Të gjitha përdorimet e OT Equator

Protokollet e thjeshtë dhe të përsëritur me sisteme protetike cilësore

Nën kujdesin e Roberto Scrascia

Ku ka argument më të mirë sesa përmendja e një komponenti të vogël, në fakt e komponentit më të vogël të pranishëm në tregun e overdenture siç është OT Equator, një atashment me profil të sheshtë në aspekte të ndryshme. OT Equator nuk është thjesht një atashment, është një abutment për shufrat, një komponent i kalcifikueshëm, i filetueshëm, pra ka shumë përdorime.

Por për të folur për OT Equator në fillim duhet të sqarojmë konceptin e overdenture. Në vitet e fundit po ndryshon ndërgjegjësimi i profesionistëve në fushën stomatologjike në lidhje me trajtimin implanto-protetik të overdenture. Me kalimin e kohës konsiderohet një kompromis i drejtë ndërmjet faktorëve ekonomikë e biologjikë dhe jemi gjithnjë e më të ndërgjegjshëm për rolin, ndonjëherë selektiv, që kemi në zgjidhjen e rasteve klinike dhe në përmirësimin e cilësisë së jetës së pacientëve.

Overdenture mbi implante paraqet aspekte dhe evolucione të shumta dhe në edentulinë mandibulare përdorimi i atashmenteve teke me profil të sheshtë është një zgjidhje që në prakticitetin e tyre vendoset si standard referimi për këtë tip individësh.

Në një moment historik ku mosha mesatare është në rritje dhe kërkesat e nevojat e pacientëve janë në nivel dhe cilësi gjithnjë e më të lartë është e nevojshme që të kemi bagazhin e duhur profesional për një trajtim që është i shpejtë, i sigurt, praktik, me standard të lartë dhe mbi të gjitha ekonomik.

OVD është një protezë e suksesshme, në rritje të vazhdueshme. Përqindjet e mbijetesës implantare shkojnë nga 92% deri në 100%, pavarësisht nga tipi i ankorimit të përdorur ose nga mosha e pacientëve.

Për maksilën trajtimi diagnostikues duhet të përballohet duke ndjekur një guidë protetike të domosdoshme që është vendosja e dhëmbëve me një montim diagnostikues. Projekti protetik i një maksile nuk duhet të vendoset në bazë të kërkesave të pacientit apo preferencave të mjekut; proteza e maksilës paraqet një hapësirë të mirë përcaktuar që duhet ta identifikojmë dhe klasifikojmë. Shpesh për të garantuar estetikën dhe funksionin protezat kanë nevojë për një bashkim protetik që nuk mund të krijohet te një protezë hibride për arsye higjienike.

Pra ajo që mund të bëhet është stabilizimi gjithnjë e më i madh i protezave të lëvizshme në mënyrë të tillë që pacientët të kenë ndjesinë e një proteza fikse, por që mund të hiqet për arsye higjienike dhe në të njëjtën kohë të kenë dimensionet e duhura për të garantuar funksionin, estetikën dhe mbi të gjitha mbijetesën afatgjatë të projektit protetik. Në këtë kalim rezulton i dobishëm OT Equator i filetueshëm, në TiN shumë rezistent ndaj konsumimit.

Overdenture nuk është thjesht një tip rehabilitimi implanto-protetik, është një familje rehabilituese që i jep profesionistit mundësinë të rehabilitojë tipologji të ndryshme të atrofive kockore pa bërë kompromise, me një trajtim të besueshëm dhe të parashikueshëm.

Fig. 1 Në literaturë, proteza totale mandibulare është më problematike sepse ndonjëherë kushtet anatomike çojnë në paqëndrueshmëri të fortë. Realizimi i një proteze implantare overdenture, që mbështetet në implante dhe inde është i nevojshëm për të garantuar qëndrueshmëri.

Fig. 2 Dy implante në zonën interforaminale, në pozicion mesatar ndërmjet 42/43 dhe 32/33, janë standardi i ri i trajtimit për edentulitë mandibulare. Në foto shohim dy implante me vida gati për të vënë atashmentet me profil të sheshtë OT Equator të Rhein83.

Fig. 3 Rruga transmukozale pas 2 muajsh nga ndërhyrja one stage surgery.

Fig. 4 Matësi i kufirit gingival për harkadat endetule.

Fig. 5 Vendosja e OT Equator.

Fig 6. OT Equator në pozicion.

Fig. 7 Paciente edentule; vihet re sesi indet e buta të pjesës së pasme inferiore të fytyrës kanë nevojë për mbështetje që mund të ofrohet vetëm nga proteza me bashkim. Pacientja ankohet për një qëndrueshmëri të dobët të protezës inferiore.

Fig. 8 Pasi është rregulluar në mënyrë kirurgjikale kreshta kockore mandibulare, inserohen dy implante në zonën 42/43 dhe 32/33 për të realizuar një protezë overdenture të mbajtur nga implanti dhe të mbështetur nga indet.

Fig. 9 Inserimi i OT Equator me lartësi 1 mm në zonën 32/33.

Fig. 10 Veçantia e montimit të dhëmbëve në rastin e prezantuar klinik. Çdo detaj ka si qëllim qëndrueshmërinë e punimeve protetike.

