Nivele të ulëta të vitaminës D, konfirmohet lidhja me një risk të lartë për karies

Të dhënat e marra nga një studim i transversal i kryer në një kampion përfaqësues me fëmijë kanadezë, konfirmojnë ekzistencën e një lidhjeje midis kariesit dentar dhe niveleve të ulëta të vitaminës D. Fëmijët me një përqendrim prej 25 (OH)D (25-hidroksikolekalciferol) të njëjta ose më të larta se 75 nmol/L, kanë 39% më shumë probabilitet që të kenë pasur të paktën një rast me karies, por megjithatë mjaftojnë nivele nga 50 nmol/L për të përgjysmuar risqet. Kërkuesit e Universitetit të Manitoba-s kanë rekomanduar në një artikull në "Journal of Dental Research", injektimin rregullisht të integratorëve me vitaminë D për të reduktuar ngarkesën e përgjithshme të kariesit dentar te fëmijët.

Vitamina D njihet për rolin e saj në zhvillimin kranio-facial dhe në mbajtjen e një shëndeti të mirë oral. Provat janë bërë gjithmonë e më të shumta përgjatë viteve: përqendrime të pamjaftueshme të 25 (OH)D janë lidhur herë pas here me sëmundjet periodontale, edentulizmin dhe humbjen e indit kockor në zgavrën e gojës; kjo vitaminë ndikon edhe në formimin e dentinës dhe një mungesë e saj për një kohë të gjatë, bashkë me keq ushqyerjen mund të prodhojë hipoplazi të smaltit dhe karies dentar.
Studimi kanadez ka ekzaminuar 1.081 fëmijë nga 6 deri në 11 vjeç; 56,4% e tyre kishin pasur tashmë karies dhe një analizë e disa faktorëve predispozues të mundshëm, ka treguar se kariesi lidhet në mënyrë domethënëse statistikisht me nivelet e 25(OH) më të ulëta se 75 nmol/L dhe 50 nmol/L dhe nga një nivel i ulët kulturor në familje, një higjienë e dobët orale dhe nga mungesa e vizitave të rregullta te dentisti.
Pretendohet se vitamina D ushtron në karies një efekt mbrojtës nëpërmjet futjes së defensinës dhe catelicidinës, proteina që janë pjesë integruese e sistemit të lindur imunitar dhe janë të përfshira në mekanizmat patogjenikë të fillimit të patologjive të ndryshme, sidomos në ato të lëkurës.

Ndër pikat e forta të këtij studimi shënohen: kampioni i madh në të cilit është kryer, zgjedhja me kujdes e vetë kampionit, e tillë që është konsideruar përfaqësuese për të gjithë fëmijët kanadezë të shkollave fillore dhe testet janë kryer nga dentistë ekspertë. Një element tjetër domethënës është që autorët kanë matur nivelet e 25(OH)D, që përfaqësojnë standardin e artë të njohur për vlerësimin total të vitaminës D, sepse janë vendimtare si nga dispozita dietike si nga sinteza endogjene.

Burimi: Odontoiatria33.it

Përktheu: Erjola Taga