Ekstruzioni kirurgjikal minimalisht invaziv: paraqitja e një metodike të re

Nga Lara Figini

Dhëmbët me strukturë të reduktuar të kurorës, me karies, rezorbim ose një linjë frakture që zgjerohet nën sulkusin gingival shpesh konsiderohen jo të rekuperueshëm, përveç rasteve kur kryhen trajtime të mëtejshme për të siguruar marzhet e restaurimit duke respektuar amplitudën biologjike.

Opsionet e trajtimit që janë të disponueshme për të arritur këto objektiva përfshijnë zgjatjen kirurgjikale të kurorës dhe ekstruzionin ortodontik ose kirurgjikal.

Zgjatja e kurorës në mënyrë kirurgjikale është një teknikë e parashikueshme, por ndonjëherë mund të përcaktojë një arkitekturë gingivale të pafavorshme dhe një dëmtim të estetikës. Ekstruzioni ortodontik nuk ka këto disavantazhe, por është shpërndarë relativisht qoftë në terma të kohës qoftë në kosto dhe sjell sakrifikime estetike për muaj me radhë.

Ekstruzioni kirurgjikal ose transplanti intra-alveolar, është propozuar si opsion i tretë për ripozicionimin e dhëmbit në mënyrë koronale dhe lejimin e restaurimit.

Tipologjia e kërkimit dhe modaliteti i analizës
Në një studim të publikuar në British Dental Journal në maj 2019, autorët paraqesin një trajtim të ri nëpërmjet ekstruzionit kirurgjikal që të mund të rikonstruktohen dhëmbët e dëmtuar në mënyrë koronale, të cilët në rast të kundërt do të konsideroheshin të parekuperueshëm, duke përdorur një sistem ekstraktimi vertikal (Benex).

Autorët ilustrojnë raste të ndryshme të trajtuara me këtë sistem inovativ ndërmjet të cilëve ekstruzionin kirurgjikal të një kanini maksilar djathtas, me rrënjë me shumë karies dhe strukturë të kurorës të shëndetshme por të pamjaftueshme për restaurimin.

Ata kanë vijuar përgatitjen për vendosjen e vidave Benex pasi kanë hequr të gjithë kariesin. Më pas është aplikuar ekstraktuesi Benex, me pjesën e mbështetjes për të garantuar një shpërndarje uniforme të forcave të ekstraktimit. Në vijim është proceduar me ekstruzionin e rrënjës me thyerjen e fibrave Sharpey.

Rrënja është hequr për një kohë të shkurtër nga alveola në pozicion më koronal në krahasim me më parë dhe janë splintuar dhëmbët pranë me kompozitë për të ruajtur pozicionin e saktë.

Rezultate
Ekstruzioni kirurgjikal me një pajisje Benex është një procedurë relativisht e shpejtë dhe e thjeshtë që kompletohet në një seksion, por ekziston risku i dështimit. Kjo mund të verifikohet për shkak të gjatësisë së pamjaftueshme të rrënjës, të morfologjisë radikolare të padëshiruar (si hipercementoza), të rrënjëve divergjente (për shembull, premolarët superiorë), të rrënjëve të holla (për shembull, incizivët lateralë) ose të gabimeve teknike që mund të shkaktojnë paaftësi për ekstruzionin e rrënjëve, fraktura ose perforime të rrënjës gjatë procedurës.

Në një studim kohorti të vetë autorëve, në 323 dhëmbë jo molarë është hasur një risk dështimi me 14% (47/323 dhëmbë) për ekstruzionet nëpërmjet Benex, prandaj risku i dështimin ishte më i madh te dhëmbët me shumë rrënjë dhe tek ata me mbushje të rrënjës pre-ekzistuese.

Përveç komplikacioneve të menjëhershme që verifikohen gjatë procedurës së ekstruzionit, rezorbimi i rrënjëve është një komplikacion i njohur që mund të verifikohet pas ekstruzionit kirurgjikal.

Të dhënat mbi incidencën e rezorbimit të rrënjëve pas ekstruzionit kirurgjikal janë të pakta dhe literatura ekzistuese ka një lidhje të limituar vetëm për teknikën e përshkruar këtu.

Konkluzione
Nga të dhënat që dalin nga ky studim, që duhet të konfirmohen me punime të tjera analoge, mund të dalim në përfundimin që Benex është një pajisje ekstruzioni radikolar të parashikueshëm dhe minimalisht invaziv që e ka bërë ekstruzionin kirurgjikal një opsion trajtimi origjinal dhe të përdorur shpesh për dhëmbët jo molarë me lezione të thella subgingivale për karies ose traumë.

Për më tepër: Dietrich T, Krug R, Krastl G, Tomson PL. Restoring the unrestorable! Developing coronal tooth tissue with a minimally invasive surgical extrusion technique. Br Dent J 2019 May;226(10):789-93.

Përktheu: Valbona Spahia