Cila është lidhja ndërmjet çrregullimeve të të ngrënit dhe shëndetit oral

Alessandra Abbà

Çrregullimet e të ngrënit (ED), siç është anoreksia ose bulimia janë sëmundje psiko-sociale serioze që prekin kryesisht adultët dhe adoleshentët. Individët e prekur nga çrregullimet e të ngrënit mund të shkaktojnë edhe sëmundje të tjera si diabeti, sëmundje metabolike, kardiovaskulare dhe ato të sistemit endokrin. Kjo e fundit shkakton kserostomi dhe çrregullime të tjera orale si kariesi dentar dhe erozioni dentar që vijnë respektivisht nga mungesa e përshtymës së bashku me zakonet e këqija dietetike dhe vetë-provokimin e të vjellave.
Edhe sëmundjet periodontale lidhen me çrregullimet e të ngrënit. Në fakt individët që vuajnë nga çrregullimet e të ngrënit shfaqin edhe mosinteresim në kujdesin për higjienën orale.
Çrregullimet e të ngrënit lidhen me vetë-perceptimin dhe sëmundjet orale mund të ndikojnë në aftësinë e tyre për t'u socializuar, duke çuar në përkeqësime të kushteve të tyre. Në lidhje me këtë temë përbën një rëndësi primare edukimi për një kujdes oral të përshtatshëm. Hipoteza e studimit të Johansson është që dieta dhe zakone të tjera të sjelljes ndryshojnë ndërmjet pacientëve me çrregullime në varësi të gradës së sëmundjes së tyre.

Materiale dhe metoda
Ky studim përfshin 54 pacientë (50 gra dhe 4 burra me një moshë mesatare 21.5 vjeç) të cilët kanë filluar trajtimin për 1 vit në një klinikë për çrregullimet e të ngrënit. Për grupin e kontrollit 54 pjesëmarrësit që përputheshin me moshën dhe gjininë janë zgjedhur nga një klinikë dentare. Çdo pacient ka plotësuar një pyetësor të përgjithshëm me 196 pyetje mbi faktorët socio-demografikë, faktorët e përgjithshëm dhe të shëndetit oral duke përfshirë zakonet dietetike dhe ato të higjienës orale. E njëjta pyetje i është bërë dy herë grupit me çrregullime të të ngrënit, sipas vetë-perceptimit të pacientëve kur ata ndjeheshin "relativisht mirë" (ED-good) dhe keq (ED-bad).

Rezultate
- Pijet e buta: pacientët e grupit ED-good kanë raportuar se konsumojnë shumë pije me përmbajtje kafeine dhe të dy grupet ED-good dhe ED-bad kanë raportuar se nuk konsumojnë shumë pije me gaz në krahasim me grupet e kontrollit;
- Vaktet dhe ëmbëlsirat: ED-bad kanë raportuar se konsumojnë shumë pak vakte dhe ëmbëlsira;
- Higjiena orale: të dy grupet e studimit i lajnë dhëmbët e tyre më shpesh sesa grupi i kontrollit por pacientët ED shkojnë më rrallë te dentisti për vizitë sesa grupi i kontrollit;
- Ndërgjegjësimi për riskun që lidhet me një dietë jo të mirë: nuk ka diferencë ndërmjety pacientëve ED dhe grupit të kontrollit;
- Pacientët ED me të vjella ndryshojnë në disa parametra në lidhje me dietën dhe sjelljet e tjera në krahasim me individët që nuk shkaktojnë të vjella.

Konkluzione
Zakonet dietetike të pacientëve me çrregullime të të ngrënit në kombinim me shprehjen e sëmundjes mund të të jenë të dëmshme për shëndetin oral. Sipas rezultateve të këtij studimi, hipoteza që dieta dhe zakone të tjera të sjelljes ndryshojnë ndërmjet pacientëve me çrregullime të të ngrënit në varësi të gradës së verifikuar të sëmundjes. Prandaj, mund të dalim në konkluzionin se programi i edukimit për kujdesin oral duhet të integrohet te terapia e pacientëve me çrregullime të të ngrënit edhe që ata të fitojnë një perceptim më të mirë të vetvetes.

Për më shumë informacione: Diet and behavioral habits related to oral health in eating disorder patients: a matched case-control study

Përktheu: Valbona Spahia