Trajtim kirurgjikal me rezeksion në rastet e osteonekrozës në nofull

Si dhe sa mund të përmirësojë cilësinë e jetës së pacientëve

Nga Figini Lara

Osteonekroza e nofullave (ONJs), pranë frakturës atipike të femurit dhe tumorit të ezofagut, është raportuar si një efekt i rëndë kolateral i konsumit të bifosfonateve për trajtimin afatgjatë të osteoporozës. American Association of Oral and Maxillofacial Surgeons (AAOMS) e ka përcaktuar si osteonekrozë të nofullës që lidhet me barnat (MRONJ).

MRONJ është përshkruar si "një zonë e ekspozuar e kockës" që mund të sondohet nëpërmjet një fistule intraorale ose ekstraorale në rajonin maksilo-facial, e qëndrueshme për më shumë se 8 javë me shfaqjen më pas gjatë trajtimeve me barna bifosfonate kundër përthithjes apo anti-angiogjenike dhe asnjë histori të radioterapisë në nivelin e nofullave apo sëmundje të dukshme metastatike të nofullave.

Prevalenca e vlerësuar e MRONJ në pacientë pa tumor (kryesisht me osteoporozë) mund të variojë nga 0,02% në 11% (Barrier, 2010; Marx, 2005).

Tipologjia e kërkimit dhe mënyra e analizimit
Në një studim të publikuar në Journal of Craniofacial Surgery, mars 2018 analizohen rezultatet klinike dhe ndryshimi i cilësisë së jetës që lidhen me shëndetin oral (QoL) me pacientë me osteoporozë të prekur nga osteonekroza që lidhet me barnat (MRONJ).

41 pacientë të trajtuar në vazhdimësi për një periudhë prej 10 vitesh janë analizuar në mënyrë retrospektive. Të gjithë individët i janë nënshtruar një ndërhyrje kirurgjikale marginale kocko-rezektive të nofullës.

Pas 12 muajsh trajtimi, një mjek ka kryer një vlerësim post-operator duke ekzaminuar shërimin e plotë të mukozave, mungesën e fryrjes dhe infeksionit dhe mungesën e shenjave për përsëritje të sëmundjes. Së bashku të gjithë këto parametra janë përcaktuar si një sukses.

Pacientëve i është kërkuar gjithashtu që të plotësojnë testet e hetimit mbi cilësinë e jetës si EORTC QQ-C30 dhe QLQ-HN35 në shoqërim me një pyetësor mbi perceptimin oral të bazuar në shkallën analogjike vizive (VAS) në kohën 0 para trajtimit kirurgjikal (kohë diagnostikuese e MRONJ) dhe kohën e ndërhyrjes (të paktën 6 muaj më pas).

Rezultate
Pjesa më e madhe e pacientëve me diagnozë të MRONJ është ankuar për simptoma si dhimbje, çrregullime në të ushqyer dhe problematika ndijore, me përfshirjen rastësore të dimensioneve sociale. Nga ky studim është zbuluar një prevalencë me problematika që lidhen me raportet sociale dhe me të ngrënin në publik.

Shërimi i plotë i mukozës është arritur në 100% të rasteve. Nga rezultatet e këtij studimi është zbuluar më pas trajtimi kirurgjikal, një përmirësim domethënës në të gjithë sektorët e hetuar dhe gjithashtu është evidentuar një rritje e pikëve mesatare e raportuar nga VAS për shëndetin oral të perceptuar nga pacientët.

Konkluzione
Kirurgjia marginale-rezektive e kockës së nofullës nekrotike, mund të jetë një trajtim efikas në pacientë me osteoporozë të prekur nga MRONJ e lokalizuar.

Implikimet klinike
Zgjedhja midis trajtimit mjekësor dhe atij kirurgjikal rezektiv në rastet e MRONJ mbetet një zgjedhje kritike si për pacientin ashtu dhe për profesionistin.

Vendimi për të ndërhyrë në mënyrë kirurgjikale është sigurisht më invaziv por nga të dhënat e këtij studimi del në pah që mund të ofrojë një përmirësim të dukshëm të cilësisë së jetës së pacientëve të prekur nga MRONJ në një kohë relativisht të shkurtër.

Për më tepër:
• Barrier A, Lescaille G, Rigolet A et al. Jaw osteonecrosis induced by oral biphosphonates: 12 cases. Rev Stomatol Chir Maxillofac 2010;111:196-202.
• Marx RE, Sawatari Y, Fortin M et al. Bisphosphonate-induced exposed bone (osteonecrosis/osteopetrosis) of the jaws: risk factors, recognition, prevention, and treatment. J Oral Maxillofac Surg 2005;63:1567-75.
• Oteri G, De Ponte FS, Runci M, Peditto M, Marcianò A, Cicciù M. Oral-health-related quality of life after surgical treatment of osteonecrosis of the jaws. J Craniofac Surg 2018 Mar;29(2):403-8.

Përktheu: Erjola Taga