Rehabilitime protetike fikse me tre elemente mbi dhëmbët natyralë në sektorët posteriorë: zirkon vs metal-qeramikë

Nga Lara Figini

Deri më tani rehabilitimet protetike të sektorëve posteriorë (FPD) në metal-qeramikë (MC) janë konsideruar standardi i artë në protetikën fikse, por nevoja estetike ka sjellë zhvillimin e qeramikave integrale, si zirkoni, që duket se janë një alternativë premtuese për FPD posteriorë ndaj metal-qeramikave klasike.

Megjithatë, pavarësisht vetive të tyre favorizuese mekanike, biologjike dhe estetike, FPD në zirkon nuk janë pa komplikacione klinike si për shembull krisjet, formimi i kariesit sekondar, frakturat e monkonit dhe sëmundja periodontale.

Studime të ndryshme klinike në literaturë, që ofrojnë të dhëna deri në 7 vjet pas trajtimit, kanë sjellë një prevalencë të lartë të krisjeve të qeramikave integrale në zirkon.

Tipologjia e kërkimit dhe modaliteti i analizës
Në një studim klinik, të publikuar në Journal of Prosthodontic në gusht 2019, autorët kanë krahasuar mbijetesën, normat e suksesit dhe komplikacionet biologjike apo teknikat e protezave parciale fikse posteriore në metal-qeramikë (MC) duke i krahasuar me zirkonin (FPD).

Janë marrë në konsideratë 40 pacientë që kishin nevojë për 40 FPD posteriore, të shpërndarë rastësisht në grupin e restaurimeve në zirkon (Grupi 1, nr. 20) ose në grupin e restaurimeve në metal-qeramikë (Grupi 2 nr. 20).

Restaurimet janë kontrolluar dhe vlerësuar 1 javë (koha bazë) dhe 1, 3 dhe 5 vite pas përfundimit të trajtimit. Rezultatet teknike dhe biologjike janë krahasuar. Të dhënat janë analizuar statistikisht duke përdorur testin Wilcoxon dhe Mann-Whitney U.

Rezultate
Normat e mbijetesës së të dy grupeve kanë rezultuar të jenë 5 vjet, në 100% të rasteve. Normat e suksesit, në fakt, kanë rezultuar 80% për zirkonin dhe 100% për metal-qeramikën (MC).

Nuk janë observuar komplikacione biologjike. Krisjet e vogla janë observuar në 20% të restaurimeve në zirkon. Nuk është observuar asnjë diferencë rreth parametrave periodontalë ndërmjet grupeve.

Konkluzione
Nga të dhënat e nxjerra nga ky studim, që duhet të konfirmohen me punime të tjera analoge, mund të dalim në përfundimin se rehabilitimet posteriore të 3 elementeve në zirkon tregojnë të njëjtën normë mbijetese (100%) të atyre të kryera në metal-qeramikë pas 5 vitesh; megjithatë, norma e suksesit është me 80% për shkak të një rritjeje të përqindjeve të krisjeve për zirkonin.

Implikime klinike
Në sektorët posteriorë rehabilitimet protetike fikse me 3 elemente në metal-qeramikë mbeten ato që ofrojnë garancinë më të madhe të suksesit pas një periudhe kohore sepse qeramikat integrale, në gjendjen aktuale, në sektorët me ngarkesë të lartë mastikatore rriskojnë më shumë për fraktura/krisje.

Për më tepër:
Suarez MJ, Perez C, Pelaez J, Lopez-Suarez C, Gonzalo E. A randomized clinical trial comparing zirconia and metal-ceramic three-unit posterior fixed partial dentures: a 5-year follow-up. J Prosthodont 2019 Aug;28(7):750-6.

Përktheu: Valbona Spahia