Proteza dhe higjiena: këshillat që i duhen dhënë pacientit

Një studim krahasues shpjegon sesi të pastrohet me efikasitet proteza e lëvizshme

Nga Debora Bellinzani

Pastrimi i protezave të lëvizshme është thelbësor për të ruajtur shëndetin e indeve orale që janë në kontakt me të por pacientët dhe veçanërisht pacientët e moshuar jo gjithmonë mund të kryejnë me saktësi lëvizjet manuale për të siguruar një higjienë të përshtatshme. Por cila është metoda e duhur që duhet t'i këshillohet pacientëve që kanë vështirësi në lëvizjen e duarve me saktësi pra në larjen e dhëmbëve me furçë? Sipas një grupi kërkuesish nga Tajvani këtyre pacientëve mund t'ju këshillojmë zhytjen e protezës së ujë ku është shkrirë edhe një tabletë për pastrimin e protezës për 15 minuta dhe pacientëve të tjerë përveç zhytjes në ujë edhe larjen me furçë.

Eksperimenti i pasqyruar nga Journal of Dental Sciences, ka përdorur proteza në rezinë akrilike të kontaminuara me Candida albicans dhe i ka pastruar me gjashtë metoda të ndryshme; rëndësia e tij është dhënë nga fakti se pak studime deri më tani kanë krahasuar teknikat e ndryshme të higjienës në këtë kontekst.

Metodat
"Metodat që janë treguar më efikase janë dy: larja me furçë në mënyrë manuale me një furçë të butë dhe zhytja e protezës në ujë të distiluar me një tabletë specifike për pastrimin e protezave për 15 minuta," - ka afirmuar Huey-Er Lee nga Departamenti i stomatologjisë së Kaohsiung Medical University Hospital në Tajvan, - "vetëm një metodë është zbuluar se është më efikase nga të dyja, pra përdorimi i kombinimit të larjes me furçë dhe zhytja në ujin me tabletën për pastrimin e protezës; duke rezultuar si teknika më e mirë për të arritur higjienën maksimale."
Metodat që nuk kanë treguar të njëjtin efikasitet kanë qenë zhytja e protezës në një kolutor që përmban klorheksidinë 0,2% për 15 minuta, rrezatimi me rreze UV dhe zhytja thjesht në ujë të distiluar, ku kjo e fundit veçanërisht ka rezultuar totalisht joefikase në heqjen e baktereve.

Biofilmi
"Biofilmi i formuar nga kërpudhat e llojit Candida është shkaku i provuar i stomatitit nga proteza" - ka përfunduar kërkuesi duke shpjeguar zgjedhjet që kanë diktuar strukturën e studimit; për pacientët që mbajnë proteza të lëvizshme pra është shumë e rëndësishme që të hiqen këto baktere, por edhe të njihen se cilat metoda janë më të mira në lidhje me kapacitetin për t'i përdorur në mënyrë efikase.

Përktheu: Valbona Spahia