Heqja e mbushjeve kanalare në ritrajtimet e kanaleve të harkuar

Carrier vs gutaperka tradicionale

Nga Figini Lara

Infeksioni intrakanalar i vazhdueshëm është arsyeja kryesore për të kryer ritrajtimet kanalare.

Në ritrajtime heqja e plotë e materialit para ekzistues të mbushjes përfaqëson një fazë shumë të rëndësishme dhe delikate për të lejuar një pastrim të kujdesshëm dhe dezinfektimin më të mirë të mundshëm të sistemit kanalar.

Megjithatë, gjatë ritrajtimeve heqja e mbushjeve të mëparshme kanalare të bazuara në carrier mund të ishte më e kotë për sa i përket kohës dhe me vështirësi më të madhe mbi të gjitha në kanalet e harkuar.

Tipologjia e kërkimit dhe mënyra e analizimit
Në një studim të publikuar në International Endodontic Journal, Korrik 2018, vlerësohet efikasiteti i sistemit ProTaper File Universal Retreatmnet (Dentsply Sirona, Ballaigues, Svizzera) në eliminimin e mbushjeve kanalare si Thermafil, GuttaCore (Dentsply Sirona) dhe gutaperka tradicionale me ngjeshje vertikale në të nxehtë në rrënjët e harkuara. 60 rrënjë të harkuara të molarëve, me rrënjë me harkim të njëjtë midis tyre janë përgatitur duke përdorur instrumente ProFile (Dentsply Sirona) deri në 30.04 dhe të mbushura me:

• Grupi 1, Thermafil
• Grupi 2, GuttaCore
• Grupi 3, gutaperka tradicionale e ngjeshur me kondensim vertikal në të nxehtë

Në të gjithë kampionet është përdorur si cement kanalar AH plus. Çdo grup përbëhej nga 20 kampione secili. Të gjithë kampionet janë ritrajtuar duke përdorur sistemin ProTaper Unviersal Rereatment file D1, D2 dhe D3 në gjatësinë e punimit dhe përgatitja e kanalit është kompletuar me ProTaper Next (Dentsply Sirona).

Autorët kanë ekzaminuar përqindjen e mbushjes mbetje, të mbetur në kanalet respektive pas kryerjes së ritrajtimeve dhe sasinë e hequr të dentinës duke përdorur imaging micro-CT.

Janë regjistruar kohët e harxhuara të punës dhe gabimet procedurale. Analiza statistikore është kryer duke përdorur Kruskal-Wallis dhe Wilcoxon test.

Rezultate
Asnjë ndryshim statistikor domethënës nuk është hasur për sa i përket sasisë së materialit për mbushjen kanalare të mbetur pas ritrajtimit (14.2-19.3%) dhe sasinë e heqjes dentinale (2.7-3.2 mm3) ndër kampionet e mbushura me metodat e bazuara në carrier dhe ato të mbushura me metodën tradicionale të gutaperkës së nxehtë dhe ngjeshjes vertikale. Koha në fakt e harxhuar për të hequr materialin e mbushjes ka rezultuar shumë më e vogël për kanalet e mbushur me GuttaCore në krahasim me ato të mbushura me Thermafil dhe gutaperka tradicionale (P<0.05).

Pesë perforimet laterale janë verifikuar gjatë ritrajtimeve me file D3, një në grupin Thermafil dhe katër në grupin me ngjeshje vertikale në të nxehtë.

Konkluzione
Sistemi ProTaper Universal Retreatment nga të dhënat e zbuluara nga ky studim, mund të konsiderohet i vlefshëm dhe efikas në të gjithë ritrajtimet si tek ata të karakterizuar nga mbushjet tradicionale me gutaperka në të nxehtë si në atë ku metoda e mbushjes kanalare të parashikonte një carrier.

Implikime klinike
Stomatologu duhet të konsiderojë riskun e perforimeve laterale gjatë ritrajtimeve të kanaleve shumë të harkuar.

Për më tepër:
Rödig T, Wagner J, Wiegand A, Rizk M. Efficacy of the ProTaper retreatment system in removing Thermafil, GuttaCore or vertically compacted gutta-percha from curved root canals assessed by micro-CT. Int Endod J 2018 Jul;51(7):808-15.

Përktheu: Erjola Taga