Endodonci apo implantologji? Përgjigjja nga kërkimi shkencor

Nga Simona Chirico

Kjo është një çështje që mund të diskutohet për disa muaj me radhë: është më mirë të ruhet një element dentar me çdo mënyrë të mundshme apo të vendoset një implant i osteointegruar? Ka një ndryshueshmëri të madhe në përgjigje nga ana e stomatologëve për mënyrën sesi duhen trajtuar dhëmbët vitalë me një prognozë të diskutueshme.

Në ditët e sotme, pozicionimi i implanteve dentare është një opsion trajtimi i pranuar gjerësisht dhe i mbështetur nga norma të larta mbijetese. Megjithatë, ka shumë faktorë që mund të ndikojnë rezultatin e trajtimit implantar siç janë pozicionimi i implantit, lloji i restaurimit, cilësia e kockës dhe zakoni i duhanpirjes.

Pra vendimi ynë duhet të bazohet në strukturën dhe prognozën e dhëmbit të mbetur. Është e vështirë që të krahasohet endodoncia dhe implantologjia, sepse kanë rezultate të ndrysmë.

Kur flasim për endodonci, merremi me "suksesin" e një trajtimi/ritrajtimi/kirurgjie apikale të kanalit radikolar dhe është përcaktuar nga shërimi i plotë radiografik ose nga mungesa e shenjave dhe simptomave klinike. Ndërsa, pjesa më e madhe e studimeve mbi implantet dentare i referohet normave të mbijetesës.

Pra cili është opsioni më i mirë për trajtimin e një dhëmbi me patologji pulpare?

Tipologjia e kërkimit dhe modaliteti i analizës
Chércoles-Ruiz et al. kanë kërkuar që të japin një përgjigje në studimin e publikuar në Journal of Endodontics në maj 2017. Kanë kryer një kërkim në databazat Cochrane, PubMed (Medline) dhe ScienceDirect nga dhjetori 2015 deri në shkurt 2016.

Kriteret e përfshirjes ishin studime klinike të randomizuar, studime për të ardhmen apo retrospektive të kohorteve dhe studime transversale të kryer te njerëzit me të paktën 1 vit follow-up dhe të publikuar në 10 vitet e fundit. Dy kërkues kanë ekzaminuar në mënyrë të pavarur titullin dhe përmbledhjen e çdo artikulli të identifikuar nga kërkimi me qëllim që të vendosin pranueshmërinë.

Artikujt e seleksionuar janë klasifikuar në nivele të ndryshme evidence nëpërmjet kritereve të taksonomisë së rekomandimit.

Rezultate
Përqindja e suksesit të trajtimit endodontik varionte nga 42,1% deri në 86% për një periudhë nga 2 deri në 10 vjet dhe nga 84% deri në 88,6% për një periudhë nga 4 deri në 10 vjet për ritrajtimin endodontik. Pjesa më e madhe e studimeve nuk specifikon kriteret e vlerësimit. Norma e suksesit të kirurgjisë apikale varion nga 59,1% deri në 93% në një periudhë nga 1 deri në 10 vjet dhe kriteret e vlerësimit që janë përdorur më shumë bazohen te kriteret radiologjike. Norma e mbijetesës së implanteve dentare varion nga 91,8% deri në 100% për një periudhë nga 1 deri në 10 vjet.

Asnjë nga artikujt e seleksionuar nuk ka vlerësuar përqindjet e suksesit. Nuk janë observuar diferenca të dukshme mbi normat e mbijetesës duke u nisur nga momenti i pozicionimit.

Nuk është observuar asnjë diferencë e rëndësishme ndërmjet dy trajtimeve deri pas 8 vitesh follow-up.

Konkluzione
Trajtimi endodontik dhe pozicionimi i implantit janë opsione të vlefshme dhe komplementare për planifikimin e rehabilitimit oral.

Edhe pse këto rezultate vijnë nga studime krahasuese retrospektive sepse mungojnë studimet klinike të randomizuar që krahasojnë të dy tipet e opsioneve terapeutike: studimet për implantet janë më pak angazhues sesa ata për endodoncinë sepse pjesa më e madhe e tyre ofron thjesht informacione mbi mbijetesën dhe jo vetëm mbi suksesin.

Prandaj nëse realisht duam të krahasojnë dy metodikat duhet të prodhojmë studime në të cilat të vendosen të njëjtat rezultate të vlerësuara në kohë.

Për më tepër:
Chércoles-Ruiz A, Sánchez-Torres A, Gay-Escoda C. Endodontics, endodontic retreatment, and apical surgery versus tooth extraction and implant placement: a systematic review. JOE 2017;43(5):679-86.

Përktheu: Valbona Spahia