Restaurimet posteriore në xham-qeramikë: analiza e shërbimeve klinike

Nga Massimo Gagliani

Stomatologët duhet të përcaktojnë dhe përditësojnë procedurat klinike për të pasur një protokoll më të mirë cementimi adeziv të përshtatshëm për restaurimet xham-qeramikë te dhëmbët posteriorë.

Disa studime follow-up - i in vivo janë publikuar duke sjellë të dhëna për punimet klinike të randomizuara në këtë argument.

Tipologjia e kërkimit dhe modaliteti i analizës
Qëllimi i rishikimit sistematik dhe meta-analizës së Lopes Sousa et al., i publikuar në numrin e janarit 2020 në Journal of Prosthetic Dentistry, ishte që të analizonte shërbimet klinike të restaurimeve posteriore në xham-qeramikë duke përdorur një sintezë përshkruese të bazuar në dy elemente: integritetin e dhëmbit dhe të restaurimit në bazë të protokolleve të ndryshme të cementimit ose me cemente në rezinë të ashtuquajtur "autoadezivë" ose konvencionalë.

Nëpërmjet një konsultimi të bankave të të dhënave elektronike janë identifikuar studime klinike të përshtatshme. Siç u përmend më lart, integriteti i restaurimit dhe ai i dhëmbit janë dy aspekte të marra në konsideratë për meta-analizën.

Rezultate
Janë seleksionuar dhe analizuar në mënyrë statistikore vetëm tre studime klinike perspektive të randomizuar ose pothuajse të randomizuar, të publikuar në anglisht nga viti 2012 e më pas.

Integriteti i dhëmbit dhe i restaurimit është vlerësuar në fillim të studimit dhe një vit pas ndërhyrjes. Analizat statistikore nuk kanë treguar diferenca të konsiderueshme ndërmjet dy llojeve të cementimit në termat e integritetit të dhëmbit dhe të restaurimit.

Konkluzione
Kjo meta-analizë nuk ka evidentuar diferenca klinike në cementimin e xham-qeramikës duke përdorur një cement rezinoz autoadeziv ose konvencional pas periudhës së follow-up - it 1 vjeçar duke qenë se të dy cementet rezinoze kanë treguar veti të përshtatshme për integritetin e dhëmbit dhe të restaurimit.

Limiti i kësaj meta-analize mund të jetë numri i vogël i studimeve të përfshira dhe koha e observimit që ka qenë vetëm 1 vit; në të kundërt, numri minimal i efekteve anësore që janë paraqitur në analizën përfundimtare mund të interpretohet në mënyrë të favorshme për teknikën e përdorur, duke qenë se është shumë e parashikueshme pavarësisht nga lloji i protokollit të cementimit të përdorur.

Për më tepër: Lopes Sousa SJ et al. Early clinical performance of resin cements in glass-ceramic posterior restorations in adult vital teeth: a systematic review and meta-analysis. J Prosthet Dent 2020;123(1):61-70.

Përktheu: Valbona Spahia