Vetitë mekanike dhe përshtatja e brendshme e materialeve të blloqeve CAD/CAM

Nga Simona Chirico

Sistematika CAD/CAM është futur në stomatologji 40 vjet më parë dhe ka fituar popullaritet falë progreseve të materialeve të restaurimit, me karakteristika si rezistenca ndaj frakturës, lehtësia e përdorimit klinik dhe performanca e mirë.

Ndërmjet materialeve CAD/CAM që përdoren më shpesh në rehabilitimet restorative gjenden: 2 nanoqeramika, xham-qeramika të ndërthurura në një matricë rezinë (PICN) dhe disilikati i litiumit. Këto materiale i përkasin familjeve të ndryshme të qeramikave dhe prandaj kanë veti të ndryshme.
Por cili material garanton një rezultat më të mirë?

Tipologjia e kërkimit dhe modaliteti i analizës
Studimi i publikuar nga Goujat et al., në Journal of Prosthetic Dentistry në mars 2018, ka kërkuar që të japë një përgjigje duke analizuar vetitë mekanike të materialeve CAD/CAM.
Materialet e testuara në këtë studim kanë qenë: Vita Enamic (PICN), Lava Ultimate dhe Cerasmart (të dyja nanoqeramika) dhe IPS e.max CAD (disilikat litiumi).

Vetitë mekanike janë vlerësuar sipas normës ISO DIS 6872: 2013. Kampionet në formë shufre (18x3x3 mm) janë përgatitur dhe i janë nënshtruar një testi përthyerje në 3 pika duke përdorur një makinë prove universale me shpejtësi transversale me 0,5 mm/min. Për më tepër, kavitetet identike janë përgatitur në 60 molarë humanë mandibularë të ekstraktuar (n-15) dhe janë skanuar në mënyrë optike për të marrë inlay mezio-okluzalo-distalë të frezuar me 4 materialet e testuara në një pajisje frezimi CEREC Inlab.

Teknika e përsëritjes dhe një stereomikroskop (x20) janë përdorur për të matur përshtatjen e brendshme të inlays në 9 pozicione të përzgjedhura.

Të gjitha të dhënat janë analizuar statistikisht duke përdorur 1-way Anova dhe krahasimin e  shumëfishtë post hoc Tukey ose testi Games-Howell (a=.05).

Rezultate
Siç mund të shihet në Tabelën 1, rezultatet më të mira janë regjistruar në ngarkesë të disilikatit të litiumit IPS e.max CAD.

Tabela 1

Konkluzione
Pavarësisht se të gjitha këto materiale CAD/CAM janë të vlefshme për një restaurim, rezultatet më të mira janë regjistruar nga disilikati i litiumit IPS e.max CAD i ndjekur nga nanoqeramikat Cerasmart.

Për më shumë informacione: Goujat A, Abouelleil H, Colon P, Jeannin C, Pradelle N, Seux D, Grosgogeat B. Mechanical properties and internal fit of 4 CAD-CAM block materials. JPD March 2018 March;119(3):384-9.

Përktheu: Valbona Spahia

Për të votuar duhet të vendosni kredencialet tuaja në Medikey

Interesant ( 41 votim / mesatar 3 )