Ritrajtimi kanalar: cili irrigant përdoret për një shërim më të mirë?

Nga Massimo Gagliani

Në fushën endodontike, ritrajtimet po shtohen gjithnjë e më shumë. Përqindja mesatare e suksesit është pothuajse 80%, por impostimi i ndryshëm klinik, dimensionet e lezionit periapikal dhe instrumentimi i mëparshëm i kanalit radikolar mund të çojnë në skenarë të ndryshëm klinikë, duke përcaktuar një variacion të kësaj përqindjeje.

Tipologjia e kërkimit dhe modaliteti i analizës
Zandi et al. kanë paraqitur një studim, të publikuar në Journal of Endodontics në shtator 2019, që ka krahasuar përgjigjen klinike dhe radiografike të ritrajtimeve endodontike të dhëmbëve me lezione periapikale te të cilat janë përdorur si irrigantë hipokloruri i natriumit me 1% (NaOCl) ose diglukonat klorheksidinë 2% (CHX).

52 dhëmbë me periodontit apikal janë ndarë në mënyrë rastësore në 2 grupe në bazë të irrigantit të përdorur gjatë ritrajtimit. Kampionet mikrobiologjike të kanalit radikolar janë marrë përpara (S1) dhe pas përgatitjes (S2) duke përdorur irrigacionin NaOCl ose CHX dhe pas trajtimit me hidroksid kalciumi (S3) janë propozuar për reaksionin kuantitativ zinxhir të polimerazës kuantitative në kohë reale bazuar në gjenin ribozomial 16S (qPCR) të ARN-së së baktereve totale.

Gjendja periapikale është vlerësuar duke përdorur treguesin periapikal dhe duke e deklaruar si të shëruar (<3) ose të pashëruar (≥3) në follow-up për 1 apo 4 vite.

Rezultate
45 (NaOCl, n = 20; CHX, n = 25) dhe 33 dhëmbë (NaOCl, n = 16; CHX, n = 17) ishin të disponueshëm ndaj follow-up - it në 1 dhe 4 vjet, respektivisht. Pas 1 viti, 65% në grupin NaOCl dhe 64% në grupin CHX janë shëruar, pa diferenca ndërmjet tyre (P>0,05).

Në follow-up - in pasardhës, shifrat ishin respektivisht 81% dhe 82% (P>0,05). Kanalet që kanë prodhuar rezultate negative te qPCR në S3 kishin një normë shërimi më të lartë (79%) në krahasim me kanalet pozitive qPCR (45%, P<.05). Ngarkesa bakteriale mesatare është shtuar nga S2 te S3 te gjysma e rasteve të pashëruara (P>.05).

Të gjithë kanalet pozitive për S3 që përmbajnë numra të mëdhenj të qelizave bakteriale janë shëruar. Shtimi i nivelit apikal të mbushjes së kanalit radikolar ka influencuar rezultatin (P<.05).

Konkluzione
Nuk janë gjetur diferenca të konsiderueshme në rezultatin klinik ndërmjet NaOCl 1% dhe CHX 2%. Persistenca bakteriale në momentin e mbushjes, e zbuluar nga qPCR, ka influencuar në mënyrë të konsiderueshme rezultatin.

I vetmi shqetësim në këtë studim lidhet me përqendrimin e NaOCl, duke qenë se punime të ndryshme kanë zbuluar një diferencë efikase klinike të përqendrimit të ndryshëm të këtij solucioni si irrigant; prania e baktereve duhet të zbulohet me procedura më të shpejta dhe të sakta që deri më tani nuk janë të disponueshme në fushën klinike.

Për më tepër:
Zandi H, Petronijevic N, Mdala I, Kristoffersen AK, Enersen M, Rôças IN, Siqueira JF Jr., Ørstavik D. Outcome of endodontic retreatment using 2 root canal irrigants and influence of infection on healing as determined by a molecular method: a randomized clinical trial. JOE 2019;45(9):1089-98.e5.

Përktheu: Valbona Spahia