rendimentin ditor (ODIP). Çdo intervistë është regjistruar dhe përgjigjet janë analizuar tematikisht.

Rezulton

18 pacientë kishin pësuar një lezion të nervit alveolar inferior dhe 12 në nervin lingual. Pjesa më e madhe e individëve ka raportuar se ka pësuar çrregullime sociale dhe të marrëdhënieve, çrregullime të kapacitetit për të ngrënë dhe për të shijuar ushqimin. Lezione të tilla kanë rezultuar se influencojnë dhe kapacitetin për të mbajtur një gjendje emocionale të qetë pa u bërë lehtësisht të irritueshme. Pjesa më e madhe (70%) e lezioneve nervore ka rezultuar se shkaktohet nga ekstraksione dentare.

Një korrelacion domethënës nga ana statistikore është hasur midis lezioneve të këtyre nervave pas heqjes kirurgjikale të një dhëmbi të pjekurisë dhe një përkeqësim të cilësisë së jetës (P <0,05, IC në 95%).

Konkluzione

Lezioni i nervit trigeminal (IAN dhe LN) jatrogjen mbetet akoma një komplikim domethënës në stomatologji. Ky studim ka përshkruar impaktin e rëndësishëm që këto lezione kanë në cilësinë e jetës të pacientëve nëpërmjet përdorimit të një hetimi transversal dhe të intervistave gjysmë strukturore.

Implikimet klinike

Risku i lezioneve nervore duhet të reduktohet në minimum me një planifikim të kujdesshëm pre-kirurgjikal dhe një teknikë të kujdesshme operative.

Për më tepër:
• Patel N, Ali S, Yates JM. Quality of life folloëing injury to the inferior dental or lingual nerve - A cross-sectional mixed-methods study. Oral Surgery 2018;11:9-16.

Përktheu: Erjola Taga