Proteza totale e lëvizshme realizuar me workflow dixhital mbi skanimin intraoral

Protokolli klinik dhe teknik

Nga Lo Russo Lucio

Vitet e fundit zhvillimet e teknologjive të computer-aidied design dhe computer-aided manufacture (CAD-CAM) kanë bërë të mundur dixhitalizimin e dizajnit dhe të prodhimit të protezave të lëvizshme.

Për këtë tipologji rehabilitimi oral, provat preliminare sugjerojnë avantazhe të shumta të lidhura me adoptimin e teknologjive të tilla; kështu kërkimi punon gjithmonë e më shumë për një integrim të tyre në protokolle efikase dhe efektive.

"Sistemet dixhitale" aktuale për protezat totale të lëvizshme parashikojnë përdorimin e informacioneve anatomike të pacientit të dixhitalizuara nëpërmjet skanimit ekstra-oral të gjurmëve konvencionale apo modeleve që derivojnë nga to.

Megjithatë janë të disponueshme aparatura dhe teknologji që mundësojnë skanimin intraoral; përdorimi i skanimeve të tilla na mundëson që të marrim përfitime të mëtejshme pasi përmirëson rehatinë e pacientit, redukton kohët operative, eliminon riskun potencial që lidhet me alergjitë ndaj materialeve të gjurmës dhe shmang gabimet potenciale që lidhen me variacione dimensionale të materialeve të gjurmës apo të modeleve, gjithashtu, thjeshton ruajtjen dhe arkivimin e të dhënave anatomike.

Kohët e fundit është publikuar në Journal of Prosthetic Dentistry një raport i profesorit Lucio Lo Russo i Universitetit të Foggia-s (Single-arch digjital removable complete denture: A workflow that starts from the intraoral scan) dhe i bashkëpunuesve të tij ku përshkruhet proteza totale e lëvizshme në nofullën e sipërme realizuar me protokollin "fully digjital" duke nisur nga një skanim intraoral.

Para një studimi të tillë, skanimi intraoral nuk ishte përdorur kurrë për realizimin e një proteze totale të lëvizshme. Në veçanti, skanimi intraoral lejon marrjen e një gjurme mykostatike e cila është veçanërisht e favorshme në rastin e kreshtave edentule të holla apo të veshura nga mukoza e lëvizshme.

Sigurisht skanimi i harkadave plotësisht edentule karakterizohet nga një farë vështirësie teknike, e menaxhueshme gjithashtu nga një trajnim adekuat. Edhe në të shkuarën nuk është këshilluar përdorimi i skanimit intraoral për të kryer gjurmë në harkadën edentule për shkak të kufizimeve të supozuara të saktësisë. Megjithatë kjo nuk është vërtetuar kurrë. Përkundrazi studimi i publikuar mundëson provën e konceptit in vivo, që skanimi intraoral mund të përdoret për realizimin e një proteze totale të lëvizshme në harkadën e sipërme.

Në një studim të tillë detajohet protokolli klinik dhe teknik për një përfundim të tillë. Rasti i përshkruar në studim është realizuar rreth dy vjet më parë kur dizajni i protezave të lëvizshme i një harkade pa dhëmbë nuk ishte akoma i suportuar nga softueri CAD i përdorur prandaj është përdorur një workaround (përshkruar në punim) me të cilin është bërë e mundur që të kalojmë një kufizim të tillë. Aktualisht softueri është azhornuar dhe procesi të paktën në fazën e dizajnit rezulton të jetë sigurisht i thjeshtuar.

Për momentin skanimi intraoral është i integruar në protokollet tona klinike për rehabilitimin e edentulisë totale nëpërmjet protezave të lëvizshme dhe përbën pikën e nisjes së fluksit tonë të punës plotësisht dixhital që nëpërmjet teknologjive "open" lejon një gjithanshmëri të madhe dhe anatomi në menaxhimin e dixhitalizimit të protezave të lëvizshme.