Fig. 11 Sekuenca e kalimeve të laboratorit për krijimin e përforcimit metalik të protezës overdenture mandibulare.

Fig. 12 Veçantia e punimeve protetike përpara dorëzimit te pacientja.

Fig. 13 Inserimi i diskut të vogël ndarës dhe të kafazit të çelikut për metodikën e vendosjes direkte për të vënë në funksion OT Equator.

Fig. 14 Kafazi i çelikut i pozicionuar për të mbajtur ngarkesën funksionale.

Fig. 15 Inserimi i rezinës akrilike në pikat mbështetëse dhe vendosja më pas e atashmenteve me profil të sheshtë me protezën e luciduar.

Fig. 16 Pacientja në fund të punimit; feedback-u ka qenë menjëherë pozitiv për qëndrueshmërinë e protezës overdenture mandibulare që ka përmirësuar cilësinë e jetës së saj.

Fig. 17 Pacientja përpara dhe pas trajtimit. Shohim sesi me këto rehabilitime me proteza është i mundur ndryshimi estetik në pjesën e pasme të fytyrës. Bashkimet protetike janë një ndihmë e shkëlqyer terapeutike për të mbështetur indet e fytyrës kur ka pasur një atrofi të fortë të kockës së nofullës.

Fig. 18 Krahasimi ndërmjet OT Equator dhe një atashmenti tjetër me profil të sheshtë që është i pranishëm në treg.

Fig. 19 Sekuenca e montimit të Elastic Seeger, sistemi për krijimin e shufrave pasive mbi OT Equator.

Fig. 20 Pacientja me atrofi të rëndë kockore të maksilës. Është i dukshëm aspekti i shprehjes së moshës në pjesën e pasme të fytyrës kur indet e buta nuk janë mbështetur më nga një strukturë e përshtatshme kockore.

Fig. 21 Proteza overdenture maksilare me shufër dhe kundërshufër si edhe me atashmente të filetuara. Struktura e përpunuar por shumë e qëndrueshme.

Fig. 22 Montimi dhe stabilizimi i një shufre mbi OT Equator me Elastic Seeger. Futja e unazës, që në krahasim me versionin e mëparshëm ka avantazhin që ka një tapë të inkorporuar; në këtë mënyrë është edhe më e lehtë heqja por mbi të gjitha (duke pasur një unazë më të gjerë) pasiviteti dhe qëndrueshmëria e shufrës janë në nivel superior.

Fig. 23 New Elastic Seeger i pozicionuar dhe shufra e stabilizuar.

Fig. 24 Rasti klinik përmbyllet me një paciente të kënaqur. Vëmë re se buza e poshtme ka mbështetjen e duhur. Në pjesën e poshtme pacientja ka një protezë hibride të vidhosur; duhet theksuar feedback-u i saj pozitiv në lidhje me qëndrueshmërinë e protezvae në të dyja harkadat. Pacientja nuk vë re diferencë ndërmjet overdenture të mbajtur dhe mbështetur nga implanti në harkadën maksilare dhe protezës hibride inferiore, përkundrazi manovrat e higjienës janë më të thjeshta.

Fig. 25 OT Equator në versionin e atashmenteve të filetuar, qoftë për shufrat e bashkuara qoftë për metodikën CAD/CAM. Këto kanë avantazhin se janë lehtësisht të zëvendësueshme në rastin e rivendosjeve dhe mirëmbajtjes në pjesën protetike dhe janë TiN, shumë rezistente ndaj konsumimit.

Fig. 26 OT në versionin e kalcifikueshëm, të përdorshme qoftë për rrënjët qoftë për implantet; lejojnë mbajtjen e kostove shumë të ulëta të zhvillimit të punimit protetik dhe shfrytëzimin e performancës tipike të OT Equator.

Fig. 27 Disa faza të punimit të një overdenture maksilare te një paciente në moshë të re me atrofi të fortë kockore. Realizimi në CAD/CAM i një strukture shumë të fortë që ka dhuruar një protezë shumë të qëndrueshme duke përmirësuar cilësinë e saj të jetës. Realizimi në CAD e qendrës së frezimit Teglanum nga Ciro Simonetti.

Fig. 28 Katër OT Equator të pozicionuar për një overdenture maksilare të mbajtur nga implanti dhe të mbështetur nga indet. Rasti klinik i një pacienteje të moshuar tek e cila qëndrueshmëria e protezën superiore nuk ishte e kënaqshme. Prania e një atrofie të konsiderueshme kockore: si pasojë, implantet nuk janë paralelë; inserimi i protezës së perfeksionuar falë përdorimit të SmartBox.

Fig. 29 Modeli i rastit klinik të paraqitur në Fig. 28. Joparalelizmi ekstrem ndërmjet implanteve është kompensuar falë SmartBox për OT Equator që lejojnë kompensimin e mungesës së paralelizmit deri në 50 gradë ndërmjet implanteve.

Fig. 30 SmartBox të veçantë të inseruar në protezën e lëvizshme superiore.

Përktheu: Valbona Spahia

Për të votuar duhet të vendosni kredencialet tuaja në Medikey

Interesant ( 46 votim / mesatar 3 )