Ngritja e sinusit të nofullës

Si të shmangim komplikimet hemorragjike

Nga Figini Lara

Një edentuli e zgjatur në kohë në zonën posteriore të nofullës me shumë mundësi çon në një densitet dhe trashësi të dobët të kockës, përtej lartësisë kockore të pamjaftueshme në një zonë të karakterizuar në fakt nga një ngarkesë e lartë mastikatore.

Një metodë për të rikuperuar lartësinë kockore dhe për të lejuar, për shembull, futjen e implanteve në këtë zonë është përfaqësuar nga procedura e ngritjes së sinusit të nofullës që paraqet si komplikim primar menaxhimin e një hemorragjie të qëndrueshme për lezionin e arteries alveolare superiore dhe posteriore (PSAA).

Për të parandaluar një komplikim të tillë, shumë i dobishëm mund të jetë identifikimi i pozicionit të saktë të arteries në fjalë, duke njohur rrjedhën e saj para ndërhyrjes kirurgjikale, nëpërmjet tomografisë tradicionale të kompjuterizuar (CT) ose cone-beam (CBCT) i blerjes më të fundit.

Tipologjia e kërkimit dhe mënyra e analizimit
Në një studim të publikuar në Journal of Craniofacial Surgery, mars 2018, autorët kanë skanuar me CBCT 36 sinuse të nofullës nga 15 pacientë, para se të kryenin një ndërhyrje kirurgjikale të ngritjes së sinusit të nofullës për futjen e implanteve dentare.

Të gjitha skanimet janë përftuar duke përdorur Kodak 9500 CBCT (Carestream Health Inc. Marne-la-Vallée, Francë). Skanimet janë analizuar me qëllimin për të vlerësuar praninë e arteries PSAA, për të stabilizuar dekursin, për të verifikuar nëse është plotësisht intrakockor, sipërfaqësor ose ekstrakockor i thellë, ose nën membranë, ose midis paretit të sinusit dhe membranës së Schenider.

Rezultate
Studimi është kryer në 15 pacientë (10 femra dhe 5 meshkuj) me moshë mesatare 43±9 vjeç. Nga sinuset e ekzaminuar, në 3 nuk ishte e mundur të identifikohej PSAA; në ata të mbetur, PSAA e marrë është klasifikuar në bazë të pozicionit të saj: intrakockor në 66,7% të rasteve, ekstrakockor në 11,1% dhe nën membranë në 22,2%.

Distanca mesatare subantrale ka rezultuar të jetë 5±1 dhe distanca mesatare e PSAA nga kreshta kockore alveolare prej 15±1,6 mm.

Konkluzione
Nga të dhënat e këtij studimi mund të përfundojmë se tomografia e kompjuterizuar me fashë konike CBCT përfaqëson një ndihmë të saktë për zbulimin e pozicionit të PSAA para se të kryhet një ndërhyrje për ngritjen e sinusit të nofullës, me qëllimin për të shmangur komplikimet hemorragjike.

Implikimet klinike
Në bazë të të dhënave të përftuara, rekomandimi klinik në bazë të ngritjes së sinusit të nofullës është ai që të mos zgjerojmë kufirin superior të dritares mbi 16 mm nga kreshta e mbetur gjatë qasjes sinusale laterale.

Për më tepër:
• Al-Ghurabi ZH, Abdulrazaq SS. Vascular precautions before sinus lift procedure. J Craniofac Surg 2018;29(2):e116-8.

Përktheu: Erjola Taga