Kunja në fibër të ndërtuar me sistemin CAD/CAM

Një alternativë e vlefshme ndaj kunjave metalikë të realizuar në laborator

Nga Gagliani Massimo

Polemika e gjatë midis kunjit në fibër dhe kunjit në metal duket se është zgjidhur përfundimisht duke qenë se mbijetesa e dhëmbëve të ndërtuar me të parin është e gjatë në krahasim me atë të përftuar me të dytin.

Gjithashtu, kërkesat estetike ose situatat e veçanta biomekanike mund të bëjnë që të lindë nevoja për të përdorur kunja në fibër.

Si t'i përshtatim në kanalet ovale?

Kësaj pyetje i ka dhënë përgjigje klinike doktor Angelo Sonaglia, që kishte parashikuar përdorimin e kunjave në fibër të përshtatur me kanalin radikolar nëpërmjet marrjes së gjurmës së lumenit kanalar me sistemet CAD/CAM.

Mirësia e sistemit është vlerësuar nga një kërkim i bukur i shfaqur në American Journal of Dentistry që ka nxjerrë në pah pikat vijuese: në kanalet me formë ovale merret gjurma e lumenit kanalar me një sistem skaneri intraoral dhe më pas nëpërmjet një sistemi CAD/CAM frezash, prodhohet një kunj me morfologji të përshtatshme, i cili mundëson që të arrihen rezultate të shkëlqyera si për sa i përket mbajtjes, si nga ana e homogjenitetit të cementit në brendësi të hapësirës endodontike.

Një rrugë e re për restaurimin e dhëmbëve të trajtuar në mënyrë endodontike nëpërmjet teknologjisë dixhitale.

Për më tepër:
Tsintsadze N, Juloski J, Carrabba M, Tricarico M, Goracci C, Vichi A, Ferrari M, Grandini S. Performance of CAD/CAM fabricated fiber posts in oval-shaped root canals: an in vitro study. Am J Dent 2017;30:248-54.
Credit Photo: Angelo Sonaglia

Foto 1
Marrja e gjurmës së kanalit me metodën dixhitale.