Ekstraktimi atraumatik i premolarit të dytë superior

Rasti klinik hap pas hapi

Dr. Manouchehr Kiaei

Një paciente 76 vjeç është paraqitur në klinikën tonë për shkak të një dhimbjeje në anën e majtë të maksilës. Ka një fistulë në gingivën bukale ndërmjet dhëmbit 25 dhe dhëmbit 24. Dhëmbi 24 dhe dhëmbi 23 mbahen nga implanti. Dhëmbi 25 ka një kurorë. Dhëmbi ishte restauruar më parë si pasojë e një kariesi sekondar.

Fistulografia tregon një proces inflamator aktiv nga një dhëmb që i është nënshtruar më parë një trajtimi endodontik. Kjo e përkeqëson prognozën dhe mund të influencojë negativisht rehabilitimin implantar. Ndaj është vendosur që të ekstraktohet dhëmbi.

Figura 1 Radiografia tregon një proces patologjik aktiv në kockë në pjesën apikale të rrënjës.

Figura 2 Fistulografia nëpërmjet futjes së një maje të gutaperkës tregon një shkatërrim apikal si burim të infeksionit.

Figura 3 Harku superior përpara trajtimit.

Figura 4-5 Dhëmbi është luksuar me Luxator P4 (Dual Edge, lejla).

Figura 6 Kurora është frakturuar gjatë luksimit.

Figura 7 Luksimi vazhdon me Luxator P1 (i gjelbër) derisa rrënja të dislokohet mjaftueshëm.

Figura 8 Më pas ekstraktohet me ndihmën e një pincete të diamantuar.

Luxator® P4 (Dual Edge, lejla), ka një majë shumë të hollë, përdoret në fazën e fillimit të shkëputjes së fibrave të Sharpeye më pas ndiqet nga Luxator P1 (i gjelbër) sapo krijohet hapësira ku ndodhet lidhja periodontale.

Edhe pse tehet e këtyre instrumenteve të sofistikuara janë përforcuar nga një veshje titani, Luxator® P-series peritomes përdoren vetëm për të prerë lidhjen periodontale por asnjëherë për të hequr elementin dentar.

Në fund të procedimit ekstraktues alveola gërryhet dhe lahet me kujdes me solucion fiziologjik për të parandaluar fillimin e infeksioneve.

Përktheu: Valbona Spahia