Kurorat në rezinë nano-qeramike VS kurorat në disilikat litiumi në sektorët posteriorë

Nga Lara Figini

Materialet në kompozitë me bazë polimeresh janë propozuar si alternativë e qeramikës edhe në rastet e kurorave teke mbi të gjitha për shkak të elasticitetit të tyre në krahasim me brishtësinë e materialeve qeramike që mund të çojnë në frakturimin e tyre.

Rezina kompozitë për CAD/CAM (e llojit Lava Ultimate, 3M ESPE; St. Paul, MN, USA) nuk kërkon procese pjekjeje, lustrimi kryhet duke përdorur disqe abrazive dhe mund të riparohet lehtësisht, nëse është e nevojshme. Lava Ultimate është përbërja e 80% të nanoqeramikave, me pjesëza silici nga 20 nm, pjesëza zirkoni nga 4 deri në 11 nm dhe nano-grumbuj silic-zirkon, të inkorporuara të gjitha në një rrjetë matrice polimerike.

Ky material paraqet një rezistencë të lartë ndaj lodhjes në krahasim me glass-ceramic dhe duket se përmbush kërkesat mekanike për zonat me ngarkesë të lartë.

Tipologjia e kërkimit dhe modaliteti i analizës
Në një studim in vitro, të publikuar në Journal of Applied Oral Science në maj 2019, autorët kanë vlerësuar rezistencën ndaj lodhjes dhe modalitetit të frakturës së kurorave posteriore në rezinë monolitike nano-qeramike krahasuar me kurorat në disilikat litiumi.

26 kurora monolitike në rezinë nano-qeramike (RNC) dhe 13 kurora në disilikat litiumi (LD) nga 2 mm janë cementuar në kopje rezinë kompozitë të një dhëmbi të përgatitur dhe që i është nënshtruar një ngarkese ciklike lodhjeje (2 milion cikle). Provëzat janë kontrolluar çdo 500.000 cikle dhe janë ndërprerë në momentin që janë shfaqur fraktura ose decementime.

Kampionët që mbijetuan janë inkorporuar në rezinë epoksidike dhe janë analizuar. Provëzat që paraqesin fraktura ose dëmtime shumë të rënda nën-sipërfaqësore janë konsideruar si dështime.

Të dhënat e mbijetesës janë llogaritur nëpërmjet testimit të Fisher; modalitetet e dëmtimit i janë nënshtruar testit Mann-Whitney (p<0,05).

Rezultate
Nuk janë verifikuar decementime ose dështime kohezive dhe katastrofike. 53,8% e RNC dhe 46,2% e kurorave LD i kanë mbijetuar provës së lodhjes, duke mos paraqitur asnjë diferencë statistikisht të konsiderueshme ndërmjet tyre.

Modalitetet e dëmtimit më të shpeshtë kanë çarjet radiale për RNC dhe çarjet e brendshme në formë koni për LD, pa diferenca statistikore.

Konkluzione
Nga të dhënat e nxjerra nga ky studim, që duhet të konfirmohen më tej me punime të tjera analoge, mund të dalim në përfundimin se kurorat në rezinë nano-qeramike mund të përfaqësojnë një alternativë të vlefshme ndaj qeramikës për sektorët posteriorë.

Megjithatë, modalitete të ndryshme të frakturave mund të verifikohen qoftë te kurorat në nano-qeramikë qoftë tek ato glass-ceramic në rezinë.

Implikime klinike
Në sektorët posteriorë me ngarkesë të lartë mastikatore stomatologu mund të marrë në konsideratë kurorat në rezinë nano-qeramike si një alternativë e vlefshme e atyre në disilikat litiumi.

Për më tepër:
Ferruzzi F, Ferrairo BM, Piras FF, Borges AFS, Rubo JH. Fatigue survival and damage modes of lithium disilicate and resin nanoceramic crowns. J Appl Oral Sci 2019 May 30;27:e20180297.

Përktheu: Valbona Spahia