Si të mbrohemi nga "ushqimet e shëndetshme"

Nga Debora Bellinzani

Ushqimet që këshillohen zakonisht për të ruajtur regjimin ushqimor të shëndetshëm mund të kenë kundër indikime për shëndetin dentar: si për shembull në rastin e frutave dhe kosit, ushqime që nuk mungojnë në udhëzimet e dietologëve dhe për të cilat dhe në dieta është shpesh i lejuar një konsum i gjerë. Në Shtetet e Bashkuara shoqatat stomatologjike si Academy of General Dentistry kanë marrë detyrën për të kujtuar se është mirë që të ndjekim disa këshilla për të shmangur që ushqimet me siguri të shëndetshme dhe të varfra në yndyra nuk kanë pasoja në shëndetin e smaltit. "Ndër ushqimet që krijojnë në zgavrën e gojës një mjedis acid janë sigurisht frutat dhe kosi por dhe mjalti, lëngjet e frutave, perimet e konservuara në uthull dhe disa ingredientë që përbëjnë zakonisht përmbajtjen e dietary bars, si për shembull rrushi i thatë", shprehet David Bartlett, stomatolog zëdhënës i Academy of General Dentistry: "nëse këto ushqime konsumohen shpesh ose në sasi të mëdha, shkaktojnë riskun për erozion të smaltit dentar".

"Është e këshillueshme që të presim të paktën 20 minuta para se të lajmë dhëmbët pasi kemi ngrënë apo pirë një ushqim acid, pasi substancat acide dobësojnë momentalisht shtresën më të jashtme të smaltit, të lash dhëmbët menjëherë bëhet një veprim agresiv kundrejt strukturës minerale në momentin në të cilin kjo është më e dobët; pas 20 minutash në fakt zgavra e gojës ka pasur kohën që të rikrijojë një mjedis më pak acid dhe struktura e smaltit është më pak e ndjeshme dhe më pak e ekspozuar ndaj stimulimit mekanik të furçës së dhëmbëve. "Një nga veprimet më efikase për të kufizuar aciditetin në zgavrën e gojës është reduktimi i kohës së qëndrimit në të i ushqimeve acide. Në njëfarë mënyre udhëzimet e stomatologut ndryshojnë nga ato të dietologut dhe detyra e pacientit duket se është ajo që të përdorë ushqimet në masën që kanë rënë dakord midis tyre. "Nga pikëpamja e kurës së shëndetit të smaltit, aspekti thelbësor që duhet pasur parasysh nuk është cili ushqim konsumohet por në cilën mënyrë konsumohet" përfundon Bartlett.

Burimi: Odontoiatria33.it

Përktheu: Erjola Taga