Rehabilitimi estetik perio-protetik

Nga Federico Lorelli

Rasti klinik i paraqitur në këtë artikull është fitues i çmimit "Premio Battista Climino".

Rehabilitimi estetik perio-protetik
Pacientja është paraqitur në klinikë duke u ankuar për inestetizma të dhëmbëve antero-superiorë. Pas një analize të kujdesshme mbi gjendjet dentare dhe periodontale, janë kryer Rx, janë zbuluar gjurmë dhe janë realizuar disa fotografi.

Vlerësimi estetik-protetik është kryer duke ndjekur protokollin e Digital Smile Design®[1]. Digital Smile Design®[1] lejon të ekstrapolohen parametrat estetikë të fytyrës së pacientes dhe të përdoren për të optimizuar trajtimin estetiko-funksional[2,3] qoftë ai protetik, ortodontik apo periodontal.

Nëpërmjet importimit të fotografive në Keynote® do të trajtohet analiza estetike[2] dhe do të transferohen në fotot intraorale parametra si: horizonti estetik[1], vija e mesit të fytyrës dhe profili i buzës së sipërme, që janë zbuluar nga fotografitë e fytyrës. Mbi këto parametra dhe nga analiza dentare[2,3] planifikojmë trajtimin protetik duke korrigjuar formën dhe dimensionin e grupit frontal.

Për të harmonizuar një planifikim të tillë është e nevojshme të korrigjohet morfologjia periodontale e këtyre elementeve[2,3]. Është nxjerrë një morfologji e re gingivale duke e harmonizuar me planifikimin protetik dhe me parametrat estetikë[2,3]. Informacionet e kirurgjisë periodontale transferohen në modelin e shkumësit, më pas kryhet dyllosja për mockup kirurgjikal. Sapo të verifikohet saktësia e mockup vijohet me kirurgjinë rezektive.

Dy muaj pas kirurgjisë periodontale është kryer përsëri statusi fotografik dhe analiza estetike, në bazë të këtyre të dhënave do të planifikohet një morfologji e re protetike. Pas 6 muajsh nga kirurgjia periodontale është marrë gjurma për të proceduar me realizimin e manufaktit protetik definitiv. Gjatë try-in intraoral është verifikuar përshtatja e këllëfëve në disilikat litiumi në përgatitjet dentare[4], për të vijuar më pas me shtesëzimin me porcelan[3] dhe me cementimin e manufakteve. Follow up pas 2 vitesh evidenton një maturim më të mirë të indeve periodontale.

Punimi origjinal në vijim:

Për më tepër:
1. https://www.digitalsmiledesign.com/about-dsd/
2. Fradeani M. La riabilitazione estetica in protesi fissa, Vol. 1. Analisi estetica, approccio sistematico al trattamento protesico. Quintessenza, 2004.
3. Fradeani M, Barducci G. La riabilitazione estetica in protesi fissa, Vol. 2. Trattamento protesico, approccio sistematico all'integrazione estetica, biologica e funzionale. Quintessenza, 2004.
4. Loi I, Scutellà F, Galli F. Tecnica di preparazione orientata biologicamente (BOPT). Un nuovo approccio nella preparazione protesica in odontostomatologia. Quintessenza Internazionale 2008;24(5):69-75

Përktheu: Valbona Spahia