Kirurgjia orale te pacientët me cirrozë të mëlçisë

Hemostaza dhe koagulimi bazohen në një ekuilibër perfekt midis faktorëve antikoagulues dhe koagulues. Te pacientët me cirrozë hepatike (LC) ky ekuilibër mund të ndryshojë, pasi ekziston një hipofunksionalitet i mëlçisë që është organi i predispozuar për prodhimin e pothuajse të gjithë faktorëve të koagulimit dhe për sintezën e trombopoetinës.

Cirroza hepatike është parë tradicionalisht si një gjendje hipokoagulueshmërie në të cilën ndryshojnë shumë vlera të gjakut, të tilla si numri i trombociteve, protrombina (PT), raporti i normalizuar ndërkombëtar (INR) dhe koha e pjesshme aktive e tromboplastinës (aPTT).

Por, a është ky një tregues i shtimit të rrezikut për gjakderdhje të pazakontë te pacientët me cirrozë të mëlçisë gjatë trajtimeve orale?

Tipologjia e kërkimit dhe modaliteti i analizës

Në një përmbledhje të botuar në "JADA", autorët kanë analizuar nëse dhe në çfarë mase gjakderdhja gjatë dhe pas operacionit kirurgjikal kishte ndryshuar te pacientët e diagnostikuar me cirrozë të hepatike.

Autorët kryen një kërkim elektronik për artikujt përkatës duke përdorur një strategji kërkimi të paracaktuar, nëpërmjet bazave të të dhënave të mëposhtme: PubMed, Literature e Shkencave të Shëndetit në Amerikën Latine dhe Karaibe, Web of Science, Scopus dhe Biblioteka Cochrane. Për më tepër, u krye edhe një kërkim duke përdorur Google Scholar, ProQuest dhe OpenGrey.

Rezultatet

Kriteret e përfshirjes i plotesuan 7 studime. Madhësitë e mostrave varionin nga 23 në 318 pjesëmarrës, numri i dhëmbëve të nxjerrë varionte nga 62 në 1183, numri i trombociteve varionte nga 16,000 në 216,000 për milimetër kub dhe INR-ja ishte më pak se 4.

Prevalenca e ngjarjeve të gjakderdhjes në studime varionte nga 0% në 8.9% dhe pothuajse të gjithë pjesëmarrëit e studimit u kontrolluan me masa lokale hemostatike.

Konkluzionet

Nga të dhënat e këtij rishikimi, të cilat duhet të konfirmohen edhe në studime të tjera të ngjashme, mund të konkludohet se gjatë trajtimeve orale pacientët me cirrozë hepatike kanë një rrezik të ulët për gjakderdhje pavarësisht numrit të zvogëluar të trombociteve dhe rritjes së INR-së.

Implikimet klinike

Te pacientët që vuajnë nga cirroza hepatike, dentisti, në pritje të ndërhyrjes orale, nuk duhet të marrë masa të veçanta paraprake, pasi gjakderdhja gjatë dhe pas operacionit te këta pacientë zakonisht duket të jetë brenda kufijve të sigurt dhe në çdo rast të menaxhueshme me hemostatët lokalë.

Për më shumë informacion:

de Oliveira Rech B, Rocha Tenório J, Bertoldi Franco J, Medina JB, Gallottini M, Pérez-Sayáns M, Ortega KL. Risk of bleeding during oral surgery in patients with liver cirrhosis: a systematic review. JADA.