Lidhja ndërmjet cilësisë së higjienës orale dhe infeksionit oral nga HPV tek adultët: një studim perspektiv transversal

Nga Lucia Sardi

Nga Torre et al. kanë publikuar në Clinical Oral Invetigations një studim që kishte si qëllim zbulimin e një lidhjeje të mundshme ndërmjet cilësisë së përcaktuar në mënyrë objektive të higjienës orale dhe pranisë së HPV orale.

Tipologjia e kërkimit dhe modaliteti i analizës
Në këtë analizë perspektive janë përfshirë 187 persona (me moshë nga 18 deri në 50 vjeç). Për çdo pacient është përcaktuar indeksi i pllakës proksimale (API) si marker i cilësisë higjienike orale dhe indeksi gingival (GBI) pas sondimit si marker i gingivitit aktiv.

Pas grumbullimit të të dhënave, pacientët janë përfshirë në një program të higjienës orale, që konsiston në edukimin e tyre përsa i përket shëndetit oral dhe higjienës orale profesionale, të përsëritur në intervale të përcaktuara individualisht.

Në pak ditë, pas higjienës së parë orale profesionale, janë grumbulluar kampione të mukozës për të zbuluar praninë e HPV në tipologjitë e ndryshme të saj, disa që lidhen me neoplazinë beninje (HPV me risk të ulët), disa me efekte kancerogjene (HPV me risk të lartë). Të dhënat e grumbulluara janë përpunuar dhe analizuar statistikisht.

Rezultate
Ekziston një lidhje e fortë pozitive ndërmjet cilësisë së higjienës orale dhe pranisë së infeksionit nga HPV. Sa më shumë që rritet indeksi API dhe indeksi GCI, aq më i fortë bëhet raporti me prevalencën e HPV-në e çfarëdolloj tipi.

Konkluzione
Ky hetim tregon marrëdhënien pozitive ndërmjet cilësisë së higjienës orale dhe pranisë së infeksionit oral nga HPV, në bazë të matjeve objektive dhe duke marrë në konsideratë shumë lloje të HPV.

Implikime klinike
Edhe pse infeksioni nga HPV është rezultat i plagëve orale që mund të çojnë virusin në shtresën bazë të epitelit të mukozës dhe lezionet mikroskopike janë të pashmangshme në një gjendje inflamacioni gingival, mund të supozojmë se përmirësimi i higjienës orale mund të parandalojë infeksionin nga HPV.

Si pasojë, një higjienë e mirë orale mund të kontribuojë në parandalimin e kancerit oral.

Për më tepër:
Dalla Torre D, Burtscher D et al. The correlation between the quality of oral hygiene and oral HPV infection in adults: a prospective cross-sectional study. Clinical Oral Investigations 2019;23:179-85.

Përktheu: Valbona Spahia