A ndryshon me kalimin e kohës radiopaciteti i cementeve nga fiksimi protetik?

Nga Lara Figini

Për të arritur një jetëgjatësi të mirë të restaurimin protetik është e rëndësishme të merren në konsideratë faktorë të ndryshëm, si tipi dhe shkalla e përshtatjes së restaurimit protetik, përgatitja e dhëmbit dhe tipi i cementit të përdorur.

Zgjedhja e cementit duhet të udhëhiqet, nga rasti në rast, nga vetitë fizike dhe biologjike të materialeve të cementimit që janë të pranishme në treg.

Radiopaciteti i cementeve të fiksimit protetik është një karakteristikë shumë e rëndësishme që duhet të merret gjithmonë në kontroll nga profesionisti, sepse është thelbësore në diagnozën radiografike dhe në follow-up, sepse lejon diferencimin ndërmjet cementit, strukturave dentare dhe lezioneve karioze sekondare.

Pra me rëndësi thelbësore është edhe ruajtja e radiopacitetit të duhur të cementeve protetike me kalimin e kohës.

Tipologjia e kërkimit dhe modaliteti i analizës
Në një studim in vitro, të publikuar në Journal of Prosthodontic në dhjetor 2018 është vlerësuar radiopaciteti i cementeve të ndryshme të fiksimit protetik që i nënshtrohen procedurave të ndryshme të vjetrimit.

Autorët kanë përgatitur njëzet disqe (1x4 mm) për secilin nga cementet në vijim të fiksimit protetik:

• fosfati i zinkut; RelyX Luting 2;
• Variolink 2;
• AllCem; RelyX U200;
• Multilink;
• Panavia F2.0;
• RelyX ARC.

Provat janë ndarë rastësisht në dy grupe (n=10/grupi), sipas procedurës së përdorur të vjetrimit:
• Grupi A, në të cilin kampionët i janë nënshtruar një termociklimi;
• Grupi B, në të cilin kampionët i janë nënshtruar një qëndrueshmërie në ujë.

Përpara dhe pas procedurave të vjetrimit kampionët i janë nënshtruar një ekzaminimi radiografik. Radiopaciteti është vlerësuar nëpërmjet densitetit optik, që është matur duke përdorur software image).

Vlerat janë konvertuar në milimetra alumini me një kurbë të kalibrimit logjistik në regresion. Të dhënat janë analizuar nëpërmjet testit ANOVA dhe Tukey post-hoc (α=0,05).

Rezultate
Në grupin në të cilin kampionët i janë nënshtruar një termociklimi, RelyX Luting 2, RelyX U200 dhe Panavia F2.0 kanë treguar një reduktim statistikisht të rëndësishëm të radiopacitetit (p<0,05).

Në grupin e kontrollit të kampionëve që i janë nënshtruar qëndrueshmërisë në ujë të gjithë cementet kanë treguar një reduktim të konsiderueshëm të radiopacitet (p<0,05) dhe RelyX Luting 2 dhe Panavia F2.0 janë rezultate inferiore në krahasim me standardin e dëshiruar ISO 4049.

Konkluzione
Nga të dhënat e nxjerra nga ky studim laboratorik, që duhet të konfirmohen me studime të tjera in vitro dhe klinike analoge, mund të nxirret përfundimi që radiopaciteti i cementeve të fiksimit protetik zvogëlohet me kalimin e kohës, veçanërisht pas 1 viti të qëndrueshmërisë në ujë.

Implikacione klinike
Nga të dhënat e këtij studimi evidentohet që mjeku duhet të marrë në konsideratë reduktimin e radiopacitetit për pjesën më të madhe të cementeve të fiksimit protetik, gjatë follow-up pas një periudhe kohore, për diferencimin ndërmjet cementit, strukturave dentare dhe lezioneve karioze sekondare.

Për më tepër
Junqueira RB, Carvalho RF, Yamamoto FAGF, Almeida SM, Verner FS. Evaluation of radiopacity of Luting cements submitted to different aging procedures. J Prosthodont 2018 Dec;27(9):853-9.

Përktheu: Valbona Spahia