Sistemi i navigimit dinamik për endodoncinë mikrokirurgjikale: një raport rasti

Gianluca Gambarini, Massimo Galli, Luigi V. Stefanelli, Dario Di Nardo, Antonio Morese, Marco Seracchiani, Francesca De Angelis, Stefano Di Carlo, Luca Testarelli

Objektivat
Ilustrimi i kryerjes së një ndërhyrjeje endodontike mikrokirurgjikale nëpërmjet një qasjeje të llojit invaziv, të kujdesshëm dhe nën kontroll operativ në kohë reale duke përdorur sistemin e navigimit dinamik Navident (Claronav, Toronto, Ontario).

Hyrje
Së fundmi janë futur në stomatologji sisteme të navigimit dinamik që lehtësojnë dhe përmirësojnë saktësinë e vendosjes së implantit.

Sistemi kirurgjikal në navigimin dinamik integron instrumentet kirurgjikale që përdoren dhe imazhet radiologjike që janë marrë nëpërmjet ekzaminimit CBCT, duke përdorur një pajisje pozicionimi optik me dy kamera dhe një ndërfaqe të kompjuterizuar të dedikuar që tregon pozicionin e frezës së kalibruar dhe një target që udhëheq profesionistin.

Ndërfaqja klinike tregon në kohë reale pozicionimin tridimensional të frezës në tre plane të hapësirës dhe udhëheq përdoruesin në perforim duke i lejuar që të mbajë aksin e frezimit të programuar gjatë planifikimit të pozicionit përfundimtar të implantit.

Raporti i rastit
Pacienti mashkull me një inciziv lateral superior, simptomatik në perkusion vertikal pas 1 viti trajtimi endodontik konvencional. Ekzaminimi CBCT tregonte një lezion periapikal që lidhet me elementin dentar. Pacienti refuzonte një ritrajtim të llojit ortograd për të shmangur dëmtimet ndaj restaurimit.

Sistemi i navigimit dinamik është përdorur për të minimizuar zgjerimin e kavitetit të aksesit kockor dhe për të kryer një rezeksion të saktë të apeksit radikolar; pjesa e mbetur e procedurës është kryer me teknika të përbashkëta të mikrokirurgjisë.

Në këtë mënyrë arrihet një shërim i mirë pas 6 muajsh nga ndërhyrja me shqetësime të papërfillshme post-operative falë trajtimit minimalisht invaziv.

Metodologjia

Figura 1 A) 2D dhe B) pamja CBCT parasagitale e dhëmbit të prekur; imazhi tregon lezionin nga pika të ndryshme.

Figura 2 A) Programimi duke përdorur një CBCT të mbajtur nga pacienti; B) gjurmimi: sistemi i kalibrimit është kryer duke seleksionuar 6 pika mbi rikonstruksionet e software; C) një mbështetje fiksohet në harkadën e pacientit, duke u njohur nga kamerat e Navident, që më pas gjurmohen me anë të pikave të shënuara më parë; D) faza e gjurmimit plotësohet nga kontrolli i saktësisë; E) kalibrimi i frezëmbajtëses dhe frezave; F) frezimi nëpërmjet guidës dinamike: drejtimi dhe këndi mund të kontrollohen, gjatë procedurës kirurgjikale, në tre seksione të ndryshme të CBCT.

Figura 3 A) Kaviteti i aksesit minimalisht invaziv, Ø w3 mm, falë sistemit të navigimit dinamik, duke përdorur një frezë me majë të rrumbullakët me shpejtësi të lartë, të kontrolluar në mënyrë vizive në ekranet Navident; B) heqja e lezionit; C) përgatitja retrograde është krijuar duke përdorur një majë ultrasonike të dedikuar për një thellësi prej 3 mm; mund të observohet kaviteti i aksesit minimalisht invaziv dhe mbushja retrograde.

Figura 4 Radiografia post-operative: A) menjëherë post-operativ; B) kontrolli pas 6 muajsh, shërimi i plotë radiologjik.

Diskutim
Sistemi i navigimit dinamik ka lejuar lokalizimin dhe rezeksionin me saktësi të apeksit radikolar nëpërmjet një kaviteti kockor minimalisht invaziv me objektivin që të arrihet trauma më e vogël kirurgjikale dhe shqetësimi post-operativ i mundshëm.

Navident, për më tepër ka lejuar drejtimin e frezës në 3 akse të hapësirës, duke u mundur të kontrollojë në seksione të ndryshme të CBCT-së, duke reduktuar riskun e gabimeve jatrogjene, të rëndësishme në situata të afërsisë së strukturave të dallueshme, duke kontrolluar në kohë reale çdo fazë kirurgjikale me mundësinë për të korrigjuar gabimet e mundshme.

Trajtimi është kryer nga një student universitar në rreth 30 minuta, falë sistemit inovativ të navigimit dhe ka dhënë rezultate të shkëlqyera siç tregohet në radiografi. Simptomat post-operative kanë rezultuar të papërfillshme.

Konkluzione
Sistemet e navigimit dinamik lejojnë kryerjen në mënyrë të saktë dhe të kujdesshme të një kaviteti, aksesin kockor minimalisht invaziv dhe një apicektomi në një ndërhyrje të endodoncisë mikrokirurgjikale. Kjo ofron shumë avantazhe në krahasim me kirurgjinë tradicionale dhe kirurgjinë e drejtuar statike.

Rëndësia klinike
Navigimi dinamik është një teknologji premtuese që mund të ndihmojë në fushën endodontike.

Nga: Gianluca Gambarini, MD, DDS; Massimo Galli, MD; Luigi V. Stefanelli, DDS; Dario Di Nardo, DDS, PhD; Antonio Morese, DDS; Marco Seracchiani, DDS; Francesca De Angelis, DDS; Stefano Di Carlo, DDS; Luca Testarelli DDS, PhD.

Departamenti i shkencave odontostomatologjike dhe maksilo-faciale, Sapienza, Universiteti i Romës.

Përktheu: Valbona Spahia